蝦條連玩都咁懶，訓o係度玩，妹豬就唔會訓o係度玩la

今年生日決定攪大佢，幫自己攪左個生日party，邀請左d朋友來同我一齊慶祝，呢日我過得好開心呀，講下我身邊一直都對我好好o既人(阿文)，17號晚因為公司要食飯，所以阿文就冇得同我食飯慶祝，不過在我食緊飯時，阿文就send sms比我，問要唔要過來接我返屋企，我就話 : 你鐘意啦!，咁佢就話來啦，跟住叫我差唔多食完就打比

剛收到個國內電話(應該係呃人電話)，號碼係861392956 1876，我一聽電話， 個男人就話 : 係咁o既!我轉左國內電話呀! 我就問 : 你邊位呀! 佢 : 下~你唔認得我把聲呀!  我 : 我唔認得喎!你邊位呀?  佢 : 你真係認唔出呀，聽唔聽到我口音呀，真係認唔到?

而家自己一個人住，好多時想講野都會對住兩隻貓講，好似睇緊電視覺得好好笑，就會對住佢o地笑，睇到有d鏡頭覺得好唔掂，就會對住佢o地講話，攪錯呀，阿邊個邊個真係做得好差呀....佢o地兩隻野都會眼定定咁望住我，好似真係聽緊我講野咁，有時蝦條仲會喵返我，好似應我咁咖 而我早前訂左張梳化，終於送左去我屋企la

昨天同家姐行超市買野啦，咁推住一車就排隊比錢啦，本來得兩個收銀開左，呢兩條龍都幾長下，之後超市見咁多人就開多個收銀啦，咁我就叫家姐分開排隊，佢就排隔離果條，咁我前面果位阿嬸推住架車仔想跟住我家姐排，但又想排我排緊果度喎，咁佢就將架車仔推左去中間，阻住左條行人路，呢個時候有個阿叔過路時就話個阿嬸，推

上個月尾搬去新屋住la，到而家都已經差唔多整理好哂家中d鎖碎事項，亦都添置左好多物品，電磁爐、電飯煲、鑊呀同其他煮食用品，係仲未買個微波爐o者，不過都唔知買唔買好，我朋友比左個蒸爐我，所以都唔知仲需唔需要買微波爐好?而傢俬方面都只係差張梳化未到，不過今晚會送貨la，真係開心，終於有梳化坐la，不過亦有d擔心

好慘呀!而家住緊間屋好似危樓咁，上年搬入o黎住左大半年都冇事發生，一到今年八月樓上就裝修，話要間套房喎，一裝修就整到我個廁所天花板度不停咁滴水，又整到個廁所d磁磚裂哂，出面個廳o既天花條陣都裂埋，之後業主叫過上面d師傅落o黎睇過，跟住話會幫我o地返好，跟住就攪左幾個星期去整，好la~~諗住上面都裝修得七七八

尋日3點半就帶左佢o地兩隻去睇醫生，醫生話妹豬隻犬齒崩左，仲要係崩左好大忽，同埋成隻牙裂左，唔剝唔得，而蝦條就真係冇左成隻指甲，個傷口仲要好入，有機會會生得返，但妹豬隻牙就生唔返la.... 醫生話貓d牙係好堅固o既，冇咁容易會整爛，但咁樣崩法有可能係撞到d好硬o既野而成，佢估計當時情況係 : 妹豬咬蝦條隻

好心痛呀~~~尋晚返到屋企一打開房門見到，地下有篤臭臭，跟住就望到蝦條坐左o係床度，妹豬就匿埋左o係梳妝檯，見妹豬咁，直覺篤臭臭一定係妹豬咖啦，咁我就出去拿抹手紙清理啦，都未清理時就見到妹豬個咀仔合唔埋，即刻抱起佢睇下咩事，點知見到妹豬右邊隻尖牙好似崩左，個咀仔又紅又腫，我即刻打電話去醫生度，點知醫生

前晚阿妹同佢男友上左我屋企打麻雀啦~打打下我就話唔想把風扇吹住我，因我覺得頭暈暈咁，咁細妹個男友就話不如將把風扇拎去佢果邊，咁把風扇一轉左位就突然吹左隻死蚊去麻雀檯度，咁細妹就話 : 嘩~點解會有隻死蚊吹左埋o黎咖~咁我望左望就講左句 : 嘩~咁低能o既!阿妹就話 : 點解你會用低能去形容呢?呢個時候個個都爆笑~當