婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 1 個 | 共 1 個BLOG      上一個 | 下一個
查看BLOG | 返回BLOG列表

KS Blog 1 - 小資怕麻煩極懶B2B開始準備婚禮《婚享新blog》

標籤婚禮統籌  5月前

睇佐差唔多一個月的同學會,收佐好多B2B的料

終於share 返下我自己準備婚禮的過程

 

我自己算係比較遲結婚,所以都已經參加佐無數婚禮

雖然我都好為各位新人朋友高興可以咁美滿的婚禮

但自己實在覺得真係太浪費又唔知做乜咁

好在男朋友同我係呢方面好Align

求婚後大家都覺得簡單簽字食飯就好

同媽媽講佐佢都無所謂,最緊要唔好煩佢

難得大家咁同一陣線,所以我地就決定要簡單簽紙唔擺酒都唔特別搞咩儀式

只係夜晚同親戚食飯

由於男朋友親朋戚友都唔係香港, 所以我地香港註冊跟住夜晚同我自己的親戚食飯敬茶

跟住就飛去佢屋企個面都係食餐飯湛茶

更加唔駛擔心得失男家

省略佐我好多的煩惱

 

話雖如此,但簡單婚禮都要準備

所以都想紀錄下順便搵下有冇同道中人可以分享下

 

第一個BLOG講下第一件事, 就係定日子

由於我地兩個屋企人都好無所謂

咁我就想係我地兩個的拍拖紀念日結婚(好記嘛)

係咁易上網見到唔係忌嫁娶, 又剛剛在七月前, 就go ahead

男朋友都好無所謂,都同我講決定佐就唔好再睇

我地結婚個日就係吉日黎架啦//>w<//

咁就極快速咁定佐結婚日子

 

夏天淡季仲要平日結婚

真係所有野都唔駛太擔心BOOK唔到

 

我地好快咁LIST 低佐啲我地婚禮要做的ITEMS

希望之後可以逐一紀錄啦!

 

- 買結婚戒指

- 影pre-wedding

- 訂造男禮

- 買婚紗晚裝

- 準備道具

- book 婚姻註冊 

- 訂晚飯位置 

 

有冇啲sis都係唔擺酒的可以大家認識下分享下有咩要準備

我都希望可以繼續BLOG 下自己的準備

留個紀錄

1982 次閱讀 | 3 個評論
Facebook WOW Google+ Weibo Mail
當前第 1 個 | 共 1 個BLOG     

留下足跡

評論


您需要先登入才能繼續本操作