婚享同學會


可用已有生活易帳號

登入


未有生活易帳號?

立即註冊

新婚圈子 - 2013年1月結婚新人圈子

  • 大家諗好左去邊度註冊未呀?

    冬冬 2012-04-25 20:49
    d 大 items 都差不多 book 好晒,唯獨係未諗掂去邊度註冊。
     
    本身自己就想係酒樓搵律師一次過,日抖又冇咁趕,但老人家又話唔夠莊重。
     
    去過 d 租禮堂的公司,半個鐘要成 4 千蚊,比註冊署足足貴一倍,仲想 tum 我 book 多 15 分鐘,
    即埋單 6 千........再加上,實地睇過個場,剩係得個禮堂靚,離開左個禮堂之後根本完全冇景影相,唔通叫 d 長輩企係街邊影咩,所以又 ban 左。
     
    去註冊處又要早 3 個月先可以登記,到時仲要同人爭,萬一出左 trip 唔係香港就真係大鑊喇,總之一直未 ko 呢個 item 個心就一直都唔安樂,萬一book 唔到個靚時間,我全日個行程都好難就。
     
    大家有冇咩心水註冊場地可以推介下呀?
     
  • 回覆#1
    亞比 2012-04-25 21:04
    E 甸園 @ 中環碼頭, glass chapel @ kowloon tong, 我覺得呢兩個地點都唔錯, 但價錢其實都唔平, 係要咁上下...
  • 回覆#2
    冬冬 2012-04-25 22:57
    就係去過中環伊甸園,連個門口都唔靚嘅,得個禮堂靚,仲有呀,要上樓梯,對於老人家來講唔方便呢,我同男朋友睇完個場,只有一個評語:唔值
  • 回覆#3
    busybb 2012-04-26 02:11
    遠少少可以試下芝柏玫瑰禮堂
  • 回覆#4
    Sumpig103 2012-04-26 11:00
    可以考慮下响酒樓交場之後提早少少做註用先, 又可以慳返d租場錢
  • 回覆#5
    Pigpigyu 2012-04-26 12:05
    依個items都係令我最這煩,我要11至2點註冊,要揾場地,時間會好趕,都未諗好點。
  • 回覆#6
    亞比 2012-04-26 16:29
    其實我之前都有諗過想下午出外註冊定夜晚酒樓註冊好, 最後, 男友用左一個好有力o既原因去 reject 我, 就係唔想老人家走黎走去走幾個場地會好累, 我就投降了~ 試下說服下家人, 話唔想老人家走幾個場咁辛苦, 睇下佢地肯唔肯態度軟化~

    我地會大概 5:00-6:00 pm 在場地註冊, 因提早註冊, 會早到o既應該都係親戚或好友, d 唔熟又會嘈o既人應該冇咁早到, 咁台前可將 d chairs 擺兩排好似禮堂式咁, 中間有一條 march in 的路, 註冊完先擺番好 d table, 其實都好簡單而隆重, 試下同佢地再傾傾~
  • 回覆#7
    由美201314 2012-04-26 18:21
    我三月喺婚展book左九龍塘伊甸園玻璃教堂了!怕靚日子太Full了,早D攪掂安心D^_^
  • 回覆#8
    冬冬 2012-04-26 18:42
    係喎,攞場後 (Evening time) 註冊的確係好提意,最緊要係註冊後親戚朋友有地方 hea 唔駛走來走去,酒樓提供的席前糕點同 fruit punch 仲可以當埋 cocktail,諗落都唔錯~多謝大家的建議呀~
  • 回覆#9
    Sumpig103 2012-04-27 10:32
    亞比: 其實我之前都有諗過想下午出外註冊定夜晚酒樓註冊好, 最後, 男友用左一個好有力o既原因去 reject 我, 就係唔想老人家走黎走去走幾個場地會好累, 我就投降了~ 試
    我都打算同你一樣咁既做法
    其實大多數既賓客對註冊儀式都興趣不太大
    所以寧願真係請親戚好友早d黎參加儀式, 夜晚可以早d開席仲好
  • 回覆#10
    亞比 2012-04-27 14:20
    本來我媽話要開席時先證婚 gar, 話全部人到齊可以多 d 人睇到, 但其實我好早就明白左呢個道理, 大部份人對呢 part 都冇咩興趣, 佢地唔會覺得神聖, 只係希望你地快 d 攪掂上菜, 肚仔有 d 餓~ haha

