婚享同學會


可用已有生活易帳號

登入


未有生活易帳號?

立即註冊

外星小姐的BLOG

外星小姐的主頁 | 查看全部BLOG
自我介紹:
9.9.2014 拍拖8週年, 嫁比外星先生, 展開外星基地既生活; 婚後繼續以愛分享的精神, 自說自話地分享外星的快樂生活~ 外星小姐@手記: http://www.facebook.com/ms.alien.at

你可能也喜歡…

當前第 42 個 | 共 273 個BLOG      上一個 | 下一個
查看BLOG | 返回BLOG列表

夢想家居 - 淘寶燈 ??? 信唔信得過架? (親身體驗一年後REVIEW!)

標籤夢想家居  外星太太生活  傢私  淘寶傢私  淘寶燈  身親體驗  2015-10-31 11:37
雖然沒有太多人睇, 不過都想繼續分享~~ =) 
(其實Record 黎都係比自己的身邊的朋友睇, 我怕自己愈老愈冇記性, 所以就趁仲有記憶個陣就寫底啦~ =)) 

上手其實原先有燈留下的... 
不過.... 愈睇愈真係覺得.... 唔岩feel... 同埋既然都係自己屋企啦, 不過換就換曬去啦! 
揀d 自己又鐘意, 又簡單既仲好啦~! 

首先, 要諗一下自己屋企邊度需要燈,
1) LED 燈帶 & 射燈 
由於我個廳同埋睡房上手已經做左燈糟同埋有射燈, 
所以已經煩少左好多野~! 
燈槽上手係用光管的, 光管除非你用T5 管, 如果唔係都幾易燒的
所以我都轉左用 LED 燈帶
一黎冇咁熱, 二黎慳電D (我唔識呀, 係外星先生講的) 

傳統的射燈好熱 & 好食電 (聽外星先生講) 
仲會好易燒,
而燈糟 同埋射燈係佢一個同學幫我地裝既, 當係放比我地既入伙禮物, 所以唔知道幾錢同埋邊度買! 

係決定買咩燈之前
我地都仲有行過旺角/ 灣仔/ IKEA 個D 既燈
麻麻煩煩的外星先生說D 款太普通 (佢想有幾特別 =_=).... 最緊要係普通得黎價錢又唔係平 
(佢覺得好唔抵買 XDD) 

有朋友之前都試過係淘寶買過燈送黎比裝修師傅安裝
所以我地就向淘竇入手啦!~!

2) 飯廳
我們的家沒有十幾尺樓底.....
但偏偏.... 外星先生係都要揀呢一款.....
佢話覺得好型, 好鐘意................................ 

* 我叫佢做"太空燈".... 係咪好太空FEEL 呢? 
其實......................佢真係得個樣... 係冇照明功能的! (一D 都唔光架!) 
不過有時晚上出去飲杯水, 又唔想開到成屋燈槽, 就開呢盞太空燈啦! 
(都幾好FEEL 既.... XD)


3) 客廳壁燈
近窗台的位置
上手業主做了一個位放壁燈, 因為廳主要照明是燈糟, 所以都想有個地方可以有光少少既燈, 咁就可以係窗台睇書時開~

都是同一間的賣家搵到這個叫"微笑壁燈"
當看名字, 都已經感受到佢的歡樂了~ =) 

不過覺得銀色有一點冰冷, 
所以就揀返黑色 =) 
開左燈之後打出黎既光係微笑的~ 
有時見到都覺得開心呢!! 

 

唯一的不足是佢係用"太陽燈" 
(外星先生說比較熱 & 食電) 
不過都係久不久開的燈, 就由他吧~ =) 

4) 睡房燈

我們的睡房, 上手已經做了燈糟及床頭的射燈
都係上手在睡房做了一盞壁燈, 
都係因為唔想煩, 所以就留了位置了! 

第一眼看到這個波波燈, 就已經很心心眼了! 

雖然其實床頭已經有射燈
不過為左滿足自己, 
都係買下了.... 
不過用左大半年, 最近我都remove 了.... 
(事緣係.... 自搬了入外星基地之後一直都keep住病, 仲要係大病個隻.... 
 有日外星先生搵了風水師傅黎睇風水, 原來最好床上面不用掛壁燈呢!
 自此之後, 就拆了盞燈了.... 而so far 又真係呢半年都身體好左好多, 唔知關唔
關事呢?)

