下星期婚展最後沖刺喇....其他野都基本準備7788，知道今次會有美心，所以一定要入去買。 好彩因為同一d參展商老闆熟左，佢俾左幾張入場票我地.....又可以慳返少少！嘻嘻~~~~(開始已經有做C9的性格，哈哈)

好耐無上wow同大家傾計喇！呢半年時間過得好快呀~~心情又平淡，到變成又緊張又興奮!要準備既野都準備得七七八八，好多野未來老公都係話我話晒事！哈哈.....希望到時一切順利啦！ 由於自己好多野都親力親為去搞，所以自己無請wedding planner幫手，因為我覺得婚禮始終自己去完成感覺會好d，雖然累，但都值得的！

上星期同未來老公上左深圳荀崗扭批發市場買下d物資，因為聽表姐講果度比係太子金都平好多....甘就去睇下啦！其實果度係一個文具批發市場，裡面大部份都係買文具居多(唔知係咪我唔識搵呢><)得幾間係買關於婚禮上既物資.... 我地一次過買左回禮利是封，囍字貼裝修都唔使$100，超抵呀！果度仲有d過大禮、睡衣買，不過我

上星期既婚展同未來老公有幾項工程confirm喇！個心都定左..... 1.  律師見證~ 葉謝鄧confirmed 2. Big Day 攝影~ Cora Peach confirmed 3.  尚尚簽-電子簽到服務~ Cora Peach confirmed 4.  餅卡~ 聖安娜 confirmed 本來諗住訂埋請帖，不過尚尚簽個 package 有 得 送

上次講過話同未來老公行元朗婚展見到有個電子簽到服務好吸引，仲考慮緊join唔join呢個服務時....甘岩上星期同未來老公去左佢上司既婚禮飲，原來佢個上司都join左呢個尚尚簽呀！！哈哈.......真係好橋呀！之前諗住D老人家唔太接受新玩意，但我果晚見到玩得最開心居然係新人既爸爸媽媽同d長輩......個個羅完張即影即有相，仲

尋日係網上見到囍訊宣傳話會今個星期六日係元朗廣場有婚展，我見到都會有d平野野，元朗wow友們今個星期會唔會順便去睇下呢？

我依家有個疑問，諗緊個車頭公仔用咩好.... 因為我自己鐘意hello kitty；未來老公就鐘意多啦A夢..... 佢又唔想放kitty；我又唔鐘意只想A夢........... 結果同朋友傾過，叫我不如設計個mix 版.......我又覺得idea都唔錯啊 但我又唔知邊度可以diy整wor......有無wow友教教我呀?

好緊張呀......尋晚開始同未來老公傾下d idea......想係酒樓要d特別既玩意，搞搞新意思！不過都未諗到............

同未來老公決定左日子喇....好開心呀！！！跟住仲有好多好多野要準備呀~~超緊張!!!!! 希望大日子快d來臨啦~~哈哈

星期六端午節，本來諗住同未來老公去游龍舟水，但點知天氣唔好，唯有放棄啦！之前睇到元朗廣場果邊有個婚展，甘我地就決定去行下喇！！ 都有心理準備知道婚展唔會好大，但都睇下可唔可以有平野執啦....w..一去到職員話會有折，就叫我先join左做囍婚會員，跟住仲有個welcome board送，甘我見免費就join啦！現場雖然都係得