以前淘寶淘衫就多, 而家轉向左淘埋其他野~ 係繽粉度睇, 平平地一小扎都八九十蚊, 由於又係慳錢心理作怪, 我又淘開野喎, 就係淘左d 小膠花返嚟啦~ 尼度有6支薰衣草 盛惠$30人仔 & 一番係件舊衫cut出嚟的麻布 (實則係我條舊褲 ) , 跟住我係文具店買左$3 絲帶 ~ 成型了~~~ 是我愛的紫色, 一支有深淺不同的紫色,

話說我第一份工 係做玩具廠的, 我是主責其中一款公仔的Project Assistant, 而尼款公仔就令我有一個決定, 到家下都仲係未改動的決定~ 就係做我的結婚公仔啦~ 由於已經係出面揾過好幾間幫人整公仔的報價, 平O既都要一千, 貴O既去到千八都都有~ 公仔當然要自己出啦~ 所以我決定不求人, 自己嚟... 希望我可以做到啦．．．

雖然我唔會自己買比自己出嫁, 但近半個月睇住d 金價係咁跌... 出街D金鋪又迫滿哂人咁, 睇嚟尼個時候唔入番D 好似會蝕左咁 買定1兩, 好命O既留比將來有機會出世的囝囝囡囡都好呀~  But... 我的有限錢, 一兩已經係我最多消費額了

係由決定嫁比佢到而家足足一年啦, 而距離我倆的大日子還只有10個月的時間, 時間好似倒水咁一去不返~~~ 係度 曾經找到好多有用的資料, 由其好多BlogMM 的DIY 分享, 我真係得益良多, 希望係未來日子, 我都可以SHARE  一下我的小小 心得及 感想~~ 各位婚享同學會的朋友, 多多指教, 齊齊加油啊!!!!