婚享同學會


可用已有生活易帳號

登入


未有生活易帳號?

立即註冊

florence的BLOG

florence的主頁 | 查看全部BLOG
自我介紹:
生活易編輯,8年前在此留下過無數腳印,今天回來了熟悉的地方,與大家分享我由人妻演變成人母的心路歷程及生活日常。

你可能也喜歡…

當前第 31 個 | 共 38 個BLOG      上一個 | 下一個
查看BLOG | 返回BLOG列表

【一票難求】Thomas小火車車票難撲過子華神門票!(多圖+附買票攻略) *童遊天地

By florence (聯絡作者) 於 2018-08-13 19:53
年一度的羊B生日之旅,今年第二年展開!繼去年擠迫遊東京之後,今年決定轉戰名古屋!原因?Thomas & Friends湯瑪士小火車車迷徇眾要求嘛,好難推嘅!所以,今次行程主要是為了這個湯瑪士小火車而來,帶小忠粉親睹Thomas, James, Gordon, Percy, Hiro….的風采!

綜合之前兩次旅行經驗,同小朋友去旅行,行程愈少愈好,酒店落腳點愈方便愈好!所以今次揀咗正正位於名古屋JR站的NAGOYA JR GATE TOWER HOTEL (酒店稍後再評),出入Shopping都極之方便!


入正題,點解話Thomas小火車車票難撲過子華神門票?真係無誇張!

首先,Thomas車票只供國內販賣係第一大難題,加上唔係每天都有發車,所以預約好滿,尤其是在暑假期間。Thomas車票第一次預訂時間係發車前125日 (來回程),係125日!無聽錯!仲要抽籤,因為人真係太多。第2次抽籤係發車前60日,再抽唔到的話就要等到發車前30日,如果No Luck仲係「殘念」的話,再有一輪15日,last chance 就要睇下有冇「當日席」發放。直頭係難關重重!最後幸運地在發車前30日訂到,果下真係開心到好似撲到子華神門票一樣咁興奮!(雖然子華神我係撲唔到嘅 [哭])

* 首兩輪抽籤可以到車站付款取票, 30日之後必須網上付款


入到個預約系統咋,咪開心住!最後一步係網上付款。剛才提過,小火車車票只限日本國內販賣 (經LAWSON LOPPI網上系統預約),之前睇過一個台灣媽媽分享話好多信用卡都用唔到,原來真架!我同羊生總共用咗7張信用卡,都過!唔!到!在幾乎timeout的情況下,心急如焚。最後想起身在日本Working Holiday的朋友,借咗佢張本地Debit Card用先至成功付款,有驚無險啊。

註(1):如果你有幸在第一階段抽中,可以選擇到店付款,但必須跟指定時間提前去,對外國遊客來說十分困難。如果選擇網上付款,就看你彩數了,本地信用卡我用過HSBC、中銀、恒生、CITIBANK都Failed。

註(2):訂票必須選定到訪日期(不能更改),用實名和有效電郵預約,所以每人最多只可訂4次(來回各一次)共8張,取票時亦需再次輸入個人資料以茲確認。

好了!到了取票時間!我們第一天到埗放低行李即時去與酒店相連商場內的LAWSON去取票 (羊生找了最近在Kitte Mall <不是所有LAWSON都可取>)。找到機了,輸入電郵內的預約番號及個人資料,確認後會出一張receipt,然後去Cashier櫃位取票,過程唔使5分鐘,多得羊生事前做定功課至咁快手!


車費:
成人 1720 JPY (Thomas小火車單程) + SL EXPRESS 800JPY
小童 860 JPY + 800JPY
---------------------------
連入場門券 (含稅) 7824 JPY (HK$556)

【有用連結】
車票預約:http://l-tike.com/search/?lcd=43325 (只限日本語)
大井川本線票價:http://oigawa-railway.co.jp/tcn/ft_fare.html (有中文)


出發喇!為了避免車駁車太趕急,我們在出發前決定首三天旅程租車自駕。我們前一日由名古屋自駕到掛川住一晚 (車程約2小時),第二朝一早駕車約半小時到達新金谷站 (Thomas火車發車站)。如果當日至由名古屋直接坐新幹線到金谷站再轉到新金谷站,要趕上湯瑪士的發車時間10點38分,要極早起身,所以我地選擇前一晚先到掛川,保險好多。計落車資差不多,所以推介自駕。而「新金谷」站外有個超大的停車場,所以唔使擔心泊位問題。


候車站有個大型商店, 裡面有大量Thomas & Friends紀念品, 和菓子, 飲品發售.  個Thomas便當也在這裡買的.  商店內的兒童區極受小朋友歡迎, 所以建議不要等到發車時間才到達, 這個商店最少要預1小時逛啊!

上火車了!火車要預約指定席, 車內有很多Thomas佈罝, 沒有冷氣, 有濃濃的古舊感, 是一輪名符其實的蒸車火車!


羊B超愛這支水, 一會兒就飲完了!


火車便當絕對是旅程的亮點!好精緻呀~~ 但味道嘛.... 小乘客不甚欣賞!


沿路風光明眉~~


坐了一個多小時, 終於來到終點站千頭,所有小火車就停泊在站內供遊人參觀!首先見面的是Percy!


站內還有多個付費遊戲玩,沒有排長龍,小朋友玩得超開心!


貼紙相機


汽水機也是一個影相位~~


黑色的是Hiro, 在日本你會經常見到他的蹤影, 因為他是日本人呀~~


回程以Cremia作結, 朱古力味香港未見過, 超級香濃幼滑, 非常滿足!




764 次閱讀 | 3 個評論
Facebook WOW Google+ Weibo Mail
當前第 31 個 | 共 38 個BLOG      上一個 | 下一個
全部(2)

留下足跡

評論

  • florence 2018-08-14 10:56
    carmanarroy: 個便當好正呀,會唔會唔捨得食😋
    真係好靚呀~ 但坦白講, 好睇唔好食, 羊B唔多欣賞, 最後到埗食左個熱騰騰嘅烏冬
  • carmanarroy 2018-08-13 21:33
    個便當好正呀,會唔會唔捨得食😋

您需要先登入才能繼續本操作