不過都同大家share 一下, 個波波燈既實物相~ 


5) 貓房 (書房)燈

我家小貓- 直直攣攣的play room = 即係等於我們的書房
由於係書房, 所以我的要求係要白燈! 
(如果黃燈之下做office work 會好想睡的.....) 

沒有太大要求, (因為間房都沒有裝份過, 所以書台/櫃都去源用上手的) 
因此就向價錢入手!

簡簡單單, 白光, 就係咁簡單~ 

6) 走廊燈

由於廁所出面走廊位我拆去了上手的DESIGN, (原先都係做左燈槽的) 
不過唔想咁多燈槽, 所以就將佢還原了
再將走到貼了扮磚牆的WALLPAPER 

有一點LOFT 味, 所以都揀了一盞RAW RAW 的燈 

因為其實唔會太覺眼呢一盞燈, 同埋都唔會成日開 (通常最多都係晚上起身去飲水/去廁所時先會開一陣) 
所以都係向價錢平~~~出發!! 

十分十分簡單的燈
總好過只係吊條線同燈膽係度吧? XD

7) 洗手間 / 廚房燈

很LUCKY, 上手的洗手間/ 廚房燈都沒有更換過的
都已經很岩用了! 所以都沒有改呢! 
(只係更換用慳電膽就ok了~) 

**********************

之前一路很擔心淘寶的燈咁平, 
質素會唔會唔好, 好快壞.....
SO FAR 依家用左一年, 屋企都未換過燈膽呢! 
性價比高的好家居物, 當然大大方方同大家開心SHARE 啦~~ =) 
唔洗PM 問我, 叫我SEND INFO 比你們了~~~~ 

不過因為我買的時候同依家都已經相隔一年了
所以部份貨品已經下架了, 所以唔好叫我搵我邊盞燈的TAO BAO LINK 比你啊~ =) 

為了自己獨一無二的家, 花多一點時間去"尋寶"吧~=) 

**********************
另外, 是大家關心的運費問題
因為我一口氣買了5盞燈, 所以我PM 他們查詢運費以及送貨是送到家的樓下/ 還是到府上!! (這個很重要的!!) 
其實原先佢講明只會送到我家大堂樓下, 
不過到送貨個日, 我同當日送貨的哥哥仔說可否幫我推埋上屋企
最多我封返利是比佢地
4 個人 (都每人$100 架!)

佢地都很NICE 幫我送上門~~
咁就可以慳返D 力唔洗自己推上去了~!! 

他們的PACKING 都真的很浮誇.............
原先心急想第一時間拆黎睇既我, 係冇可能拆到的!!!
因為成個木箱釘到實曬!! 要我裝修師傅要用"鐵筆"先開到呢!!! 



至於安裝.... 因為我們自己有熟呢方面的朋友, 因此就搵朋友免費幫我們安裝了~
(搵朋友幫手, 緊係要請人食飯啦!!!) 
同時外星先生係揀燈亦都睇定邊一D款 可以轉返用慳電膽, 所以順手換埋~~~ 

**********************
揀燈時我們覺得要留意幾點: 
1) 美觀 (不用多說吧!) 

2) 實用性 (照明度夠唔夠? 係黃燈定白燈?) 

3) 屋企樓底高低是否合適

4) 多看COMMENT (有D BUYER 會POST 實物出黎)

5) 度清楚SIZE!! (可能的話, 可以自己用PAPER 摺個大約的SIZE 出黎,再放係自己想放既位置, 睇下係咪真係自己想要既SIZE)

6) 保養問題 (有時D 燈個DESIGN 真係好型, 不過現實D 諗, 點保養?易唔易配返燈膽? 而係一壞左就已經唔可以換配件? 始終燈真係要爬梯先上到既地方) 

7) 清潔容易問題? (依好多新樓都樓底好高, 相對地清潔/掃塵都有難度, 太複雜既款, 好多時都好易積塵! 除非自己屋企真係有HELPER, 會勤力打掃, 如果唔係都建議呢)

8) 耐看度 (傢私唔同買衫, 放左係度之後好難成日換款, 所以唔好怕煩, 最好花多一點花思及時間去搵一些自己鐘意的傢私及燈飾啊~)