    亞媽話早左咪得好少人? 我就覺得屋企人和 best frd 都做左兄弟姊妹應該都在場, 係有心和最重要o既人會自己早到, 所以我唔係咁 care 人少左呀, 大家都諗諗啦~
  • 回覆#11
    VavaLi 2012-05-06 21:44
    亞比~~~我都好認同你呀~~~

    其實, 我都係未決定証婚儀式, 都煩左好耐呢~~~由最初好想戶外証婚, 一路搵場地, 又要地點方便, 又要順路, 又要場地啱FEEL, 都好難揀~~但我宜家都係打算好似係咁係酒樓提早搞, 因為想清楚要男女家親戚去個別地點觀禮, 佢地真係好頻撲, 觀完禮但又未到去酒樓的時間又會令佢地唔知做咩好~~

    我同樣唔鐘意入左席先証婚, 氣氛差好遠呢~~有心的就自然會早少少到啦~~~^^
  • 回覆#12
    亞比 2012-05-08 00:54
    VavaLi: 亞比~~~我都好認同你呀~~~

    其實, 我都係未決定証婚儀式, 都煩左好耐呢~~~由最初好想戶外証婚, 一路搵場地, 又要地點方便, 又要順路, 又要場地啱FEEL, 都好難揀~
    hehee 我地... ... 最後係改為去關島海邊小教堂行禮 (二人世界 only), 算是完了自己真真正正的心願~ 原先決定的在香港擺酒和即場註冊一切照舊, 但我自己最鐘意最想要o既其實係一個有陽光的場景, 而家呢個 plan 可以平衡哂各方, 我要趁後生時為自己留一點美好回憶~
  • 回覆#13
    VavaLi 2012-05-08 01:52
    WA~~~好PERFECT WOR~~~人生大事, 只緊要唔好令自己後悔~~而且你都好有心顧及埋家人, SUPPORT~~~咁關島海邊小教堂行禮(二人世界 only) 個個程係點O家~~~好有興趣想知, 哈哈~
  • 回覆#14
    亞比 2012-05-08 02:11
    VavaLi: WA~~~好PERFECT WOR~~~人生大事, 只緊要唔好令自己後悔~~而且你都好有心顧及埋家人, SUPPORT~~~咁關島海邊小教堂行禮(二人世界 only) 個個程係點O家~~~好有興趣
    關島係好陽光海灘好浪漫好靚o既地方, 之前一直都想去, 但種種原因仲未去~ 我地 book 左十月, 實際o既過程都係到時先知呀~ 我原先諗住去 last single birthday trip, 諗諗下其實好多地方可以 cut 個 budget 出黎, 諗得好清楚又計好數, 最後就將旅行行禮影婚紗相合併~

    我本來冇諗過自己可以去關島行禮, 因為覺得好好繁複的手續又好貴, 但有一次發現, 原來在 chapel 入面行禮唔代表一定要o係果邊註冊, chapel 內的係 wedding blessing ceremony, 都會有簽紙儀式, 但係果張 cert 就冇法律效用, 要另外再去關島的 gov. dept 辦文件先可以成為合法夫妻~ 咁我就會 skip 左唔去辦果份 gov. 的文件, 之後返香港擺酒時先會在港正式註冊, 就滿足到o係家人面前正式註冊的 requirement~

    我想o係果邊影婚紗相, 但係淨係去影婚紗相就太唔抵喇, 睇人地的 comment 話幾萬蚊可能只得 15-20 mins 在教堂內, 影幾張好快就會捉你出去沙灘, 而家我地去果度行禮, 價錢其實唔係貴好多, 但係就可以多 d 時間o係 chapel 入面~ 我到而家仲係唔敢相信自己可以去 dream place 度做一件自己原來好想做的事![本話題由 亞比 於 2012-05-08 02:18:40 編輯]
  • 回覆#15
    亞比 2012-05-08 02:14
    老實講, o係香港租個地方行禮都要一萬幾千啦, 咁我加加減減其他 budget, 其實唔係多好多錢, 我好慶幸自己有充足o既時間去籌備婚禮, o係個過程入面諗清楚自己真正想做同想要o既係 d 乜野~
  • 回覆#16
    berryshan 2012-05-08 10:09
    亞比,  我都係同你一樣煩緊呢個問題, 我又係唔想D親戚兩頭走, 想諗住早少少5,6點響酒樓度註冊, 一來可以唔洗搞到咁晏先完場, 二來可以唔洗咁趕, 但未來99話要俾几千出黎請律師好似唔抵, 話咩註冊處只要几百蚊就搞掂, 佢地就只係會睇個註冊費用, 唔諗埋租車, 化妝師(轉FULL DAY), 同埋時間個D問題, 用既錢咪又一樣響返度!!
    再唔係叫我地唔好同一日簽埋紙, 話之前找一去註冊處簽左佢算喎, 真係好想講句:你結定我結啫!  一生人一次, 點解要咁求其, 就咁簽個名, 咁不如酒都唔好擺丫!

