婚享同學會


可用已有生活易帳號

登入


未有生活易帳號?

立即註冊

外星小姐的BLOG

外星小姐的主頁 | 查看全部BLOG
自我介紹:
9.9.2014 拍拖8週年, 嫁比外星先生, 展開外星基地既生活; 婚後繼續以愛分享的精神, 自說自話地分享外星的快樂生活~ 外星小姐@手記: http://www.facebook.com/ms.alien.at

你可能也喜歡…

當前第 47 個 | 共 273 個BLOG      上一個 | 下一個
查看BLOG | 返回BLOG列表

外星太太生活分享 - 充滿驚喜的 9.9.9 ! 慶祝~拍拖9週年 + 紙婚快樂

標籤紙婚  9週年  外星太太生活  2015-09-13 23:22
轉眼間就拍拖9年 & 結婚1週年了!
9.9.2014 發生的事情... 依家回想起, 都仲係好似發生左冇耐咁~!
我仲未覺得係結左婚呢! (甚至都未接受被人叫"外星太太"這個稱呼吧!)

回想起呢一年的新婚生活, 其實真的很開心!
因為這一年我和外星先生相處的時間, 應該就是過去拍拖那8年加埋的總和有多!! 
拍拖時我們都各有各忙及直正大家學業 & 事業的衝刺期, 星期一至五基本上我們不會見, 星期六下午好多時外星3生都要OT, 最多晚上食一餐飯, 星期日因為我要畫畫, 因此只會在4pm 後才會見面, 行一回, 吃個飯, 就回家了! 有2如果星期日要同同學傾project /溫書, 分分鐘不會見面呢!

起初都有擔心拍拖時一個星期加埋都見唔夠12 個鐘, 婚後好多時間都會見, 大家都自由自在慣的, 能否夾到一起生活呢? 而我是絕對的行動派, 講完就要立即做, 相反外星先生為人較 "老闆feel", 經常出現「皇帝唔急, 太監急」的情況, 兩人一起生活, 會否大家都很辛苦呢? 

不過經過呢一年既體驗, 不用工作衝刺時的外星先生, 其實都是一個典型的巨蟹座男.... 經常痴在家中的! 而我也是巨蟹座人, 因此婚後二人不用工作的時候, 總是在家中~~~懶~~~ 很少出街, 更加少出去食飯啦! 

家務方面, 原先很擔心我要我一個人做曬,不過幸好, 外星先生都是一個會做家務的男人! 比我做得還要仔細 & 好呢! 佢拖地每次會拖4- 5 次 (!!)..... 洗碗洗一個鐘頭 (因為連埋清潔廚房) (!!!!), 摺衫摺到好似出面舖頭咁 (!!!!!!!!), 除下的洗衫, 吸塵等就是我做了.. 

而最令外星先生SURPRISE 的是 ---- 我的廚藝, 由未嫁時打開隻蛋都可以開到成手都係, 煮野會瀉到成個爐都係... 到依家識得整下幾味, 仲可以簡單的宴客, 外星先生都好SURPRISE 呢一年佢竟然可以有飽飯吃....! 雖然有時間衝完一日既工作真係好好好好好支力, 不過見到外星先生很滿足地食食食, 我自己都有一點點的成功感! [ 外星先生說 :「買LC, 送廚藝」是沒錯的! 繼續支持我建立我的綠色廚房~! ]

回顧這一年, 真的很快快快樂, 因此身心都發漲了不少... 放縱了一年之後, 就開始要注意均衡飲食了~ =) ! 

************************

到底我09.09.2015 那天, 外星先生給了我什麼的Surprise!? 

其實向來外星先生是"實際型", 叫佢花$ 送花, 佢會覺得係浪費多過浪漫
叫佢買野比我? 我會擔心買不到我心目中想要的而做成浪費 (因為佢知道我真的很很很多古怪的要求, 絕對是一個麻煩人)
而佢就係問兩問就乜都講曬出黎個D 人, 所以我好少何會有成功的SURPRISE 呢!

加上今年大家都工作都十分之忙, 因此我一路都沒有期望這個9週年他會準備到什麼, 大家可以準時收到工, 食到一餐飯已經好好了! 

在前一晚, 我問外星先生, 聽日會有什麼SURPRISE 給我~ 他都是說沒有.... =_=
"不斷說你真好煩~成日問住曬~ 你聽日咪知囉~"

9.9.2015 那天, 因為工作上請唔到假, 所以都係如常朝早趕頭趕命跑返工... (之後個晚為左今日可以準時收工, OT O 到成9點先走..)  
10:30 要開大會, 9:30 開始已經好急地準備陣間開會既事, 9:55 時... 電話響起 "黃小姐, 請問你到底你係坐幾多樓呀? 我見送花人寫地址無寫到喎.... " (喂呀... 乜驚喜都冇曬啦) 因為我公司係唔可以上樓的, 我只係好無SURPRISE 的落樓下RECEPTION 收花... 

一收到扎花時..... (!!!) 第一個感覺係............. 咁輕既!! (因為我好大力起接過扎花) 
再望真D.... (!!!!) 哇..... 成扎花都係綠色!! (只係個花紙係紅色係我無咁鐘意既) 
送花人講, 呢扎就係保鮮花黎架~~ 可以KEEP 2-3 年!! 

