新婚圈子 - 2013年1月結婚新人圈子
-
有無友都係1月24日結婚嫁?進道如何呢?我開始有少少緊張啦,因為時間過得太快既關係,我得反4個月時間,太快了,發覺重有好多野未整呀,你地呢?
-
我同你一樣都係1月24
我都好多嘢未整好ga, 不過而家急都冇用, 因為真係好多都要11/12月先confirm到, 所以都係平常心...緊張我又冇wor, 淨係好想好想快d過埋10月, 因為過埋10月會開始忙, 好多嘢要confirm, 咁就會覺得好快到ga啦, 超級期待中
-
你要快啲啦,我依傢已經印緊帖,借衫都ko埋,依傢只欠奶奶衫,依傢最令我頭痛係個rundown同埋mc.朋友本身應承話幫我做,依傢又話唔得,又要再揾人,所以有啲煩惱,haha.你地快啲啦,時間一日一日咁過,好快就到嫁啦><
-
講起印帖,酒樓係包埋印帖,但係酒樓只係得中文版本,沒有中英對照的版本,因我有D同事係外籍人士,而家仲諗緊點好...[本話題由 Kala 於 2012-11-01 11:55:46 編輯]
-
hihi~ 大家好呀~ 我都係1月24日結婚架!! 請大家多多指教呀^^
我都完成左大部嘅野喇!! 我原本25/12先過大禮,但突然要提早到20/11就過,所以變得有D急... 唉,真係煩呀!
同埋我都同Pigpigyu一樣煩緊個rundown同埋要開始編座位表,好頭痛呀!!!
-
Kala.你有無問酒樓加印英文得唔得?美心同奇華真係好多人買,我上次去都用左我好多時間呀。
Wingyo 歡迎你加入大家庭呀^^我依2個星期做左好多野呀,見左4大長老,媽咪衫同婚紗都book好埋,昨天過大禮都又成功,因為我屋企人無咩要求,佢地話簡簡單單就得啦,所以依部份好快完成左。最頭痛就係我個rundown,因為我係中午註冊,我同男朋友屋企又相隔好遠,所以早上時間好趕。真係要用多少少時間去諗諗。
你地都加油呀,時間係唔等人嫁
-
我今日都同男朋友去左訂過大禮d野同埋去左攞結婚介子,總算完成左多一樣野~又煩少樣,而家最希望過大禮果日順順利利啦!!
Pigpigyu, 有關註冊方面我都諗左好耐,因為我自己一直都想係註冊處註冊,不過我地男女家都係天水圍,又係屯門擺酒,所以就唔想出咁遠註冊,但屯門註冊處附近又好似冇咩風景,所以諗左、掙扎左好耐最後就決定晚上係酒樓度現場證婚,午飯之後就同班兄弟姊妹去南生圍影相,當影多輯pre wedding~
跟住而家都冇咩要攪lu... 等d帖印好,就開始寫名,然後20/11就過大禮果日派埋帖比親戚
-
Pigpigyu, 恭喜您過咗大禮呀~
我會喺迎喜擺酒,落訂時已問過個經理,佢話印貼嗰度係冇英文版本提供,哈哈~[本話題由 Kala 於 2012-11-04 12:03:59 編輯]