    所以最后我同男友有個共識, 各自同自己父母講, 叫佢地乜都唔洗理, 只要個日我地話佢聽點做就得喇, 唔好俾咁多意見, 會搞到好混亂。
    希望你父母都會聽你講喇~ 加油~
  • 回覆#17
    亞比 2012-05-08 23:56
    berryshan: 亞比,  我都係同你一樣煩緊呢個問題, 我又係唔想D親戚兩頭走, 想諗住早少少5,6點響酒樓度註冊, 一來可以唔洗搞到咁晏先完場, 二來可以唔洗咁趕, 但未來99話要俾
    我比較慶幸, 6299 係好明白事理o既人 (暫時), 佢地咩都冇插手冇加意見 (希望一路都係咁就好喇...) 放哂手比我地自己諗, 佢話你地鐘意點攪就點攪, 只係我地兩個想企o係佢地角度諗埋佢地o既喜好同埋令佢地開心 d, 所以先加左 requirement 比自己~

    係我媽有時會有少少意見, 但我一路都渣住個話事權o係手, 會分析好多原因比佢聽黎說服佢, 亦證明佢知佢亞女我係一個辦事能力高o既人, 濕碎野先講少少比佢知叫做報告一下, 但都唔會比佢話事~ 一開左個頭佢咩都要加個意見就會引起好多問題和麻煩, 我一開始就努力避免呢 d 情況~ 好似要五六點註冊咁, 我一講佢就話唔好, 要人齊先證婚好, 我就話, 亞媽, 我係通知你話比你知, 我決定左架喇~ hahaha 不過我地兩邊家人都仲未知我地會去關島, 好有 "私奔" 的感覺, 唔知幾時同佢地講好~~~

    好似你個情況咁, 如果佢地係覺得咁樣咁樣會平 d, 我會即時計好多數比佢聽, 令佢覺得去註冊處仲貴左, 譬如化妝師要加時就加幾千蚊, 花車加時又要幾錢一個鐘又要泊車費, 咁兄弟姊妹團要坐車去多一個 point 要多好多交通費等等, 如果提早去註冊處註冊, 我地又想著婚紗註冊 (都好正常, 係人之常情), 咁又要租多一日婚紗o既錢, 請多一次化妝師同攝影師等等, 條數仲 come 計, 要講到令佢覺得請律師黎現場註冊係最平最抵o既方法, 佢地可能易 d 接受... 當你 99 聽到你計條數佢聽好似講到似層層好有道理咁, 仲點夠你講喎 hahaha~ 可以令到雙方父母都肯放手係最理想最少麻煩o既, 你地要堅持爭取呀~[本話題由 亞比 於 2012-05-09 00:05:09 編輯]
  • 回覆#18
    VavaLi 2012-05-10 01:01
    亞比~~~我認同你呀~錢就有咁多啦~睇你點用之麻~~兼顧到其他野, 又做到自己喜歡的~~~VERY GOOD~~
  • 回覆#19
    亞比 2012-05-10 15:01
    vava 多謝你o既認同呀~ 結婚真係一世人一次, 但好多人會因為呢個 point 而比人屈, 洗多好多無謂 $$$, 過後先後悔或攪到自己山窮水盡~ 我希望盡量令自己唔好超太多預算, 諗完又諗, 諗清楚成個 wedding 入面有邊 part 係自己最重視的才會考慮放多一點資源~ 好似去關島咁, 其實我 reject 過自己好多次, 因為實在真係唔平, 冇可能樣樣都花咁多 $$$ 落去, 但過左成半年仲係念念不忘, 先開始認真考慮係咪可行...
  • 回覆#20
    berryshan 2012-05-11 14:18
    亞比: 我比較慶幸, 6299 係好明白事理o既人 (暫時), 佢地咩都冇插手冇加意見 (希望一路都係咁就好喇...) 放哂手比我地自己諗, 佢話你地鐘意點攪就點攪, 只係我地兩個想
    哈~~ 我男友就係唔會講野既人, 我上星期忍唔住好直接咁同我99講左成條數, 佢都仲要話點點點, 咁咁咁, 之后我一句: 我地唔鐘意咁, 你由我地決定好嘛?  之后佢就冇再講了, 真係要迫到人地咁講佢先會收口架..... 好老實丫, 我都唔想咁樣講野, 但係唔講佢又係咁煩住, 我都係迫不得已, 好在男友都明白, 冇怪我咋...
  • 回覆#21
    冬冬 2012-05-13 08:10
    咁如果 6 點註冊,各位 JM 又會點樣安排換衫呢?
    我又想著住件婚紗註冊註冊喎,咁迎賓件衫幾時著?????
  • 回覆#22
    bonkumo 2012-05-13 10:06
    HIHI, 我都打算早少少酒樓交場就註冊, 但唔知點樣安排時間.
    註冊就當然係著婚紗, 我諗過5:30左右註冊, 預一個鐘唔知夠唔夠簽紙+影相. 如果OK, 咁就06:30入去換迎賓衫..
  • 回覆#23
    Sumpig103 2012-05-14 12:15
    我都唔知d時間應該點安排, 早少少响5點至5點半度做註冊儀式, 預計45mins度禮成, 之後影少少相就入去換迎賓衫, 咁我換衫既時間, 親友們可以去打麻雀耍樂, 但打個半至兩個鐘後就開席, 佢地會唔會兩頭唔到岸呢? 唔知耍樂既朋友又可以做d咩呢? 同埋有d係有小朋友既親友, 咁早唔知會唔會黎唔到, 佢地又要就返d小朋友瞓覺食奶時間, 其實我係咪諗多左呢? 前日同媽咪提過諗住咁, 雖然佢口講話你地中意啦, 但見佢既反應好似有d驚奇同唔係咁中意... 點算呢...
  • 回覆#24
    亞比 2012-05-15 00:53
    我仲未知要唔要擇出門時間, 但預計上午接埋新娘去到男家入門, 之後食 d 野休息一會, 下午一兩點左右轉婚紗 look 出去外拍一兩小時, 之後就會到達酒樓o羅場, 如果你地要佈置要預留少少時間唔好 "太早" 註冊, 如果唔係賓客黎到仲未佈置好好似唔係幾好...?

