婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 10 個 | 共 93 個BLOG      上一個 | 下一個
查看BLOG | 返回BLOG列表

童遊天地~n班開學前急行米子鬼太郎之旅~Day5

By Lovedaudau (聯絡作者) 於 2018-08-25 23:49
話咁快行程嚟到最後一日,酒店早餐好豐富,食飽行出門口過條馬路就係’水木茂之路‘,成條街都有好多鬼太郎入面嘅角色做嘅藝術品。每間舖頭都有鬼太郎嘅周邊同土產賣,門口仲會有得蓋印,小朋友可以先買一本‘’妖怪導覽手冊‘’,再跟住啲no.搵返啲妖怪蓋印,行完成條街就可以全部印滿成本手冊。

  

  
行到一半仲見到有人扮成鬼太郎入面角色嘅公仔同遊客影相!行到熱熱地我地去左食雪糕消暑。入面仲有得用幾百yen抽獎,因為見到多數抽到鬼太郎爸爸輕氣球,我地今日就返香港,所以表姐避開抽另一個無氣球嘅,但媛媛一心睇中,最後佢堅持要抽氣球,估唔到第一次抽唔中細獎!🤣所以要抽多次,佢決心要抽到氣球為止!好在第二次終於比佢抽到!最後仲要勞煩公公係機場放氣帶佢返香港!

  

  

  

  

  

休息完可以影下鬼太郎間屋。再係商店街見到有間食蟹嘅餐廳,所以直接係度食埋午餐就返酒店準備check out! 最後衝刺去左車站後面嘅超市買生果同零食就pack箱準備搭的士出機場返香港啦!

  

  

機本上米子機場國際線暫時只有hk express去香港嘅航線,其餘所有都係國內線。所以如果想係機場買手信一定要係入閘前買,如果想買酒或者其他唔可以hand carry嘅手信,一定要係check in寄行李前就買,因為過左關就得一間好細好少野賣嘅舖頭。雖然米子機場唔係好大,但係入閘前都有幾間手信舖同兩間餐廳!我地都預早左時間嚟買野同食左少少野先上機。

今次旅程令媛媛認識左鬼太郎!媛媛成日叫錯佢做灰太郎(笑)再見啦!鬼太郎~希望下次有機會再嚟多次喇!
231 次閱讀 | 0 個評論
Facebook WOW Google+ Weibo Mail
當前第 10 個 | 共 93 個BLOG      上一個 | 下一個

留下足跡

評論


您需要先登入才能繼續本操作