我真係超超超超超超級鐘意!!!!!!!!!! 
外星先生話叫佢買鮮花佢真係唔鐘意, 反而保鮮花佢覺得好OK~~~ 
因為可以KEEP 得耐~~~~
(其實我都係咁諗)

之後晚上都算叫做準時收工 6:30... 
外星先生約我出尖沙咀... 但沒有講去邊度.... 
第一站我要先去北京道1 號的medilase..... 因為3/9 時有人陪我做treatment 時...... 溜左個用黎打機既電話係個度... 不過我為左佢打少部機... kekeke 我拖住唔去拎住, 不過見今日佢約我去尖沙咀, 就順手幫佢拎左先啦! hahahah 

拎完電話之後..... 佢就先叫我去Isquare..... 到去Isquare時... 又唔見佢, 就叫我去k11......去到k11 時.... 都唔見佢..... 開始火都黎埋..... (喂.... 求婚時又係用呢招, 今次又係呢條橋, 又係先要激嬲我先!!) 最後最後... 再叫我去the one... 

原來有人係有BOOK 位既!!! 只係未夠鐘, "搵D野黎玩野" <== 即係玩我! =_=" 

其實我都唔係好CARE D 野好唔好食 (因為我地兩個都唔好食野既) 
佢揀呢度係因為地點方便, 又可以望到香港夜景~ 
(原先佢話想上返山頂既, 不過真係太遠啦, 第二日又要返工) 
簡簡單單, 就過左我地既一週年~~~~ 

返到屋企, 又影我地既大合照啦~~!! 
(今次仲拎埋我BIG DAY 有關既花出黎做DECO)

回顧一下之前既合照~ 

6 月我們的生日~

2014 X'MAS~~ 

*************************
同場加映~~~ 9.9 花花系列~~~ 

大家仲記得佢地嘛 =) 

其實我真的不用外星先生成日送花給我 
(因為我這個念物人真係唔捨得丟.... 如果外星先生成日送花比我, 屋企真係要再買大D 比我放先得啦! XDDDD)

********************

FOLLOW ME: 外星小姐@手記
FOLLOW 我家小貓: 外星直直 & 外星攣攣


987 次閱讀 | 14 個評論
Facebook WOW Google+ Weibo Mail
當前第 47 個 | 共 273 個BLOG      上一個 | 下一個
全部(7)

留下足跡

評論

  • 外星小姐 2015-09-16 23:41
    celiaaa: 扎花好特別好靚呀~ :)
    扎花我真係超鐘意~~~ (ALL GREEEN)
  • 外星小姐 2015-09-16 23:41
    mslilwhitedress: 其實向來外星先生是"實際型", 叫佢花$ 送花, 佢會覺得係浪費多過浪漫
    叫佢買野比我? 我會擔心買不到我心目中想要的而做成浪費 (因為佢知道我真的很很
    其實真係好多男人都係實際型..HAHA~~~
  • celiaaa 2015-09-15 12:30
    扎花好特別好靚呀~ :)
  • mslilwhitedress 2015-09-15 01:15
    其實向來外星先生是"實際型", 叫佢花$ 送花, 佢會覺得係浪費多過浪漫
    叫佢買野比我? 我會擔心買不到我心目中想要的而做成浪費 (因為佢知道我真的很很很多古怪的要求, 絕對是一個麻煩人)
    而佢就係問兩問就乜都講曬出黎個D 人, 所以我好少何會有成功的SURPRISE 呢!
    ->跟C先生完全同一type

    Happy Anniversary!!!
  • 外星小姐 2015-09-14 13:40
    StephanieKong: 扎花好靚好特別呀!

    花$ 送花, 會覺得係浪費多過浪漫<===認同!
    叫佢買野比我? 我會擔心買不到我心目中想要的而做成浪費<==心聲!
    全扎綠色! 真係好好好好鐘意!!

    hahaha 所以每年外星先生都會好無情趣地問我
    "你想買咩? 我同你出去, 你自己揀! XDDDD"
  • 外星小姐 2015-09-14 13:38
    PatPatChi: 扎花妹靚呀
    係呀~~~ 佢今次真係好叻~~!!
    個組合出黎勁靚~~~~~~~~~~~~~
    我好鐘意!!
  • 外星小姐 2015-09-14 13:38
    CathyChui: wow~so sweet
    應該只此今年~~
    出年無架啦! xdddd
  • 外星小姐 2015-09-14 13:38
    awong: 甜蜜!
    今年都真係要比個叻外星先生!
    不過我估遲下無架啦~!! HAHAA
  • StephanieKong 2015-09-14 10:28
    扎花好靚好特別呀!

    花$ 送花, 會覺得係浪費多過浪漫<===認同!
    叫佢買野比我? 我會擔心買不到我心目中想要的而做成浪費<==心聲!
  • PatPatChi 2015-09-14 10:10
    扎花妹靚呀
  • CathyChui 2015-09-14 09:25
    wow~so sweet
  • awong 2015-09-14 07:42
    甜蜜!
  • 外星小姐 2015-09-13 23:46
    cgwedding: 都話外星有surprise啦~~~Good job this year XDDD
    今年GOOD JOB 用左咁多佢既惱汁 & QUOTA, 唔知出年仲有冇呢.... HAHAHA
  • cgwedding 2015-09-13 23:45
    都話外星有surprise啦~~~
    Good job this year XDDD

您需要先登入才能繼續本操作