婚享同學會


可用已有生活易帳號

登入


未有生活易帳號?

立即註冊

外星小姐的BLOG

外星小姐的主頁 | 查看全部BLOG
自我介紹:
9.9.2014 拍拖8週年, 嫁比外星先生, 展開外星基地既生活; 婚後繼續以愛分享的精神, 自說自話地分享外星的快樂生活~ 外星小姐@手記: http://www.facebook.com/ms.alien.at

你可能也喜歡…

當前第 27 個 | 共 273 個BLOG      上一個 | 下一個
查看BLOG | 返回BLOG列表

外星太太生活 - 我是如何BINGO 的? 從一些生活小習慣入手~

標籤外星太太生活  GNC葉酸  傅牌  薑茶  紅棗茶  2016-05-09 13:39
上一篇同大家"報喜" 之後, 
就不如回一回帶, 講返我的BINGO 之路~ 

其實打從結婚一週年, 就已經心態上開始"ready"去加入新成員
有朋友的指導, 首先要準備幾樣"工具"
1) download 個apps 叫 "瘋狂造人" <== 我聽到個app 名時真係笑左出黎...咁爆!!? 如果你既Period 係準既, 都大約會見到個pattern, 幾時排卵, 幾時最易bingo
(好可惜我既period 係好飄忽既, 所以都比較難去捉摸個時間)

2) 準備一支溫度計 <== 我是是旦旦係mannings 買左支mannings 牌就算了
(d 人話體溫係最誠實既指標. , 每日同一個時間起身時mark 大眼, 唔好郁, 第一件做既事就係check 體溫就最準.... 這個我都係大約咁做咋, 不過都見到個pattern~)

3) 紅D / 綠D  <== 這個可以淘寶/上網買都可以 
(其實如果period 準同有量體溫, 我覺得已經好夠, 真係都係好捉摸唔到先用紅D CHECK 排卵, 但首要既係... 一定要放鬆心情! 我地打從由15年9 月開始試紅D CHECK 黎開工, 但發現... 真係好難同埋好有壓力! 明明係開心既一件事, 變成"交功課咁", 感覺都唔太好受, 所以去到16年頭已經用曬D 紅D 就放棄左呢樣野, 想做就做, 隨心而行了!)

都係個d 啦, 我每一樣都有做過, 不過唔係唔係好太刻意去做, 
我見好多靚太都已經有出交分享過了, 所以我呢D "是是旦旦"既, 都係唔好懶係識咁同出交同大家分享了 =P 
不過點都係一句, 最緊要保持良好既心情, 
唔好為開工而開工.... 一切隨心隨緣,
當緣份要到的時候, 擋也擋不住! 

咁... 到底呢篇野係想同大家分享乜野? (成日都又係咁~~~ UP 左大輪都仲未入正題~~~) 
先頭都有提過, 我其實本身身質都唔係好既, 
PERIOD 不是 28 DAYS, 是..... 35......至45DAYS, 怎至有時大壓力的話可以係2, 3個月先黎一次! 
呢幾年仍都花左D 心機去令自己身體好一點
雖然唔知關唔關事, 不過都同大家分享一下吧! =) 

1) 睇中醫調理身體
最先入手的, 就當然係睇中醫調理身體了! 
中醫我睇過兩個的, 二個分別都係食藥粉既

第一個中醫係係我6-7 年前睇, 叫紅棗中醫診所 (website) 的呂雅婷醫師
一連睇了2,3 年, 將我的period 由無影, 到都見到個pattern.. (順手睇埋我d 濕疹同埋皮膚問題)
不過之後因為轉左工, 時間唔太方便去睇, 所以就放棄左一排了~ 

第二個中醫就大約由15年年中開始睇啦
事緣係因為聽左一次esdlife 攪的中醫talk, (由德善堂既註冊中醫講既~) 
入面有張德善堂 (website)的coupon, 就抱著貪小便宜同外星先生去試睇一次~ (HAHA~~) 
佢有好多個註冊中醫師, 而我地就揀了個日其中一個講者~~ 蘇穎詩醫師
(因為睇到佢係曾經讀過香港大學李嘉誠醫學院婦產科學系哲學碩士, 感覺比較對女士的多一點研究) 
我同外星先生一起睇了接近半年, 就bingo 了!
然後初期感冒後咳過不停, 都有返去睇中醫清底呢! 

2) 戒口
其實有很多東西, 都係睇第一個中醫時已經盡力戒了口 
(其實主要為既係想皮膚好d~~ hahaa~) 
以下的東西我都已經很少食了
茶 / 蛋 / 海鮮 (蝦/蟹/貝類) / 豆製食品 / 酒 / 辣 / 牛 / 咖啡 / 奶
(當然以上的東西都久不久有食, 不過可能真係一個月先食1,2 次豪食, 如果自己係屋企時都盡量少食)

其實仲有凍野..... 不過呢樣真係好難戒, 特別係好鐘意食雪糕/雪條既我! 
唯有食少d .... 同埋揀"好野"黎先食吧, 留返d quota~~haha 

3) 每日飲料 
這個是我媽媽叫我去飲的, 為的是想我period 準一點
不過懶懶閒的我, 其實到婚後先"乖乖地"跟住佢叫的pattern 去飲~ 

period 後一連5-7天飲紅棗水, 平時就一個星期分一半日子飲紅棗水, 一半日子飲薑茶, 
period 前的一星期就盡量飲薑茶, 最好是早上飲~ 

mummy 更在工展會買了這一個給我~ (我不知道平時可以係邊度買, 因為通常一買就買了差不多一年的份量hhaa) 味道很不錯呢! 不會太甜呢! 

period 後可以多飲桑寄生蓮子蛋茶 (我通常lunchtime 如果會去池記食lunch 時一定會叫一碗~~) 
(但記得period 期間不要飲呢!!) 

