婚享同學會


可用已有生活易帳號

登入


未有生活易帳號?

立即註冊

外星小姐的BLOG

外星小姐的主頁 | 查看全部BLOG
自我介紹:
9.9.2014 拍拖8週年, 嫁比外星先生, 展開外星基地既生活; 婚後繼續以愛分享的精神, 自說自話地分享外星的快樂生活~ 外星小姐@手記: http://www.facebook.com/ms.alien.at

你可能也喜歡…

當前第 7 個 | 共 290 個BLOG      上一個 | 下一個
查看BLOG | 返回BLOG列表

幼兒畫具分享 (超長文~)

標籤孩子成長  幼兒畫具  ubabybaby  神奇畫版  3月前

大家有睇開我Facebook 分享

都會不時見到我同小係屋企會玩下顏色

同埋畫下公仔 


其實咁細個既小朋友

緊係唔知自己畫緊乜啦! 

不過作為本身都好鐘意畫畫既媽媽

當然都會買好多唔同既工具比小可以玩下

睇下佢有無媽媽既遺傳呢個興趣


小A 係一個無乜所謂既小朋友

亦都係比較大膽膽埋勇於嘗試接觸唔同野既小朋友

係6 個月時,我地不時都會帶佢去玩下散場既messy play 


其實唔志在佢學乜野

只係志在一下混齡遊戲 

接觸下唔同人同埋唔同年齡既小朋友


呢度只係一部分既大合照

(特別鳴謝攣攣既友情演出


*****


由第一樣我買比小A 既工具開始介紹啦! 

第一樣買比佢既就係呢隻我叫佢做「波波筆」

(我係日本akachan 買的,有12 色同6 色揀)


點解會買呢一隻?

因為小朋友一開始係好難去拎真正既「筆」

呢隻波波筆就可以相對地容易d 拎

同埋都輕輕力都會好易出到色 

(不過就有d小朋友就好鐘意放入口食🤦‍♀️家長用既時候就要睇實d 啦) 


呢隻筆到小a 依家17 個月大都仲會用緊 

除左畫野

仲會拎黎「疊高」添


「波波筆」

購買地方:日本akachan / Facebook 網店 / 上playgroup 既 “cpda” 都見過有得買(或者相同類既toy r us 都有)

價錢:忘記了

適用紙張: 圖畫紙 / 麻雀紙 (令面有油性既紙就不太上色了)

清洗度:唔會攪到成手都係,因為基本上都唔會食色,牆面都唔會上到色


******* 


第二隻

係好多朋友都唔敢買既finger paint Colour (washable ) 



雖然寫住3+ 

不過我早就比小A 玩messy play 時玩了


呢隻都幾易洗得甩

如果你怕杰,可以加少少水溝淡少少

(同時亦都無咁快用完一支


其實washable Colour 

可以好多種玩法


最messy 既緊係直接落手玩啦

係屋企玩的話 

我會同小A 著保護衣

(購自淘寶 ,link 沒有了,大家可以search key word “連身飯衣 / 連身保護衣 /兒童” 咁上下keyword )



當然除左落手落腳玩

都可以有斯文少少既玩法既

就係用工具啦! 


其實d 工具都好易好簡單 

(其實乜都得)



洗碗既百潔布(仲可以分下顏色添)

外賣餐具

同埋一d 小畫具(from 淘寶好多) 



我絕對唔會限佢幾時用手幾時用工具

總知放係度

佢鐘意用乜就由佢玩

玩完去沖涼就得



「fingerprint Colour (washable ) 」

價錢:買大支裝較化算,顏色其實唔洗好多 ,主要買三原色(紅黃藍)就已經可以溝出無限既顏色。

購買地點: 我之前係書展既「文具展」買的,另外toyrus 同大既文具舖都可以買到,另外係大型既mothercare (eg 銅鑼灣利園個間)都有呢d washable Colour 買,仲可以逐支買添! 

適用紙張:圖畫紙,麻雀紙 , 紙皮箱都可以

清洗度:基本上沖水+soap 就已經沖得好乾淨 (除非佢好「杰」身,先較難洗,之前小a 全身全面都係顏色,都係沖完涼就洗甩曬,衫都係分開加洗衣液浸下水 刷下就已經下次可以著得返)。都係個句,怕佢難洗就溝少少水啦! 


*****


“Bath crayons”



呢隻我坐緊月時係iherb 見到已經一早買左

事緣係我細個超鐘意塗鴉

係爺爺屋企成日任我周屋用marker 亂畫,攪到爺爺屋企好似九龍皇帝咁


咁當然我屋企唔可以比小a咁畫啦

呢隻講明係浴缸度畫

又可以一沖水+百潔布一抹就甩

勁正!! 


