婚享同學會


可用已有生活易帳號

登入


未有生活易帳號?

立即註冊

隊長夫人的BLOG

隊長夫人的主頁 | 查看全部BLOG
自我介紹:
分享和牛B的成長日記、分享親子育兒、DIY教學及吃喝玩樂。如有任何Blogger活動邀請或試用,可以聯絡我的電郵:chungying56@hotmail.com

你可能也喜歡…

當前第 60 個 | 共 985 個BLOG      上一個 | 下一個
查看BLOG | 返回BLOG列表

【二寶孕記】懷二胎嘅勇氣 | 係愛 x 陪伴成長 x 手足之情

By 隊長夫人 (聯絡作者) 於 2020-01-07 13:03
生咗和牛B相隔4年,點解我會再有勇氣挑戰生多一個BB呢?

其實我都掙扎咗好耐…

出生於大家庭嘅我,我喺家中排行最細,對上有一個哥哥、兩個家姐。
所以,可以話我自細就係一個小社區長大,同埋有好多人愛錫自己。

但呢一點都唔係令我鼓起最大勇氣,讓和牛B成為家姐,有弟/妹嘅主要原因。

和牛B身邊有好多同齡好朋友,朋友圈嘅朋友都陸續成為哥哥、姐姐。
令佢開始更加渴望,自己都有弟/妹。


所以,和牛B就開始經常同我哋講想要妹妹,想我生個BB俾佢。
佢足足講咗一年,令我產生一種感覺係「唔生一個弟/妹俾佢,會欠佢一世」。

當時嘅和牛B,幾乎每隔一兩日就會同我講「我好想要個BB」、「媽咪,你可唔可以生一個BB俾我」。

然後,你見到佢抱起屋企嘅公仔當BB咁湊,又會覺得…佢真係好想做姐姐。

到我終於成功受孕,和牛B嘅開心、興奮程度。
係遠遠超乎我同牛爸嘅想像之內,佢同我哋講「媽咪,多謝你為咗我生BB」。

而和牛B幾乎每日都會攬住我,錫我個肚。
佢每日都會同BB傾計,每次都會好期待陪我去做產檢。
佢仲不停話我知,佢將所有最好嘅嘢都要俾晒妹妹。


「一個好,兩個好」
其實每個人嘅需要、想法唔同,我期望和牛B可以有弟/妹,想佢感受到手足之情。
成長階段有弟/妹陪伴,對佢喺社交發展技巧上,都會比獨生子女更有優勢。
當然,你可以話資源或者會被分薄。

但到和牛B長大,當我同牛爸都年紀大。
亦可以減低和牛B嘅負擔,唔需要一個人照顧我哋。(當然,可以將我哋送去老人院吧)
而到我哋兩公婆百年歸老,如果和牛B傷心的話,亦有弟/妹可以一齊分憂。


妹妹未出世,已經得到姐姐咁多愛。
好期望,妹妹出世後,兩姊妹真係可以相親相愛呢。


#Photo taken by "Yours Memory Photographs - Kirsten W."
--------------------------------------------------

歡迎聯絡我&和牛B: chungying56@hotmail.com
Facebook專頁和牛B嘅成長專頁

Instagramwagyubmami


            
--------------------------------------------------
姊妹合作**Precious M accessories**
利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。
599 次閱讀 | 0 個評論
Facebook WOW Google+ Weibo Mail
當前第 60 個 | 共 985 個BLOG      上一個 | 下一個

留下足跡

評論


您需要先登入才能繼續本操作