婚享同學會


可用已有生活易帳號

登入


未有生活易帳號?

立即註冊

estherobbie的BLOG

estherobbie的主頁 | 查看全部BLOG
自我介紹:
Follow me @www.facebook.com/kaspermomdiary

你可能也喜歡…

當前第 25 個 | 共 98 個BLOG      上一個 | 下一個
查看BLOG | 返回BLOG列表

仔女仔仔女.... 小B你究竟係仔定女???

標籤準父母  幼兒  T21  性別  2015-02-05 11:08
熟悉我嘅WOW友都知我係一個超級粉紅控... 再加上我不嬲都覺得BB女得意過BB仔; 又成日覺得我識親嘅BB仔都實在太太太naughty............... 所以係好早之前; 我已經同左郭生講, 我"決定" 左我要生女! 

郭生當然係啋我都有味啦........ 其實佢自己就冇所謂仔定女嘅; 只要我肯生佢已經好開心gar喇. 咁話說我地未有bb之前去過一次黃大仙求簽; 簽文係話我馬年就會有bb; 但會羊年先生嘅. 個解簽叔叔因為係幫襯開; 就贈多我地兩句; 幫我地兩公婆夾埋個命盤之後就話.... "嗯, 睇你兩個個各自嘅命盤, 都係第一胎係女wor! 所以你地第一胎一定係生女! 如果第一胎唔係生女就番黎拆我招牌啦!"

其實果下聽完我都冇好放在心上; 因為果時都未有bb. 我果時淨係關心幾時會有bb咋. 

點知又真係去完黃大仙兩個月之後; 我就有左bb喇!!!!!  自從我有左之後; 老公就係咁話 "嗯; 我直覺bb一定係女!!" 我就踢爆佢: 直咩覺丫! 你擺明係信黃大仙師傅講嘅野je! 扮直覺!" 咁當然啦; 暗地裡我都好希望係女, 我真係好恨女gar!!!

去到懷孕約第8周; 我第一次去照超聲波check BB 心跳.  當第一次喺個電腦mon到見到個bb形狀嘅物體時; 唔知點解, 我竟然有一股好強烈嘅感覺; 覺得佢係仔!!!!!!!

我將我嘅直覺講比老公聽啦; 點知老公話 "唔係wor; 我一直"直覺"都覺得係女wor" (又係到扮有直覺)

咁由於我太恨要女; 而老公又"直覺"覺得係女; 所以我地就係咁諗幫bb改個乜野女仔名好, 最尾仲改左一個好文藝; 好似瓊瑤小說入面果d女主角嘅名tim!

去到12周喇; 我約左去醫生度產檢兼抽血做T21 驗唐氏宗合症.  我一直都聽人講要去到約20周打後先知BB係仔定女gar嘛. 點知果日醫生照照下ultra-sound; 無端端問我 "你想唔想知bb性別?"

我心諗唔好玩啦, 有邊個父母唔想知gar? 我話"想呀!", 咁醫生再look多兩look我個肚; 隔左一陣; 個mon就出左一句字"Congratulations! It's a girl!!"!!!!!

我果下真係即刻叫左出黎! Yeah可以買好多衫同佢扮靚喇!!!!! 其實我真係唔知醫生點睇得出bb係仔定女gar; 因為bb仲咁細個; 未照到性器官gar嘛. 不過人地係醫生; 我唔係. 我都係唯有信佢gar je. 不過臨走時醫生都有提我; 話照ultra sound係得75% accuracy gar咋; 要等埋下個星期個T21驗血報告先係99.8% accuracy. 不過我果下都聽唔入耳gar喇; 都有成75%囉; 唔係果25%我都會中呀??!

我同老公當然已經開心到傻左啦!!!! 我即刻同晒屋企人 & 最好嘅朋友報喜; 同埋我已經諗好晒要所有bb女野都買粉紅色呢~~!!! 

點知... 開心左一個weekend之後.........................................

隔左幾日, 醫生個姑娘打比我, 話T21報告出左喇; BB一切正常;冇唐氏宗合症. 然後; 姑娘懶神秘咁問我; 你想唔想知bb性別呀?

我心諗, 車我都知啦. 女丫嘛! 不過我把口就話"想呀, 想呀"
姑娘就好興奮咁宣佈 "恭喜你呀!!!! BB係仔黎gar!!!!!!"
我果時一個人搭緊地鐵; 我真係爭d 成個人跌左係地!!!!! 

我話"下, 姑娘, 我係xxx wor; 你有同人掉亂左份報告???"

姑娘好奇怪我嘅反應, 佢話"冇wor.. 你係xxx丫嘛.............. 下你唔想要仔仔呀??"

我話"咁又唔係... 不過醫生明明同我講係女gar嘛....... 你check多次, 份報告真係我嘅名?"

姑娘就話"醫生上次都有同你講, 照ultra sound係75% accuracy gar咋.. 要以驗血報告為準.... 咁啦我email份report比你自己睇下啦.."