我屋企廁所係玻璃企缸

所以呢個真係超正! 

困住佢係入面畫飽佢就得


熱天時就除曬衫任佢畫


天氣凍時就沖涼前比佢開任浴室寶畫啦! 

小A係超級鐘意畫! 

一畫就可以畫成個鐘!! 



畫完就除衫沖涼

到我沖涼時先順手抹甩佢

除左玻璃,磚都可以畫到架,都係一沖水一抹就甩! (所以小a 除左畫玻璃,地下,磚牆都會任畫


「bath crayons」

價錢:好平$4x-$5x ,如果有時ihrbs 有discount code 折完再平! 

購買地點:iherb / 荷花都有我個隻買 ,另外mother care 我都見過有similar 既野買,不過就貴少少啦當然

適用於: 玻璃,磚地方(唔好問我油漆/如牆紙牆身得唔得,因為我唔會試,如果你試左話我知

清潔度:基本上唔會成手都係顏色,畫完用花灑沖下+百潔布一抹就會甩


*****


「點點筆」


呢個名我同小A一齊改既


其實都好想比印仔佢玩下

不過好多時d 印仔都好難洗得甩

我驚佢玩野印自己時

幾日都洗唔甩(咁點出街見人


無意之中見到有網店賣呢隻「點點筆」

(其實係比大d既小朋友用既)

不過見佢筆身夠粗,小a 都會拎到

所以就大膽一試


第一次開就已經識自己口upup「印印印印印」,你叫佢「點點」 就會識係度狂點了仲會自己「close」



「點點筆」


價錢:無記錯,$15x 到,屬於貴野黎架,不過見佢點得好開心,又都算好乾淨,同埋第時可以大d 多一種工具玩,都值既! 

購買地點:facebook 網店/bb展都有得買

適用物料: 圖畫紙 (其他未試過)

清潔度: 易! 絕對易! 我用wet tissue 同小a 抹手都已經甩左9成9 ! 


*****


「易出色蠟筆」(幼身)


呢隻其實係年紀大少少既小朋友會比較岩

(因為筆身較幼,接近我地大人平時既筆粗度)但點解都會開比佢玩呢? 


係因為貪佢完全唔會甩到成身都係

同埋一盒裝咁易拎出街


呢隻真係好易出色

小a 咁細個

未係好用力就已經可以畫到



「易出色蠟筆」(幼身)

價錢:完全忘記了! 因為係大肚時買既 hahahaha 

購買地點:個陣係facebook 網店買既,另外有朋友過係Gmarket 都見過有得買! 

適用物料:圖畫紙 

清潔度:100000% 唔會畫到手/枱面,完全乾手淨腳! 唔洗善後! 


*****

「超易出色蠟筆」(粗身)



點解叫超易出色蠟筆?

睇埋下面張相就會明


呢隻係我d 朋友介紹的

話好易出色同埋好易清潔

同埋筆身較粗岩細少少既小朋友用


有買顏色引既媽媽

當然要買黎試下啦!



真係超。級。易。出。色。! 

小A 三兩下手勢

已經畫爆左個畫紙

仲指住張畫紙話「無啦🤷‍♀️」

(即係無位畫啦媽媽


係真係好易出色

但同時亦都有個問題

係好易甩色!! 


我行開一陣由佢自己畫

返到黎佢話無位畫。。 同時我發現佢畫都無野好畫! 係度畫自己面同手🤦‍♀️同衫!! 

(oh my god....媽媽同你趕住出門口呢! 你搵d 咁既野黎玩呀!)仲要發現成張餐枱面都上曬色(真係無眼睇)


唯一好彩係

我用濕毛巾同佢一抹面就已經甩曬色

但衫就真係要用水+刷兩下先甩(點解咁清楚?因為我件白色衫都無辜中招)


「超易出色蠟筆」(粗身)


價錢:幾廿蚊盒啦,有6/12/24 色

購買地方:Facebook 網店/ gmarket 有售

適用物料:任何紙

清潔度:好易清潔,但同時好易甩色! 唔想善後咁多,最好著圍裙同埋pG家長指導(但小心家長自己都中招


*****


易清潔白板筆


因為係UBABYBABY 買左塊白板, 所以就順手買左盒筆, 
其實都係蠟筆黎, 不過見佢D 色好靚, 同埋可以畫係白板, 又易清潔, 就順手買埋

比呢個佢畫白板好過比MARKER 好係因為佢可以用水抹就甩, 
唔怕畫到門/ 牆身救唔返... hahaa 

「易清潔白板筆」


價錢:$45 

購買地方:購自UBABYBABY

適用物料:任何紙 /  白黑板

清潔度:好易清潔,用濕布一抹就甩



*****


最old school 神奇畫版



我細個其中一樣勁鐘意既玩具!!

