Lovedaudau
靚太CLUB會員
您認識Lovedaudau嗎? 認識或者想成為新朋友,立即可以加為「好友」,第一時間知道Lovedaudau的最新動態。
把Lovedaudau加為好友

  • 心情記錄
  • BLOG
  • 相簿
  • 分享
  • 話題
  • 靚太檔案
  • 新婚檔案

全部 心情記錄

  • ( 回覆)
  • 哈哈~多謝ESDlife!雖然贏唔到蒸煮機但都好開心喔~ ( 回覆)
  • BB話咁快就嚟1歲~希望BB身體健康, 開心快樂成長就滿足~ ( 回覆)
  • 未打完blog手滑就發布左…點解手機版無得入返去?! ( 回覆)
  • 終於係上星期六,完成婚禮正成為葉太! 雖然好唔捨得,但好開心! 而家應該有多啲時間上嚟分享心得喇! ( 回覆)

全部 分享

  • 分享了一篇BLOG
    825 花‧戒‧枕工作坊 教你做出靚靚的Ring Pilliow:3
    lovinmiu
    好高興我這個加入ESD不到一個月的新人可以抽到參加是次工作坊既機會, 不過真係對同班既同學仔講聲唔好意思, 由於我這個路癡在紅磡蕩失路, 所以遲左少少 不過好
    因為家人開花店,之前係網上睇到已經打算自己整個鮮花戒指枕,而家睇左更加有頭緒,真係要謝謝分享~
Lovedaudau

http://wow.esdlife.com/space.php?uid=35917

已有 24236 人次訪問, 490個積分

同心情

全部 個人動態

  • Lovedaudau 發表了新BLOG 5日前
    Hailey第一次旅行~5天4夜親子自駕遊~九州~Day5
    今日最後一日,因為要趕返酒店拎行李,所以唔去咁遠,老公話又要瞓晏啲,所以只可以去一個地方,今次間酒店Sunrote裝修都算新,但房就偏細,早餐一般,因為和式早餐老公唔多鍾意!好在唔係同老人家住,因為餐廳只得tatami,婆婆坐底好難起身!反而Hailey愛上左從未食過生嘅車里茄!

    食飽行左陣車站手信街入面嘅超市,生果價錢唔太貴!仲有一整箱生果賣,方便拎返香港!行完超市就出發去麵包超人館,九州麵包超人館好方便,就係中洲車站上蓋嘅商場入面,真係落雨也不怕!去到阿女瞓左,老公因爲早餐食唔飽想食燒肉,行左對面嘅商店街但燒肉店晚市先開,見到豆腐の盛田屋心心眼!唔洗專登搵就路經太好喇!飯都未開都要食左先!難得阿女瞓左兩公婆可以嘆雪糕~如果醒左怕佢咳又要食埋一份!

      簡直係豆腐怪嘅最愛~

    睇返地圖好出名嘅燒肉店季樂就係附近,雖然知無訂多數full但都行左過去問,果然係無位。最後去左人氣韓國燒肉店利花苑食黑毛和牛,雖然係韓燒但佢啲黑毛和牛好出名,又近近地就食佢!Hailey可能知道有好野食,一坐底就瞓醒,佢仲好鐘意食和牛!真係識野!

      
    食飽過返對面馬路就係麵包超人館,因為想要紀念品,所以買埋飛比Hailey,入到去佢好開心周圍走!麵包超人出嚟表演,佢都有跟住跳舞,但好無用,哥哥拖佢同其他小朋友出去同麵包超人跳舞佢驚要搵媽咪!入去充氣麵包超人頭入面跳左兩下就諗起唔見左我地要返出嚟!真失禮!因為要趕返酒店拎行李,所以玩左唔係好耐就要趕住走!當然Hailey唔捨得仲扭計!下次真係要預多啲時間!媽媽我都唔夠時間shopping,買得好少野就比爸爸催住晒,最後買埋麵包就走!

