• <自我研發> 唔識針黹都整得到 - DIY 魔女宅急便戒指枕 + 超詳細教學 pokipoki 2013-03-25 23:10 上網睇左好多bloggers ge方法 我都係學唔識...... 原因係......我實在搞唔掂縫野 所以，今次個戒指枕整ge方法, 係自己諗出來 應該無人好似我咁蠢用呢個方法 由細到大我都唔鍾意家政堂 F.1 o個年仲fail左 因為我d針黹技術實在太差la 所以一開始我都無打算DIY戒指枕 初初打打算上Esty訂 後來亦見到有位WOW友有整陶瓷戒指碟 報完價真係好貴 但佢同我心有靈犀 佢整左2款初稿都係我心水 而且其中一款仲要同我個wedding logo好似 但因為價錢問題, 所以都要同貓大哥再傾傾 大約過左個幾月後 有日我同貓大哥行行下街 見到有對魔女宅急便既Kiki & Lily趴趴公仔 貓大哥就一見鍾情, 仲係咁話佢地得意同搞笑 貓大哥提議話整戒指座, 於是後來我都買jor (男人講就容易, 但出手都係我出) 前晚趁佢出街 我就拎材料睇下可以點整 貓大哥話叫我cut長方形紙出來, 用布包住 上面再放2隻貓就得 真係講就easy 到我實際上又唔係咁可行 因為我布都無哂, 所以又要買一碼 不過塊布原來係頭頭尾尾, 有一大忽上面有字 如果我買時見到, 就一定會叫佢再剪過 搞到而家剩返既布都唔知可以整乜 之後再睇睇有咩係之前用剩就拎埋去整 唔可以再為呢個item買野 個心型發泡膠又係好耐之前買落 買完又係想扔, 因為我唔鍾意心型 好彩比我搵布時無意中發現佢 因為就係佢, 所以至可以令我弱弱ge針黹都可以成到事 而戒指枕亦由原本既長方形轉心型 開始整la~ 1) 將心心畫上去卡紙度 因為我個心心框係穿底, 呢張卡紙就係用來墊底, 方便我塞棉花入去 2) 上膠水去個心心框, 貼住卡紙 我用白膠漿, 都要d時間至乾 其間我用熱風槍吹 (但因為太熱, 有少少發泡膠溶左) 如果無熱風槍, 可以用風筒 最好等佢乾d至做下一個步驟, 因為卡紙係發泡膠上面好易移位 3) 將海棉塞入去, 盡量平均個厚度 本著廢物利用, 我發現貓大哥有水族濾水棉有剩 於是就好唔客氣咁拎左一包去用 濾水棉可能無公仔棉咁脹 但因為我會放公仔上去 所以都唔使太彈, 但都要有少少脹卜卜feel 我怕固定唔到對公仔 同埋濾水棉有個好處, 就係比公仔棉易買, 好平既價錢就買到一大包 為左有質感, 我連框外圍都包埋 4) 開始我認為成個製作過程中最難ge一步 - 包布 心型係難包, 為左令我易d包到心型ge尖尖位 我用卡紙碎貼平尖尖位 包ge過程都用左我好多時間 因為好多時都一忽忽, 事後都唔記得影相 總之包到好樣衰 點包得靚就提供唔到心得 但我唔想心心面頭起太多摺痕 我中間都有再放d棉花入去 仲有塊布唔可以扯得太行咁包 5) 剪多塊心心卡紙, 又包布 用來之後就咁貼上個心型框上 作用就係保證你個戒指枕可以好穩陣咁坐係度 6) 開始自己加d裝飾 我就想對公仔有d花花係旁邊 要固定d花, 可以熱溶膠痴實公仔同花 不過我唔想整到對公仔 於是就用針線固定佢 (基本縫野我都得, 但手工唔見得人) 7) 要整公仔上去la 初初打算用針線整 但貓大哥話唔想比人拮穿肚皮 提議我用魔術貼, 唔怕佢甩 就算甩左都可以即時貼得返上去 貓大哥好叻仔, 呢個真係good idea 8) 加返welcome board用剩既lace係邊邊 遮住我包得唔靚 + 一舊舊ge邊位 來到呢度已經大致完成~~ 我唔想就咁將戒指平放上去公仔度 自行加左絲帶 戒指係耳仔上面, 好可愛 見珍珠、彈性線有剩, 就串左珍珠鏈比Lily 最後成品, 真係愈睇愈鍾意 Kiki & Lily好sweet ar