當然啦; 份report係冇錯ge, 真係我嘅. 只係我冇諗過; 我真係連果25%都會中囉! 平日六合彩又唔見我中??????

我即刻將呢個咁嚇人嘅消息話比老公知啦; 老公同我一樣都係跌左係到; 不過佢再慘d, 因為我借d意鬧左佢成晚 "又話直覺係女???我都話我睇ultra sound果時直覺係仔黎gar啦!!!! 你快d番去幫我拆左果個黃大仙師傅招牌呀!!!"

結果; 我嘅幻想就由所有bb女野都係粉紅色; 同埋bb女有個瓊瑤小說入面果d女主角嘅名; 變成到而家bb仔仲未改到名; 同埋老公不斷提醒我d bb野要買番粉藍色; 唔準買粉紅色囉

我同番我屋企人講呢件事; 比佢地笑到爆左  最開心果個就係我阿媽lor! 因為佢成日都覺得我第一胎要生仔先可以保住我係男家嘅地位wor

其實我本身又唔係話好唔鍾意仔嘅,只不過一開始黃大仙師傅同醫生都比左個false hope我; 搞到而家我現實同期望好大落差lor!  






9941 次閱讀 | 52 個評論
Facebook WOW Google+ Weibo Mail
當前第 25 個 | 共 98 個BLOG      上一個 | 下一個
全部(4)

留下足跡

評論

  • estherobbie 2015-04-17 15:04
    Miumiulie: hahahaha

    第2胎生個女既, 有個[好]字...阿哥錫阿妹都好呀~~~
    Arrrrrrr...............個個都叫我追多個囡.............. 搞得掂第一個先算啦....
  • Miumiulie 2015-04-17 14:42
    hahahaha

    第2胎生個女既, 有個[好]字...阿哥錫阿妹都好呀~~~
  • estherobbie 2015-02-25 09:58
    R.Rabbit: 我都係想生女多d~~又可以扮靚靚,又會乖d,又會黐家d~~
    不過仔女都係緣份0來0既,上天賜份禮物俾你地,仔女都是幸福啦!
    btw~~你話鬧埋老公,我真係覺得好好笑,
    HAHAH YES 佢係超無奈
  • estherobbie 2015-02-25 09:50
    babyanki: Esther, 花左成個上午去睇返你既 blog, 資料好有用呀!! 我都係 book shatin hyatt, 不過而家加左價, 貴過你超多我都諗住學你咁, 影完pre wedding
    Sorry呀岩岩先睇到你個留言tim
    1) 影兩日, 48 張包修圖相 (不連底片)
    2) 影一日, 39 張包修圖相 (連底片)

    > 不連底片即係唔比番張相個file比你?? 咁樣你整其他野如invitation card, 簽名布等等會好唔方便wor: 我係你會揀連底片果個option lor
  • estherobbie 2015-02-25 09:48
    melon_ing: 我都係中意女,女仔細心好多,老左好幸福。
    知道唔係女都down左幾日,但屋企人超開心,好矛盾。
    到而家次次做產檢都問一次醫生,"真係男孩子???”
    "知道唔係女都down左幾日,但屋企人超開心,好矛盾" > ME TOO!! 我阿媽超開心; 反而我每次望到D BB囡衫個心都有少少戚戚然....
  • melon_ing 2015-02-17 18:18
    我都係中意女,女仔細心好多,老左好幸福。
    知道唔係女都down左幾日,但屋企人超開心,好矛盾。
    到而家次次做產檢都問一次醫生,"真係男孩子???”
  • R.Rabbit 2015-02-16 14:24
    我都係想生女多d~~又可以扮靚靚,又會乖d,又會黐家d~~
    不過仔女都係緣份0來0既,上天賜份禮物俾你地,仔女都是幸福啦!
    btw~~你話鬧埋老公,我真係覺得好好笑,佢一定好無奈呀
  • babyanki 2015-02-12 12:36
    Esther, 花左成個上午去睇返你既 blog, 資料好有用呀!! 我都係 book shatin hyatt, 不過而家加左價, 貴過你超多

    我都諗住學你咁, 影完pre wedding 再online 整 ablum, 而家諗緊台灣影 pre wedding 既 package, 想問下你意見, 因為我唔知道  album 應該整幾大本好...

