婚享同學會


可用已有生活易帳號

登入


未有生活易帳號?

立即註冊

lovely_yan8的BLOG

lovely_yan8的主頁 | 查看全部BLOG
自我介紹:
隨心分享:旅遊X煮食X吃喝玩樂 https://www.facebook.com/偽貴婦手記

你可能也喜歡…

當前第 89 個 | 共 144 個BLOG      上一個 | 下一個
查看BLOG | 返回BLOG列表

本地遊_婚後採草莓

By lovely_yan8 (聯絡作者) 於 2014-04-12 20:09

婚前本來都想去粉嶺摘,但搞婚禮真係好忙,尤其婚前3個月,加上當時自己病左,所以諗住今年年尾去。點知,我上網睇返資料,原來草莓的當造由11月至4月,即係我仲有機會啦。

 

大約3月中,我就plan好去粉嶺度摘草莓,上網不停甘搵資料,最後決定去阿方士多啤利園。

 

網上資料好多,好多人都話呢間草莓夠大粒,又唔洗收入場費,同埋園地好大,當然網上好多人都甘講,不過我都係果句,睇過先知。

 

當日出發前,我們做好防曬同埋食個豐富的早餐,唔係就無力採草莓ga la。最好著長袖薄衫,仲有戴埋帽就every good,我們事後覺得愈輕便愈好。

 

我們2個大細路就由長沙灣出發,太子轉車,九龍塘再轉車直上粉嶺。過程都好開心,想起1年前同我老公又係好興奮甘摘摘摘。當時我們都答應對方,每年都要去摘,日後有仔仔女女都要摘,整個未來幸福家庭樂的搆圖都出曬黎。

 

係我發緊夢時,我老公叫我落車出站。我無記錯就係A出口,小巴總站果度位置一出就見到,好多小巴,留意其中一架係52K專線小巴,雲泉仙館落車就係啦。

 

落車見到好多小檔攤,賣生果賣菜賣涼果等等,但目標係阿方,所以雲泉仙館後面就係,停泊旅遊巴位置流動公廁附近就係啦

 

 

 一入到去,店主話唔洗入場費,80蚊一磅,我們睇左個場見到人地一家大細摘的草莓又紅又大粒,決定即摘。

 

 

見到成塊田都係草莓,又紅又大粒,真係好正。連空氣都係草莓味,唔係講笑,好甜的空氣真係世間少有,我就係甘影相,我老公忍唔住話摘得未。SORRY,不嬲都係相機食野先GA LA

 

入正題,D草莓真係好紅,有的草莓生孖胎,有的好大粒,不過有D真係熟到無人摘,有的就俾鳥食左,啄爛左。我地都唔輸掉,都摘到又紅又大粒的草莓。剪草莓時要小心剪,莖可以留長少少剪,同埋睇岩就剪,唔好摸下摸下甘,好易壞。我地剪好一塊田又去另一塊田,我老公無耐性,話好熱唔想剪,為左呢個大細路,我負責剪佢就負責休息,我剪唔停,佢就忍唔住話夠啦唔好再剪,我要剪多少少啦,幾粒啦。老公話我先係細路,雖然有點貴,但又大粒又新鮮仲要自己親自 

 

最後,店主用電子磅,我地摘左差唔多2磅,店主有時會將佢自己摘既放落我地度整夠2磅,我老公就話唔想要店主果D,我就話其實 

之後,我地滿心歡喜甘拎住2磅草莓走去雲泉仙館行下。本身都想食下齋,但2個人邊叫到甘多野食,又貴,都係出去粉嶺商場食大 

回到娘家,我們食左好多草莓,我成家人都食得好開心。本身想煮餸,不過老公話新鮮食就最好,可能時間耐左,有D草莓都焗係膠袋度焗到熟曬,所以拿拿淋洗幾洗,用紙巾輕輕吸水,就放入雪櫃,我妹妹返到黎打開雪櫃迎來一襲甜味即刻話要食。

 

就係甘,一家人KO2磅草莓。

 

詳細資料:

阿方本地士多啤梨自摘園(地圖)

http://www.yl.hk/afs/i_map.htmll

2238 次閱讀 | 12 個評論
Facebook WOW Google+ Weibo Mail
當前第 89 個 | 共 144 個BLOG      上一個 | 下一個
全部(6)

留下足跡

評論

  • lovely_yan8 2014-04-14 16:02
    子維: 如果太熟,可以加山渣攪成汁,應該好好飲
    我會用黎煮餸。。。。一鑊熟
  • 子維 2014-04-14 15:51
    lovely_yan8: 當天好彩,天公造美,我摘到唔想例,我老公話我太瘋癲,話我好似細路甘要狂剪我發現唔好剪d 太紅太熟果的,除非即食,唔係既話真係焗熟焗爛d 草莓
    如果太熟,可以加山渣攪成汁,應該好好飲
  • lovely_yan8 2014-04-14 15:48
    子維: 但D士多啤梨又真係好靚
    當天好彩,天公造美,我摘到唔想例,我老公話我太瘋癲,話我好似細路甘要狂剪 我發現唔好剪d 太紅太熟果的,除非即食,唔係既話真係焗熟焗爛d 草莓
  • 子維 2014-04-14 15:43
    lovely_yan8: 係呀,我都要睇天文台先決定摘唔摘,同埋濕完後的草莓好難搞,所以摘草莓都要睇天時呢
    但D士多啤梨又真係好靚
  • lovely_yan8 2014-04-14 15:40
    mslilwhitedress: 原來香港草莓係冬/初春當造架? 同我呢邊唔同呢... 我地係盛夏當造, 依家開始開花啦, 希望下月開始有得食, 會一直開到summer完(9, 10月)
    係? 我都唔為意,但可能品種問題吧,我期待每年一次跟老公的約定,希望年年都keep 住摘草莓活動
  • lovely_yan8 2014-04-14 15:38
    子維: 不過呢幾日又濕又熱
    係呀,我都要睇天文台先決定摘唔摘,同埋濕完後的草莓好難搞,所以摘草莓都要睇天時呢
  • mslilwhitedress 2014-04-14 13:15
    原來香港草莓係冬/初春當造架? 同我呢邊唔同呢... 我地係盛夏當造, 依家開始開花啦, 希望下月開始有得食, 會一直開到summer完(9, 10月)
  • 子維 2014-04-14 11:02
    不過呢幾日又濕又熱
  • lovely_yan8 2014-04-14 00:45
    stellaero: 好呀~~多謝提醒~~~~
    Welcome
  • stellaero 2014-04-14 00:26
    lovely_yan8: 襯草莓仲係當造就快去摘呀,過左要等年尾
    好呀~~多謝提醒~~~~
  • lovely_yan8 2014-04-13 01:33
    stellaero: 好好的分享呀~ 等我同老公都快d去試下先~
    襯草莓仲係當造就快去摘呀,過左要等年尾
  • stellaero 2014-04-13 00:59
    好好的分享呀~ 等我同老公都快d去試下先~

您需要先登入才能繼續本操作