    我預計 5:30-6:00 註冊, 下午外影後可能一路著住婚紗就唔換, 只係換下個 hair style, 註冊完未知要唔要換褂敬一陣茶, 但我唔 prefer 換褂, 可能直接換迎賓衫 loo, 到時先知道個安排~

    其實賓客中間段時間做 d 乜, 幾點到, 呢 d 我地都控制唔到, 佢地咁大個人會自己安排, 如果有人問起先再同佢地商討一下, 最多到時叫亞媽安排下有冇人會想打麻雀夾下 d 腳, 我酒樓附近有大商場, 亦可叫人出去外下街街, 賓客會識自己安排架喇~

    至於亞媽唔鐘意果 d, 可能佢地唔熟而家的流程安排, 我會解釋佢知而家咁樣o既時間安排係好普遍, 同埋冇可能每一個 point 都滿足哂所有人的要求, 所以有一 d 野我會堅持, 自己覺得係最好係合適的就可以了~
  • 回覆#25
    bonkumo 2012-05-15 22:10
    亞比, 妳同我心目中個PLAN好似喎. 不過我仲未同四大長老講我呢個PLAN, 唔知佢地BUY唔BUY.
  • 回覆#26
    亞比 2012-05-16 17:49
    bonkumo: 亞比, 妳同我心目中個PLAN好似喎. 不過我仲未同四大長老講我呢個PLAN, 唔知佢地BUY唔BUY.
    我都未講 gar, 不過諗住大慨是這樣的計劃, 佢地暫時的態度係我地點安排佢地就跟住做, 非常合作, 諗住到時果一兩個月諗 run down 時先 confirm 都未遲, 可以遲 d 先煩o既野就遲 d 先煩...
  • 回覆#27
    bonkumo 2012-05-17 12:56
    請問妳 mark 定律師時間未?
  • 回覆#28
    winniejoy 2012-10-16 23:38
    我係西港城大舞台註冊,有內同外都得,不過我係果度擺酒,唔知有冇得散租場地
  • 回覆#29
    winniejoy 2012-10-16 23:39
    亞比: 我仲未知要唔要擇出門時間, 但預計上午接埋新娘去到男家入門, 之後食 d 野休息一會, 下午一兩點左右轉婚紗 look 出去外拍一兩小時, 之後就會到達酒樓o羅場, 如果
    掛只可以穿一次KA,千期唔好再穿

插入圖片
  插入   刪除
+增加圖片 只支持 .jpg、.gif、.png為結尾的URL地址