新婚圈子 - 2012年12月結婚新人圈子
-
事源係我今年12月結婚啦~呢位親戚 (我老公嗰邊的) 都會喺1月結婚~我就介紹咗我租衫嗰間舖頭俾佢喇~
咁我最近揀好晒D 婚紗晚裝喇~佢有一日同我講佢都揀好咗~whatsapp 俾我睇
點知佢揀咗一件同款唔同色嘅晚裝!!!
雖則係兩個唔同wedding 啫...但都有一班common 親戚嘛...雖然我擺酒先過你啫...但D 相都係大家睇嘛...
雖講話唔同色啫...但一睇個款都係一樣嘛...我唔知佢揀定咗未, 但我同佢講我揀定咗仲send 晒D 相俾佢睇囉...唔知...佢會唔會轉款呢?!?!?!定係我自己要轉款以免同佢撞呢?!?!?!唉...我老公話鬼睇到咩...隔成3個星期先到佢結婚, 鬼記得D 款咩...又話撞款唔同色有咩好怕...
佢就係唔明女人係幾怕撞衫!!! 因為大家係親戚到時大家big day d 相有同款好似唔係幾好咁...係咪我過慮呢?!?!?!
-
OliCheeSe: 話撞款唔同色有咩好怕 --->真係唔怕嘅! 一係自己加條腰帶啦~個款都已經幾多嘢...我諗加唔到腰帶喇...
佢中間由心口去到腰位滿晒bling bling
-
芝麻小姐: 轉款,佢知唔知同你同款?我講咗俾佢知同款唔同色架喇~都同佢講我firm 咗~
當然我冇要求佢轉款啦~唔知佢會唔會咁做啫...
-
qqqqqq: 我覺得,唔同色唔怕啦~~~~~!個款係好明顯一樣囉...因為個款比較outstanding...