皮膚大敵-濕疹

最近試妝, 都遇上左好幾位有濕疹問題o既準新娘...
原來依家愈來愈多人有呢個問題,我好明白有濕疹o既痛苦..因為!我都有...
聽講話, 一發左有敏感呀,濕疹呀等等呢d~就收唔番, 會跟一世唔斷尾...聽到都驚!

講番我先啦,事緣幾年前某一日..做做下野就開始覺得塊臉痕痕地,無理到R左兩R..點知就係咁惡夢開始!
R完隔左兩個種,我果種痕已經係蔓延到成塊臉到痕..自己開始覺得有D唔對路,就拿拿聲去睇醫生.
因為當時唔知乜事,所以就只係睇普通科~醫生睇左話只係普通敏感痕..所以開左一D止痕藥膏俾我..
當然搽完係無料到啦~點知瞓醒第二日就大獲,成塊臉踵哂!!! 又痕又紅又踵...
乜都唔理即刻去睇皮膚科...結果係"濕疹"同我做左朋友....
皮膚科再開左一D藥俾我,又開左一D藥膏俾我搽同埋洗臉~~就係咁花左千幾蚊...成效呢就好左一個星期!
一停藥又黎過..苦不堪言!!! 睇左幾次皮膚科都唔得, 就轉去睇中醫喇~~~但結果都係一樣, 無料到, 停下好下停下好下...每一日就係發脾氣,心情唔好...無辦法啦! 個樣咁樣點見人..又踵又紅, 踵到連隻眼都好似條線咁..
出親去D人都好似見到異型咁...心情真係無辦法會係好~~仲要係日痕夜痕痕到瞓唔到...>.<

之後乜都唔理,上網SEARCH左好多資料, 乜野方法都試齊..
結果FIND OUT到3個方法對我係WORK~~~
所以o係到講下,如果真係無哂辦法o既女仕門, 試下~~~就算無濕疹, 我睇番d方法其實對基本護膚都好有用.
由於濕疹係因為天氣乾燥又或者天氣交接期先會引發出黎,針對住呢個point,我就由保濕入手~~

1) 大忌: 切忌用暖/熱水洗臉
我由細到大都好怕凍, 洗臉係會用和暖水..但大家都知道,用暖水/熱水洗臉係會比凍水洗臉更乾~~抽乾得好快!
第一樣我即戒就係呢樣..轉番用冷水洗臉, 一洗完抹一抹就即刻搽厚Cream~~~係厚!!!超厚~~等佢一直吸入去..

2) 一星期有3日用新鮮蘆葦敷瞼
新鮮蘆葦可以去街市買, 買完要用幾多就切幾多出黎, 其他就用保鮮紙包住放番入雪櫃~
蘆葦有消炎同補濕作用..仲有去印功效tim!!! 所以就算乜疹都無平常都可以用架~
用法好簡單~首先去皮,之後就拎取皮與似之間黏膜~~就係呢個黏黏o既搽上瞼, 敷約5-10mins,
之後拎埋舊蘆葦肉去卒下塊臉~之後過清水後即刻搽保濕~~

除左呢2個方法之外,食物方面我都有努力戒口~
差唔多每一日都淨係蒸節瓜豬肉, 所有刺激性食物都戒哂~
同埋有keep住煲綠豆湯,清熱解毒呀嘛,將身體內唔好o既野排哂出黎~

我記得以上呢d野持續左大約3星期~~濕疹就慢慢消失左~~持續3個月o既抗爭我終於勝利左!
不過當然之後都不容忽視~~往往一轉凍同埋轉天氣呢~佢又出黎搵我玩!!

所以自從果3個月惡夢之後, 我對我自己護膚要求大大提高!!
就係保濕保濕再保濕..o係之後輕微翻發左幾次之後,有朋友介紹我試下用椰子油搽臉~~
我買左一樽有機椰子油, 百幾蚊好大樽有排用~~~搽落去又work wo!!
所以大家都可以試下, 就係洗完臉, 先用椰子油搽全臉, 唔好以為會好油呀~~皮膚好快會吸收哂仲好似有層保護膜咁..之後再搽番自己用開o既cream就ok! 第二朝起身~塊臉睇落係好滋潤!好滑滑~~
天氣乾燥時都可以用架~~~

如果大家有咩治療濕疹方法,都可以講出黎大家交流下呀~~~