**********************

外星基地家居手記 (不定期更新) :- 

**********************

follow 我家小貓: 外星直直 & 外星攣攣
4053 次閱讀 | 14 個評論
Facebook WOW Google+ Weibo Mail
當前第 42 個 | 共 273 個BLOG      上一個 | 下一個
全部(7)

留下足跡

評論

  • 外星小姐 2016-05-18 14:05
    lanlan526: 你個blog 好好睇~
    多謝分享!!
    THANKS~ 多謝大家收看
  • lanlan526 2016-05-18 13:55
    你個blog 好好睇~
    多謝分享!!
  • 外星小姐 2015-11-17 07:22
    傻女女: FB一向有FOLLOW直直攣攣個PAGE....
    竟然冇意中發現左呢個BLOG
    Halo 大家都係貓貓愛好者😆
  • 傻女女 2015-11-16 23:38
    FB一向有FOLLOW直直攣攣個PAGE....
    竟然冇意中發現左呢個BLOG
  • 外星小姐 2015-11-03 16:20
    357h3r: Very useful!
    我想問下你們的貓/書房是怎樣的?養貓的家居有什麼材質的傢俬佈置可以推薦呢?
    沒想過同大家分享直直攣攣的傢私呢!!!
    等我準備一下同大家分享啦~ =)
    我唔同地方都有D 傢私比佢地玩架~
    (所以就冇抓SOFA / 傢私同埋牆啦)
  • 357h3r 2015-11-03 09:21
    Very useful!
    我想問下你們的貓/書房是怎樣的?養貓的家居有什麼材質的傢俬佈置可以推薦呢?
  • 外星小姐 2015-10-31 23:48
    goodmay: 雖然唔係成日留言,我都有keep住睇㗎!因為我都係蟹女呢!
    謝謝編輯的留言~
    我呢D 結完婚,
    婚享又打完, 樓又買左, 但仲未生仔 (未想吸收咁多生仔既INFO 住), 都有久不久下廚, 不過有時返工太忙都未必日日煮到, 兩頭唔到岸既靚太
    有時上黎到WOW 都唔知有咩好睇呢~

    YEAH yEAH YEAH
    蟹人係特別鐘意迷戀屋企既一事一物!!!!
    我會繼續用龜速去完成我個外星基地MAKING OF... HAHA
  • 外星小姐 2015-10-31 23:44
    koey16: 唔係冇咩人睇呀! 我有追你d post 架我覺得你分享d 野都好有用!!
    大家的反應令我有點受寵若驚呢!
    謝謝大家耐心收看我的無聊分享~~~~ XDD
  • 外星小姐 2015-10-31 23:43
    chanauau: 我屋企的燈具都係淘寶的, 相當好用媽媽都鍾意我地屋企果款, 叫我淘埋俾佢
    起初都係驚驚地咁去淘燈, 仲比阿媽話我痴線,
    點知黎到之後佢見到都話遲下娘家裝修都要幫佢淘呢 ! XDDD
  • 外星小姐 2015-10-31 23:41
    Miumiulie: 雖然沒有太多人睇, 不過都想繼續分享<----haha我有睇你寫文呀~~多謝分享~

    我房盞燈同你貓書房個盞差唔多, 不過係淨係得個罩, 無吸頂個位, WAKAKA

    btw 貓貓+
    最近工作太忙所以都少左上wow 同埋打blog,
    不過好開心大家仍然會收看我寫的無聊2, 3 事~ XD

    HAHA 我個隻貓貓叫"攣攣" , 又dad 又八卦既小朋友黎架!
    (張相係14年xmas 影啦, 依家大隻左好多!)
  • goodmay 2015-10-31 16:08
    雖然唔係成日留言,我都有keep住睇㗎!因為我都係蟹女呢!
  • koey16 2015-10-31 13:25
    唔係冇咩人睇呀! 我有追你d post 架
    我覺得你分享d 野都好有用!!
  • chanauau 2015-10-31 13:24
    我屋企的燈具都係淘寶的, 相當好用 媽媽都鍾意我地屋企果款, 叫我淘埋俾佢
  • Miumiulie 2015-10-31 12:47
    雖然沒有太多人睇, 不過都想繼續分享<----haha我有睇你寫文呀~~多謝分享~

    我房盞燈同你貓書房個盞差唔多, 不過係淨係得個罩, 無吸頂個位, WAKAKA

    btw 貓貓+ x'mas tree好得意...

您需要先登入才能繼續本操作