老公入秋時已經有咳，又唔去睇醫生，拖左一段時間，佢頂唔順去左睇， 點知就嚴重到d痰已經開始入肺，要食類固敦同抗生素，仲要食左2個療程。。。。 做老婆既我梗係唔想佢食太多西藥啦， 所以拿拿聲去買川貝打粉燉雪梨。 食左2次，尚算ok, 不過命要食多2次。。。 川貝燉雪梨： 川貝2錢（打粉） 雪梨2個 南北杏少許 蜜棗

老公今日生日， 一直我都係自已整蛋糕比佢既， 今年，整左個oreo香蕉凍餅，因為尋日有d唔舒服，所以唔焗淨係整個凍餅，好在老公都鐘意食~

天氣轉冷, 搞到我無咩心情整D凍餅, 為左食左會暖胃暖身~ 於是就用屋企食淨既麵包焗左一個麵包布丁, 等老公食完唔會成晚嗌凍喇~~~

我成日見到好多人買X華既黑麻麻瑞士卷，所以我決定自已整，因為真係平好多。。。。 上星期整，傻左唔就得落奶，出到黎乾到好似我塊面咁。。想整過又無蛋，所以就留到今日先整。。。

早排長笛老師同我講佢好鐘意食蘑菇飯, 但佢整黎整去都整唔到KFC個隻味。 於是今日去買啡菇~ 試整~ 出黎效果, 味道非常貼近, 但因為我唔鐘意食D好稠既汁, 所以就無再落麵粉整稠佢~

我早排因為阿媽話要食， 所以拿拿聲去學，終於挑戰2次，成功制造到可以煎既蘿蔔糕啦~~ 新年就可以阿媽奶奶阿姨各一底了~~~ 

我自己整蛋糕個類野, 除左真係迫不得而要落色素我先落, 如果唔係我真係寧願用天然食材黎做顏色......今次試驗品1號, 係因為成日太操勞個焗爐, 我驚佢會罷工, 所以就做雪餅, 用3個小型慕絲模做~~~ 紫色係果汁, 白色係忌廉, 面就純水~~~~玫瑰花就用乾玫瑰泡軟~ 不過因為係試驗品, 所以都算幾多瑕疵~~~ 下次再諗

屋企好早之前已買左包西米係度, 淨係煮過一次椰汁西米露之後就無再用過, 早排執廚房, 見未過期, 又仲有好多, 掉左佢好浪費, 於是我就諗要黎整焗西米布甸好唔好, 因為我老公好鐘意去鳳城食= =" 但我就覺得好一般.... 於是就上網自己搵食譜, 試左3次.....最後終於都成功喇~~~~ 因為我用牛奶將蓮蓉開成糊, 糖

呢排唔駛返工， 日日都揾嘢整。。， 今日手痕，就整左西瓜曲， 當然， 無西瓜汁啦XDDD 不過顏色純天然， 除左黑色個幾點， 因為原來屋企無黑芝麻XD 唔係夏天都有西瓜食~~

話說, 聖誕節未到, 我就已經試緊新年野, 就係準備好整蘿蔔糕喇~ 因為阿媽奶奶鐘意食, 所以我要好好的練習一下整喇~ 上星期第一次整, 點知手多加多左手, 所以只能蒸, 煎唔起~ 阿媽話好食, 但係都係要蒸喇~ 同埋媽咪早排打電話黎話想食, 所以就拿拿聲去學整喇~ 今日再做左3小底, 今次跟足份量, 整好之後, 見無再好