新婚圈子 -
2014年11月結婚新人圈子
-
我不知是我個案獨特定係怎樣，從我搵場地開始，我從來無試過幻想自己在邊度舉行，一搵就諗住按自己能力去做，怎料比人ban話場地不夠grand，張chair唔夠靚，咁我以為男家兩大長老要求高d，咪主攻搵酒店地方，點知價錢嚇到你傻，平均加8至10%，一圍要成1.2至1.3萬蚊已經叫正常，有d min pay真係可以做埋首期。
到終於搵到個岩，點知個場太迫，被投訴不夠麻將台，12台都唔夠，ok啦，咪轉番去酒樓搵場，煌府、譽宴那些又唔可以，我已經決定唔搵啦，就男家長老決定，但求個場ok就可以。不過佢地又係無寧兩可，話搵多陣先囉，搵d咩呢，講真香港係大，地方係多，但遠既又唔得、貴既又最好唔好啦、地方迫又唔好、交通要方便、食物不可太差、最重要係18台麻將，到底大家有無遇到呢d情況呢?
-
18枱麻雀
灣仔合和有間酒樓(唔係皇上皇，另一間唔記得咩名)擺到100圍，但係你哋本身擺幾多圍酒，酒樓肯唔肯間地方俾你開18枱麻雀係另一回事，同埋grand唔grand好主觀喎。
我明日都帶男家長老睇場，未來62一早話冇所謂，但未來99俾我估中要睇過個場先，好彩我一早同男友講好同佢哋去飲茶，希望99唔好say no或者再搵吓先，我哋行婚展睇晒資料篩剩呢間! 我男友話如果佢阿媽想擺酒店，會叫佢出錢。
-
依家有間酒樓肯比佢地開18台，我地其實計劃擺20幾圍，final仲未決定到。其實我都明白佢爸負責酒席開支，我地都只係負責參與，但係整個4月我搵左差不多20間酒店，仲未計酒樓，但一野比人ban感覺真係不太好，搞到成日係度喊
-
我未來99都只係講左句要交通方便就ok , 我同男友就睇個場環境。起初我想選擇九龍灣 IMAX 皇府 , 因為我哥哥識人 , 個場都好大下 , 個新娘房最吸引我 , 而且佢仲有一個私家地方可以做証婚架 , 其實唔錯 , 不過阿99話要駁車唔太好喎。我本身都係最少 25 圍 , 其實場地唔多選擇 , 因為我地會選擇酒樓 (原因係我覺得中菜一定會係酒樓好食過酒店)。我估麻將枱數可以同酒樓傾既 , 不過有D 如果開得多 , 變左起初就唔可以放晒咁多席既枱 , 可能要收左麻將先可以開到飯枱 , 呢樣都要比你 62 & 99 知道 , 唔洗唔開心 , 最緊要大家有傾有講一齊商量
-
KoBo: 你想搵邊區? 等我地一眾JM 幫下你~其實佢想要交通方便，未來99已有心水架啦~不過成日都叫我地繼續搵，我就唔想再搵，好累，寧願book到自己想要既日子同地方不太差就算啦~謝謝大家啊，我同未來老公講，佢都唔係好明個種壓力~
你講下有咩要求丫~ 例如: 交通、場地配套等等..
放心!! 我地實支持你~~唔好喊!!!
-
你係平日定係週六日呀?! 平日就唔洗太擔心, 週六日就真係快少少會好D....
可能縮細一下範圍會易搵D.... 地區? 酒樓/酒店? 價錢range? etc....
如果漫無目的去搵去睇會好辛苦.....[本話題由 stanphotos 於 2013-05-03 15:06:03 編輯]
-
其實男人係咁樣，個腦唔會記住細微嘢，所以佢父母講過咩說話可以一d都唔記得
既然你奶奶有心水，我覺得再搵佢都會話唔夠佢鍾意嗰間好，如果係我我會唔再睇，佢叫就話呢排好忙得閒先。
-
18台???係咪真係用得曬架???
無理由要個場地黎遷就只玩樂數小時的18台麻將...
係咪應該要慎重同6299分析下…
通常我見到婚宴都係得8台左右~~
太多台麻將，如果要佢地停手同你地影左合照都好麻煩下喎。
呢D時候......應該搵個有經驗人士出黎同你6299分析下....
酒樓經理!? 問問經理通常會開幾多？開得多會點？
加上人地講ge說話，唔知點解會變得好有道理！佢地又會點頭點髻
你睇下尖東百樂門呀~~佢地好似有獨立打麻將空間…
加油啊！！
-
我有反映過，點知個經理仲好好咁幫佢地安排18台，我都堅係o咀，佢地用以前既經驗去評價，咁佢地以前擺50、60圍算係小兒科，我依家都係擺20幾圍，真係四分之一既賓客都去打牌，肯定好熱鬧~~~
有時做搵場地，真係做到好無力，想要自己想要既地方，點知又係向現實低頭，好多人同我講，為左第時相處好d，應該順從佢地意見，唉......
「優質婚禮商戶」計劃 
