婚享同學會


可用已有生活易帳號

登入


未有生活易帳號?

立即註冊

Kamely的BLOG

Kamely的主頁 | 查看全部BLOG
自我介紹:
由part time媽媽變成全職媽媽, 同大家分享我同米豬的日常

你可能也喜歡…

當前第 101 個 | 共 377 個BLOG      上一個 | 下一個
查看BLOG | 返回BLOG列表

教媽媽 - 如何面對扭計米

標籤Baby  赤米  Nereus  fulltimemum  全職媽媽  孩子成長  11月前

咪睇米豬豬成日都開心笑笑, 其實曳起上來, 真係好嘔血ga.....


天使都有化身小惡魔ge時候..........

尤其是..... 食飯0個陣....

冇時停........... 都算.......

而且, 神力米會扯起學畢飯ge吸盤碗, 倒到成枱成地都係........

爸爸話, 你個衰仔, 食碗面, 反碗底~!!!

反轉都算... 早排, 仲要特登掉個碗落地....

 

我相信, 再高ge EQ都會有爆ge一日.......... 不如同大家講吓, 我暫時差唔多爆EQ時ge處理方法


對上一次差d理智斷線, 心裡面OS打仔鬧仔, 應該係3星期前, 又係平時咁餵飯+教畢飯, 平時多數都可以自己畢到我餵咗2/3飯先扭落地, 但呢日, 餵咗幾啖已經發癲...... 開始扭落地+掟飯落地, 由於之前一晚成晚比米轉側撞床嚇醒N次, 完全唔夠訓ge我, 著實响心入面爆晒粗...... -`д´- 當然, 把口仲係會"米豬豬係咪熱熱呀? 媽媽開大d冷氣吹吹, 拿唔好再掉飯飯落地喇, 佢地痛痛呀!" 

本住氹得一啖得一啖ge心態, 氹佢食多3啖之後, 佢一手掟咗匙羮落地, 再扯起個碗, 再掃晒d飯落地 〴⋋_⋌〵繼而咆哮再勁大力拍枱, 我就極想咆哮返轉頭, 但繼續壓抑住心入面0個道怒火 (ꐦ ಠ皿ಠ ) 溫柔而堅定地同米豬講 "你係咪唔想食喇? 唔想食ge話落地地喇好冇? 唔好咁大力拍拍, 你大力拍拍媽媽驚驚呀, 仲有點解匙羮同碗碗响地下? 佢地好痛痛呀!" 繼續被米豬無視+咆哮+爆喊....... (媽呀我都好想喊呀!!!!!!!!!  ε-(ToT) 我今朝起身抱你抱到而家我水都未得閒飲早餐都未食呀!!! 我都好想反枱呀!! 我! 忍..........)又再溫柔而堅定地 "米豬豬唔想再食喇係咪? 咁媽媽收好d飯飯抹乾淨地下你先落地玩啦, 唔好再掉野落地下喇, 你咁掉法媽媽出年都放唔到你落地呀!" 

結果我一路抹, 佢一路响highchair爆喊+狂掟枱面d飯落地......... 


吼!!!!!! 我要爆喇!!!!!!!!! ꒰╬•᷅д•᷄╬꒱ 


"米豬, 媽媽而家好嬲嬲, 好唔開心, 因為你食飯飯扭計, 媽媽講過唔可以掉野落地, 唔要ge野就比媽媽, 但你仲要不停咁掉飯飯落地, 0徒晒d野食同媽媽d心機, 媽媽唔同你講野住喇, 等到播IQ博士我先再同你講野啦" (媽媽好需要5首歌ge時間去冷靜吓)

然後, 唔出聲, 佢有佢喊, 我有我抹, 抱咗米豬落地之後, 佢就咁...

 雖然好可憐, 但sorry, 呢個moment媽媽我堅係嬲到想發癲咁鏟你一鑊再打你patpat! 為咗令呢d事唔好發生, 我決定唔出聲, 走入廚房煮餃食!! (媽媽係會Hungry的) 米豬繼續响廚房門口媽媽媽媽媽咁崩潰喊


到播IQ博士時我d餃都煮好, 我畢出來攤凍, 抱起米豬安慰佢, 叫佢冷靜d, 強調一百萬次媽媽唔會永遠唔睬你, 只係唔睬你一陣, 因為媽媽都要冷靜吓, 到佢收晒聲唔喊, 先再同米豬講道理 

"一擔心機煮比你, 你知唔知好多小朋友冇飯食? 咁樣浪費食物知唔知好唔啱?" (點頭) 

"下次仲會唔會咁樣掉食物?" (擰頭) 

"快d鍚返媽媽先, 媽媽比你激到短咗2分鐘命!" (親~~) 

"好啦媽媽都鍚返你, 你要乖喇知唔知呀! (我唔知忍到幾多次ga咋仔............)" (點頭)

之後夜晚, 到第2日, 同跟住0個個星期 食飯都好合作

 日日都咁乖, 我咪唔駛唔睬你囉, 你估我唔睬你我又好好過咩仔.............


我唔係話我教仔ge方法好好, 一百個人有一百個唔同ge教仔方法, 如果大家有其他方法, 不妨講吓, 我地媽媽們互相學習吓, 我相信唔會有最好ge教仔方法, 但一定有個方法係最適合你個BB, 我地一齊教好BB! 始終湊仔同愛戀一樣.... 易學難精可否惡補? 然後你會說我嬉戲別要那麼早! ┐( ̄ー ̄)┌


米豬豬的page~ 每日都update~ 

歡迎各位like&follow~ 亦都歡迎大家聯絡我同米豬豬一齊試用產品或合作~

3957 次閱讀 | 4 個評論
Facebook WOW Google+ Weibo Mail
當前第 101 個 | 共 377 個BLOG      上一個 | 下一個

留下足跡

評論

  • Kamely 10月前
    mrs.cto: 好同意果句...”媽媽都係會餓的” 😂
    餓起上嚟唔係人咁品呀~ 幾大醫咗肚先🤣
  • mrs.cto 11月前
    好同意果句...”媽媽都係會餓的” 😂
  • Kamely 11月前
    外星小姐: 小a 有一排都係咁🤦🏻‍♀️成日丟野
    我試過係地下執執下佢成個碗連飯丟
    中左我成個頭🙄🙄🙄🤦🏻‍♀️

    個下真係好想火山爆發!!!
    我0個日完全feel到0個團火响個心入面燒到hom hom聲............... 完全OS晒打仔鬧仔畫面
  • 外星小姐 11月前
    小a 有一排都係咁🤦🏻‍♀️成日丟野
    我試過係地下執執下佢成個碗連飯丟
    中左我成個頭🙄🙄🙄🤦🏻‍♀️

    個下真係好想火山爆發!!!

您需要先登入才能繼續本操作