新婚圈子 - NICYMAKEUP 新娘化妝扮靚會

舉報 |

要個妝靚，首先要你皮膚靚！

nicymakeupsonia 2014-01-16 21:52

各位靚靚準新娘～我知道大家為左自己o既婚禮，通常都會忙到一團煙～

日日心煩加上太多野要顧及，之但係咁wo，大日子主角係你同你老公仔！

當日個個o係目光都係o係你地身上架，所以除左密密準備一切之外，

都一定要好好注意住自己o既皮膚質素！

選o岩化妝師，當然會為你o既婚禮錦上添花～

但係點樣可能令到自己上妝後更靚更sharp？就緊係要靠你地自己o既努力先得啦！

沒有醜女人，只有懶女人～皮膚靚，化o既妝會更靚！

但如果皮膚唔靚，化出黎o既妝極大機會係變成又厚又多紋架！

好多時我都聽好多客人話，要個妝薄，淡，愈簡單愈好，唔要太多野加上去令到妝容厚。

如果你地本身臉上缺乏水份，多粒粒，多印，黑眼圈又深。。試問又點樣可能薄，淡，清呢係咪？

o係呢個小圈子內，我希望用我一直以來累積o既經驗，

幫各位準新娘子改善皮膚質素，大家要以“我係超靚新娘子”為目標先得架！！！

＊＊＊就算婚後，都緊要keep住做個靚老婆啦～唔係俾人話係黃面婆點算？

大家加油！

L.Sonia @ Nicymakeup

你還不是該小圈子正式成員，不能參與討論。現在就加入。