所以一定要買比小A玩! 


不過揀呢塊板時

超麻煩既我都睇左好耐先買左呢塊


原因我有以下要求:

1) 塊板要夠大塊

大塊先可以畫多d野,創造無限可能

2) 支筆要有條繩連住既

好多時去到朋友屋企想玩,都發現唔見左支筆

3)支筆唔要太幼

都係同樣問題,小朋友太細未必handle 到咁幼既筆

4) 要有得印形狀

最初時我係無比支筆小a 玩

一齊都係由印形狀開始

(所以佢好細個已經成日口upup”印印印印印”)

同埋要不同形狀,等佢可以學習放返係岩既位置入面

(小a 第一樣可以matching 形狀岩既,就係放呢個啦)

5) 要最傳統既黑白底色

可能你會問,乜傳統黑白底色呀? 

唔係個個都係咁架咩?


你咁諗就錯了! 

當我行文具舖/淘寶時

我發現市面上好多好多有background Colour 既神奇畫板,

係好靚,不過我覺得有點令小朋友好混亂

(純個人觀點)

我覺得彩色background 完全係多餘既野! 

5) 唔想要卡通公仔

其實我係買左塊三眼仔

可惜諗諗下都係收藏好了

唔想有卡通公仔限制左佢地天馬行空畫野

(當我諗多左吧。。。)


基於上面原因

最最後係toyrus 揀左呢塊神奇畫板

(仲要買大送細既package 添

其實價錢一點都唔平

不過真係合乎曬我想要既野

(雖然媽媽個人覺我橙色好肉酸



識得印印之後

就探索到原來拉住都可以出到色!

最近仲識自己reset再畫過添



買大送細的細畫板

沒有印印

不過支筆連繩岩曬大少少出街畫



***************************


謝謝大家收看呢一篇超長文~~~ 
我一向對於小A點玩顏色 / 玩具都沒有太多阻止佢

由得佢自己研究同埋發現

有時都好SURPRISE 一D 好創新既玩法


可能自己細個都係沒有太多的框框, 
所以依家都會咁由小A 自主玩玩具 


甚至乎畫公仔都係一樣 
因為我總係覺得 
小朋友個種天馬行空的畫畫

係無價的, 

再大D, 生活上有多D 框框, 

 你想要返以前天馬行空的畫畫不可能了! 


所以依家小A 的一字一畫, 

我都盡量KEEP 到幾多得幾多! 


唔一定要靚要似, 

好好享受個過程就可以了!! 


最後送上一張, 我 x 小A 既生日卡~ (送比公公的) 


***************************
follow 我的小貓: 外星直直&外星攣攣
281 次閱讀 | 7 個評論
Facebook WOW Google+ Weibo Mail
當前第 7 個 | 共 290 個BLOG      上一個 | 下一個

評論

  • Kamely 3月前
    外星小姐: 赤米一歲, 好多野都玩得啦!!!!
    波波筆我6,7 個月時已經開左比佢玩~~
    聽日收咁D其他玩具先開呀~~ 太多玩具喇呢個人仔~~
  • Kamely: 我都買咗波波筆未開呀~ 仲買咗加水就畫到0個D呀~~~ 搵日開比米豬玩吓先~~
    赤米一歲, 好多野都玩得啦!!!!
    波波筆我6,7 個月時已經開左比佢玩~~
  • Kamely 3月前
    我都買咗波波筆未開呀~ 仲買咗加水就畫到0個D呀~~~ 搵日開比米豬玩吓先~~
  • 孖媽Gloria: 好詳盡介紹呀~~對bath crayons好有興趣XDD
    快d 買黎玩呀!!
    我同爸爸成日陪小a 畫時, 自己都玩埋一份
    可以任意塗鴉都真係唔錯呀
  • HEIHEI: 波波筆最唔好用~ XDDD 冇色;
    AMOS 真係唔錯, 可惜阿女好悻就要用我D 筆~!!!
    我覺得波波筆要睇牌子~ 唔係隻隻都咁出色

    AMOS 係唔錯, 好易出色,
    不過次次用親都玩到成身都係
  • HEIHEI 3月前
    波波筆最唔好用~ XDDD 冇色;
    AMOS 真係唔錯, 可惜阿女好悻就要用我D 筆~!!!
  • 好詳盡介紹呀~~對bath crayons好有興趣XDD

您需要先登入才能繼續本操作