    1) 影兩日, 48 張包修圖相 (不連底片)
    2) 影一日, 39 張包修圖相 (連底片)

    1)同2) 都差唔多價錢, 你會揀 1 定 2?
  • estherobbie 2015-02-06 15:51
    Chimmy1218: Congratulations !!!  Anyways, boy or girl also GOOD ah as far as he/she is your kid la ...
    thanks thanks 唯有係咁諗啦....
  • 子維 2015-02-06 12:59
    estherobbie: 人地已經咁可憐, 你仲笑人......
    唔緊要啦,仔女都咁錫
  • estherobbie 2015-02-06 11:22
    子維: wakakaka 我都笑到傻咗正面諗 --> 可以保住你係男家嘅地位
    人地已經咁可憐, 你仲笑人......
  • estherobbie 2015-02-06 11:02
    daphne_chery: 真係好峰迴路轉呀......
    我都係想生女多d,想睇佢嗲爸爸個樣
    係呀..好想要女 女會顧家d...... d仔通常大左淨係顧老婆唔理阿媽gar.....
  • estherobbie 2015-02-06 11:01
    mslilwhitedress: 雖然我唔係粉紅控,但我同你一樣係想生女,但我又淨係想最多生一個B, 如果係仔都會有點失望架。 不過anyways我都未有耐ready生,到時再算你要追多個啦[e
    可能到你生左一個時; 你又想生多個gar喇..hahah 不過暫時你enjoy一下你個free life先啦~~
  • Sashie 2015-02-05 22:43
    esther你真系好可愛!不過我完全imagine到個shock ^^"
    唯有adjust翻個心理啦!
    沒關係~ d粉紅色留翻比下一胎!hehehehe
  • moococo 2015-02-05 19:42
    睇完好可惜, 不過我D朋友大部份都係仔多, 都係得一個生女...
    不過我自己如果有機會生都係生個仔好D, 因為我老公話要比佢自生自滅喎...
    我有親友的朋友係揀BB性別, 但係結果都係生仔....
  • mavislala 2015-02-05 18:04
    你媽媽的想法和我媽媽的想法一樣...
    不過最緊要你和BB健康, 仔女都冇所謂~
  • estherobbie 2015-02-05 17:03
    fongfongfong: 好似拍戲咁...
    明晚可以講個痛快
    yeah~ 聽晚就見到你地喇
  • Chimmy1218 2015-02-05 16:41
    Congratulations !!!  Anyways, boy or girl also GOOD ah as far as he/she is your kid la ...
  • 子維 2015-02-05 15:53
    wakakaka 我都笑到傻咗
    正面諗 --> 可以保住你係男家嘅地位
  • daphne_chery 2015-02-05 15:48
    真係好峰迴路轉呀......
    我都係想生女多d,想睇佢嗲爸爸個樣
  • fongfongfong 2015-02-05 15:45
    好似拍戲咁...
    明晚可以講個痛快
  • mslilwhitedress 2015-02-05 15:35
    雖然我唔係粉紅控,但我同你一樣係想生女,但我又淨係想最多生一個B, 如果係仔都會有點失望架。 不過anyways我都未有耐ready生,到時再算

    你要追多個啦
  • cgwedding 2015-02-05 15:07
    estherobbie: 你都岩嘅, 最緊要係BB健健康康...... 不過我覺得我都係會照幫佢著粉紅色囉
    遲D再追個女~~~
  • khkaren 2015-02-05 15:01
    estherobbie: 呢個星期知哪?? 鄧你緊張呢!!! 知道完快D上黎報喜啊~!!!
    一定一定
  • estherobbie 2015-02-05 14:33
    cgwedding: 哈哈~~唔緊要!最緊要BB健康!雖然過程真係驚嚇度大D
    你都岩嘅, 最緊要係BB健健康康...... 不過我覺得我都係會照幫佢著粉紅色囉
  • estherobbie 2015-02-05 14:31
    車仔人: 因為佢成日都覺得我第一胎要生仔先可以保住我係男家嘅地位 <<好搞笑啊!!
    但我媽都係甘諗的~~~
    d阿媽真係... 好鬼重男輕女!!!! 其實我6299反而冇所謂男孫定女孫lor! 最有所謂果個就係我阿媽!
  • estherobbie 2015-02-05 14:29
    dream.about.yan: 我都係超級想生女架!!!!一路睇您篇blog仲幻想下到時自己見到"Congratulations! It's a girl!!"!!!!!的心情!!!!!!

    丫~~~不過仔仔都好得意~係自己生既
    係呀; 我睇到個mon彈 "Congratulations! It's a girl!!" 時真係超開心, 超high gar!!!

    個個都叫我生多個, 如果到時又生細佬咁點算??
  • 車仔人 2015-02-05 13:46
    因為佢成日都覺得我第一胎要生仔先可以保住我係男家嘅地位 <<
    好搞笑啊!!
    但我媽都係甘諗的~~~
  • cgwedding 2015-02-05 13:34
    哈哈~~唔緊要!最緊要BB健康!
    雖然過程真係驚嚇度大D
  • dream.about.yan 2015-02-05 13:28
    我都係超級想生女架!!!!一路睇您篇blog仲幻想下到時自己見到"Congratulations! It's a girl!!"!!!!!的心情!!!!!!

    丫~~~不過仔仔都好得意~係自己生既就會好鍾意架啦~~
    到時再生個妹妹~有哥哥錫添~
 52 12

您需要先登入才能繼續本操作