婚享同學會


可用已有生活易帳號

登入


未有生活易帳號?

立即註冊

florence的BLOG

florence的主頁 | 查看全部BLOG
自我介紹:
ESDlife舊編輯,8年前在此留下過無數腳印,今天回來了熟悉的地方,與大家分享我由人妻演變成人母的心路歷程及生活日常。

你可能也喜歡…

當前第 1 個 | 共 22 個BLOG      上一個 | 下一個
查看BLOG | 返回BLOG列表

【經驗分享】放鬆!4招K.O.小朋友唔肯刷牙壞習慣

標籤刷牙  好習慣  蛀牙  孩子成長  13日前
有人話Trouble 2 難搞,其實Terrible 3仲令人攪盡腦汁!
踏入3歲,羊仔唔止一日到黑都say no,有時仲借咗聾耳陳隻耳,扮~ 聽~ 唔~ 到

會搵各式各樣的藉口,總之就係唔想去做啦!

最近幾個月,每到瞓覺時間就苦惱了,飲奶慢條斯理不特止,仲要唔肯刷牙!

原因好簡單:
(1) 掛住玩,唔想放低手上嘅玩具
(2) 未眼瞓,知道刷咗牙就等於要瞓覺
(3) 太眼瞓,所以懶動身,刷緊牙都要搵位坐

要K.O.小朋友唔肯刷牙壞習慣,以下 4 招係我實戰得返來嘅經驗分享:

第一招:講故事

小朋友人生經驗有限,佢唔會知道唔刷牙有咩後果。從故事中,喺特定的場景下俾到佢地有個預先的感受,令事情更容易理解。加上,小朋友好鍾意學人,如果佢從故事中知道個個小朋友都係咁做,就會更容易接受去做。(故事要平日講啊,到刷牙果時先拎出嚟就太遲喇)



第二招:換牙膏、牙刷、水杯

曾經有一個媽媽咁講過,小朋友唔肯飲水唔緊要,你keep住換水杯佢就會飲好多水。真~ 係~ work架!

其實刷牙都一樣,小朋友貪新鮮,買唔同"工具"俾佢就自然想"用";又有時唔肯刷牙係因為牙膏的味道唔好,或者牙刷刷得唔舒服,小朋友未必識得準確話你知原因,所以可以試下換牙膏、牙刷、水杯,或者呢個方法用在你的小朋友身上會有意想不到嘅成效!



第三招:製造奸角

我家有個奸角,就係細菌小子!形象化D咁講,佢係壞人,專散播細菌,會令到小朋友流血、生痱滋、痛!羊仔一向好驚佢,因為佢曾經因為跌倒撞損咀唇而生痱滋,所以佢知道有幾痛,同埋食唔到好味野 (我地就入晒細菌小子數,咔咔)!細菌小子嘅角色負責催促佢去刷牙,刷完牙之後,細菌小子就會自動倒地,仲可以俾羊仔去洩忿,一手掉到老遠去!



第四招:俾小朋友visualize蛀牙係乜嘢

第四招亦係終極一招!如果以上方法都幫唔到你,我試過Google兒童蛀牙相 (醒你呢條LINK: https://bit.ly/2ITyd4c) 啲相幾肉酸都有,小朋友見到實驚!"嗱~ 唔想D牙仔變成咁,就一定要刷牙喇!"




好習慣需要由細開始培養!由今日開始,盡量提前小朋友刷牙時間,咁就唔會有"扭眼瞓"嘅煩惱啦!加油!
844 次閱讀 | 0 個評論
Facebook WOW Google+ Weibo Mail
當前第 1 個 | 共 22 個BLOG      下一個

留下足跡

評論


您需要先登入才能繼續本操作