      見到蜜瓜包勁興奮匆埋去~

      
    返到博多仲有少少時間買埋蜜瓜就坐的士去機場,去到先知原來班機delay! 好在有包包比佢打發時間!傻妹唔知買左包包,一拎出嚟勁開心!仲食埋表姐果份!因為delay! 拎埋行李返到屋企都成12點幾!阿女已經攰到瞓到隻豬咁!就係咁Hailey嘅第一次5日4夜家族旅行就咁結束左喇!唯一可惜嘅係無時間shopping! 從未試過去日本係無買過衫囉!
  • Lovedaudau 上傳了新圖片 5日前
    手機上載
    共 1 張圖片
  • Lovedaudau 上傳了新圖片 5日前
    手機上載
    共 1 張圖片
  • Lovedaudau 上傳了新圖片 5日前
    手機上載
    共 1 張圖片
  • Lovedaudau 上傳了新圖片 5日前
    手機上載
    共 1 張圖片
  • Lovedaudau 上傳了新圖片 5日前
    手機上載
    共 1 張圖片
  • Lovedaudau 發表了新BLOG 7日前
    Hailey第一次旅行~5天4夜親子自駕遊~九州~Day4
    今日婆婆佢地下晝機返香港,原本諗住係返福岡途中去摘提子,可惜落雨,最後無去!因為公公好想食之前食唔到嘅地雞鍋,所以我地係Cannal City入面搵左間有地雞鍋嘅鋪頭食lunch,好欣賞日本啲商場唔洗消費已經有2個小時泊車優惠!

      

    地雞鍋~

    食飽車返我地啲行李去酒店放底兩老同bb,然後就去還車。計返雖然我地去嘅地方唔算多,比埋KEP無包嘅路費都平過就咁用ETC card,所以KEP係買得過嘅!

    還好車其他人出機場,真正嘅3人家族旅行正式開始喇~最擔心係驚阿女再發燒!好在佢好生性,之後無再發燒連咳都好返好多!check in好酒店放底行李休息一陣,就出去車站買定手信今晚放入喼唔洗拎得咁辛苦。

    行行下行到眼鏡店Jins,其實一早已經帶定度數係身,預備隨時配眼鏡,因為配左30分鐘就可以拎。咁啱阿女好合作瞓左,老公又竟然肯等我,所以死都配返副!由選鏡到驗眼連埋拎得真係30分鐘左右就搞掂!分享一下成個過程先~我去博多車站樓上果間分店,佢地只識日文同英文,為左方便溝通我地用日文,首先選鏡框,佢地所有鏡框嘅價錢已經包埋鏡,除非有特別要求,列如防藍光、全視線、老花etc...就要另外加錢同耐啲先有得拎!因為聽日就離開福岡,所以我選普通咩都無加嘅就算,選完框就等驗眼,係等驗眼期間佢會幫你度埋眼鏡框啱唔啱位,佢地話如果有埋本身帶開副眼鏡會方便啲,但可惜我果日帶con!佢地驗眼同香港有啲唔同就係唔洗入黑房,驗完眼佢地會解釋返同選擇鏡片,最後比埋passport 佢比錢就可退埋稅,再係佢比你嘅時間返嚟拎眼鏡,成個過程大約30分鐘左右就ko。

      
    雖然係made in China,但jpy8000就可以配到一副眼鏡真係好抵,係香港依個價錢只夠買個平價框,抱住就算度數配得唔啱都可返嚟轉鏡嘅心態都抵!返到嚟仲比公公話我唔預佢,無計啦!佢地行程太緊湊,根本係博多無shopping 時間!

    配完眼鏡買埋手信仲早,我地就坐地鐵過中洲晚飯,又唔記得左屋台唔近地鐵站,行左8分鐘先到,下次一定要打的!點知老公見到屋台黑面,話帶住阿女唔食!比佢激死,又唔一早講!因為太攰唔想再行直接搵架的士車我地去磯丸水產,點知司機行錯路,佢可能唔好意思仲cancel左個車費,途經一蘭,我驚佢又兜錯路,直接同佢講我地去一蘭就算!

     

    食飽見到人氣Hot cake店bills就係附近,所以食埋個Hot cake,之前見下晝多數要排隊,見無人仲驚夜晚無,問左店員話有好開心!因為聽日就返香港,食唔到就要等下次!

      

    真係好好味!阿女同老公都好鍾意食,有諗過叫多個但又驚食唔曬,最後比佢地ko埋就算!好想再去埋其餘兩間好出名嘅hot cake 店,但可惜聽日就要走喇!

    食埋甜品就行左去24小時Aeon超市買生果,Hailey好曳要落周圍走,怕左佢買左桃同提子就即刻坐的士返酒店。

      

     
  • Lovedaudau 上傳了新圖片 7日前
    手機上載
    共 1 張圖片
  • Lovedaudau 上傳了新圖片 7日前
    手機上載
    共 1 張圖片
  • Lovedaudau 上傳了新圖片 8日前
    手機上載
    共 1 張圖片

靚太檔案

我的結婚日期 : 2014-03-22

新婚檔案

我們的大喜日子 : 2014-03-22

全部 相簿

全部 BLOG