4) 每晚臨訓前用熱水浸腳 
因為我是手腳冰冷的人, 有朋友suggest 我每晚都用熱水浸腳, 最好浸到Knee 的位置呢! 
浸了之後每晚都訓得好舒服~~~~~~~ 

5) 著拖鞋
我從小都有一個很壞的習慣, 就是不愛著拖鞋!!! 
(就是不喜歡穿了鞋感覺不夠relax 嘛!!!) 
即使冬天最凍的日子, 都不愛穿拖鞋!! 
因為很變態地愛地板涼浸浸的感覺~~~ (死未~~) 
為左準備小A 的來臨, 真係戒左呢個幾廿年既壞習慣 

6) 每日盡量都訓8 個鐘頭
我向來都係一隻夜鬼, 冇1,2 點都唔捨得訓, 不過其實人既最好recover 既時間就係23:00 - 02:00 呢個時間
所以我都改左呢個壞習慣, 都盡量00:00 前訓到 (就係因為咁, 所以無乜打blog 了~ 以前好鐘意臨訓時打下blog)

7) 食葉酸
朋友介紹的GNC 400, bingo 前都係食400 已經夠, bingo 後因為我有淨, 所以就食2粒 (double 分量呢 haha)

8) 放鬆心情, 勿帶工作的煩惱回家
我覺得這一點很重要, 我睇中醫時, 都被問我的工作壓力是否很大? 
因為每次問到我睡眠質素時, 我都是說很易入睡, 不過感覺訓得唔夠深層, 同埋多夢
(外星先生更說我逢星期日至四, 久不久都會發開口夢, 而內容都是離不開工作的事情)

不是叫自己不要努力工作, 只是叫自己將事情放開一點, 
收工之後就完全收工, 一切工作的事情都不要去諗不要去理, 
完完全全熄機, 好好享受自己的私人時間! 

9) 久不久吃雞泡膠
網上有不少人都有講雞泡對子宮都好處, 經朋友介紹, 買了一些返黎~ 
都係用黎整下花膠燉鮮奶, 煲下花腸湯咁~

以上的都是個人的小小分享, 沒有甚麼有醫學根據的,
每個人體質不同, 我Work也不等於大家都work 啊~~~ 

最緊要都係抱一個隨緣的心情!! 
記得小朋友係天賜的禮物~ =) 

今次打住咁多先~ 
下回再講~ 

小A手記: 



*********************************
follow 我的小貓: 外星直直&外星攣攣


2718 次閱讀 | 8 個評論
Facebook WOW Google+ Weibo Mail
當前第 27 個 | 共 273 個BLOG      上一個 | 下一個

評論

  • 外星小姐 2016-05-13 09:32
    phyllistingting: Same feeling所以有時打打下我都冇咩心機, 不過仍然鍾意睇你分享大家都KEEP住SHARE!
    謝謝支持~
    有時我已經放棄左...
    不過見到你地既MSG 既時間, 就會想抽到時間出黎同大家分享一下~
    (希望我KEEP 到啦! HAAHA)
  • phyllistingting 2016-05-12 11:32
    Same feeling所以有時打打下我都冇咩心機, 不過仍然鍾意睇你分享大家都KEEP住SHARE!
  • 外星小姐 2016-05-10 11:30
    MS123: 恭喜!!! 對於戒凍飲...真係好難...
    THANKS~~~
    無錯.... 完全唔飲凍飲真係好難囉~~
    我唔係聖人, 我真係做唔到!

    不過久不久都有破下戒
  • MS123 2016-05-10 11:10
    恭喜!!! 對於戒凍飲...真係好難...
  • 外星小姐 2016-05-09 23:55
    zoe0917: 恭喜你啊!
    想問下你,你睇的中醫大概幾錢?
    我之前睇開廣華中醫,點知睇到中醫退左休都未成功!
    謝謝你呀:)

    我係仲讀緊u時
    媽媽都有帶我去廣華中醫度睇
    不過已經無乜記憶了!

    兩個中醫好似5日藥連診金大約$600-700 到啦!
    你都加油呀,希望好快聽到你好消息!:)
  • 外星小姐 2016-05-09 23:45
    phyllistingting: 好耐冇睇你打Blog喇我都覺得BB黎到係緣份,千萬吾好有壓力,準媽咪加油
    係呀,懶左一排,又潛左水一排
    又係時間上一陣水😆

    不過總係覺得呢度同以前唔同左好多
    可能打打下又會無心機打😅
    希望keep到啦😆
  • zoe0917 2016-05-09 20:53
    恭喜你啊!
    想問下你,你睇的中醫大概幾錢?
    我之前睇開廣華中醫,點知睇到中醫退左休都未成功!
  • phyllistingting 2016-05-09 19:19
    好耐冇睇你打Blog喇我都覺得BB黎到係緣份,千萬吾好有壓力,準媽咪加油

您需要先登入才能繼續本操作