婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 12 個 | 共 93 個BLOG      上一個 | 下一個
查看BLOG | 返回BLOG列表

童遊天地~n班開學前急行米子鬼太郎之旅~Day3

By Lovedaudau (聯絡作者) 於 2018-08-19 23:26
今日早餐依然係樓下個室度食,都係果句最鍾意有人服侍唔洗自己拎!

  
食飽飽就出發去白兔神社,白兔神社最出名係‘姻緣祈求’。除左白兔神社之外,白兔海岸都好出名,所以順道泊底架車影左相先~

 

   

  

拜拜完白兔神社買埋御守同土產就出發去魚市場午餐~因爲早左所以先參觀魚市場旁邊嘅蟹館,入面有好多關於蟹嘅資料,有得拎啲海星同貝殼上嚟睇,又有得學摺海洋生物,仲有媛媛鍾意嘅Nemo同Dory!蟹館真係好啱小朋友嚟!

  

  

  

小朋友玩完就食午餐,依度嘅海鮮定食唔算貴,但好豐富!食完午餐係隔離魚市場買左啲生蠔食。除左海鮮仲有生果,我地又買左西瓜同提子返酒店食。

 

   

食飽飽就出發去砂之美術館。由於玩左大半日,兩個小朋友一上車就瞓左,所以到左美術館無叫醒媛媛。用砂整嘅雕塑好靚,影完相食左美術館限定嘅咖啡雪糕又再繼續行程。去得砂之美術館,下一站當然係鳥取砂丘!

 

   

雖然撞啱今年日本天氣好熱,但總好過落雨。去沙漠當然要夠熱先有feel!係砂丘有駱駝騎,如果唔怕辛苦可以挑戰行去對面就可以欣賞到好靚嘅海景,我地當然只係留係有頂嘅地方玩一陣沙就閃~走之前仲有水可以洗腳,非常方便!去完沙漠過返土產店第一時間要買杯雪糕同鳥取梨汁消下暑!

大家shopping 完就返米子。今晚係唯一一晚住米子市中心嘅酒店,所以我地係附近食完燒肉先check in。燒肉店嘅老板知道我地係香港人仲專登開左金剛同小兒嚟佢地度拍野嘅you tube比我地睇。佢地啲和牛真係好好味!日本一鳥取和牛果然名不虛傳~但可惜唔記得影相。
185 次閱讀 | 0 個評論
Facebook WOW Google+ Weibo Mail
當前第 12 個 | 共 93 個BLOG      上一個 | 下一個

留下足跡

評論


您需要先登入才能繼續本操作