婚紗- 敬酒服- 婚鞋-褂鞋 有禮物送

婚禮之後有好多剩餘物資，因為我當時唔係租，全部都係買買返黎，宜家嫁左出去就要的起心肝將呢啲野轉售出去，做個知慳識儉既師奶！例如婚紗、敬酒裙，西裝、婚鞋等，全部都係以極特惠價錢出售。

因為是二手物品，有少少損耗理所當然，不過因為大部份都只係用左一日以內，全屬九成新的佳品，如有嫌棄，請勿打擾，接受少量議價，只接受面交（限觀塘線或荃灣線），只收現金。

另有少量物資，可免費提供給購買以下物品的準新娘們挑選，作為在下小小心意。（買一件付費物資可挑選一件免費物資）

先提供我自己身型俾大家參考:
身高160CM，正常買衫買M碼，或歐洲碼32-34，腰圍好粗，瘦瘦既姊妹未必適合我既裙!

1）淘寶婚紗一套中碼，原價人民幣1200以上，我買返黎已經係二手（人民幣900另加運費，有3kg以上），只著半小時拍攝婚照，胸84CM, 腰66CM, 現售港幣788，連婚紗袋及腰帶。
呢件婚紗特別在好似Vera wang個尾，有睇我之前某篇blog既都知我係淘寶妖怪，經過我千挑萬選，呢件係我覺得個尾開得較靚既一件，由腰間平平一塊布至摺疊部分係令我最滿意既一part，後面有少少拖尾，好少好少，但佢話係中碼，我著既時候竟然有鬆，應該係平時著普通衫大碼既人先啱著，有興趣可以度下自己胸和腰圍，話我知我再度下合唔合適。

2）敬酒裙1號，又係淘寶，賣家話牌子係BCB* ,唔知真定假，又係只係著左一陣黎影婚照。原價人民幣648，現售港幣488。我身高160cm,著左3寸高跟鞋之後條裙完全唔拖地，肩38CM，胸84-86CM，腰70-72CM, PAT 92CM，兩腿中間開叉，遮遮掩掩咁，超級極度修腳！而且拉到個人好高﹗顏色係正紅色，即係中國新年紅。不過呢條裙有少少性感，胸部較大既朋友要做好預防措施呀！同埋條裙係唔容許你著bra, nude bra 都勉強可以，所以介意做性感小夜貓或者老爺奶奶係傳統人士就千祈唔好揀！

3）敬酒裙2號，度身訂做的。訂造價錢人民幣868，現售港幣668，顏色係棗紅色，背心魚尾裙，條裙有3層，裡布、蕾絲、紗網。係搵上海女人做既，因為奶奶話上海人造衫手工好，又揀到隻靚色，所以二話不說俾錢幫襯。只係用黎敬茶同送客用，超新淨！而且完全唔會有倒奶或跌裙問題，一套上去拉埋拉鍊，著好！適合介意性感，或者皮膚偏黃既準新娘，因為我都係偏黃，但著左呢隻色會顯得白淨啲！

4）黃色連身裙一條，forever 21原價港幣2xx,現售港幣168，中碼，只著一次影婚紗相，已經乾洗，長度至膝蓋以上。腰位有同色花邊。質料幾厚，所以著上身會有少少裙擺，影出黎立體啲。

5）婚紗鞋一對，日本製! 原價398, 現港幣228日本牌子，38碼3寸高，有少少網花，只係著左半日影婚紗相，因為我著唔慣高跟鞋既關係著住好似機械人咁，拍攝當日最後我係赤腳行，之前之後都無再著過，除左個踭有少少正常損耗外其他地方新束束的～(已HOLD)

6）褂鞋/繡花鞋一對， 原價人民幣88，現售48港幣，37碼，因為當時鍾意呢個款，但係無38碼，諗住橫掂出門都係好少時間，將就塞對腳入去頂到陣啦！ 所以買細左一碼，呢對鞋有啲窄，闊腳人士勿揀！

7）西裝連西褲一套，老公唔岩著，話唔要，咁我就話不如平平地讓俾人影相都好丫，就港幣228一套，西裝中碼，西褲31褲頭，有興趣要知詳細資料再度清楚。

8)又係老公既西裝褸，不過呢件只係一件褸，無跟西褲。H&M，平售港幣88。(已HOLD)

如果你地有興趣上面既野，請睇埋下面呢堆，好心幫我收留埋佢地，買上面其中一樣可揀下面一樣，作為禮物，免費贈送物資如下：
A) 女裝紅衫紅褲一套

B) 百子千孫圖CUSHION套1個 及 雙囍CUSHION套一對連一芯(即是3個套1個芯) 

C) 婚紗頭飾1號 (全新)

D) 婚紗頭飾2號 (全新)

E) 頭紗一條(已HOLD)

F) 紅袋一個(只有6成新，介意勿選) (已HOLD)

G) 韓國化妝護膚SAMPLE 20包+ 1塊HERA 香水皂

H) 韓國化妝護膚SAMPLE 20包+ 1塊HERA 香水皂

有興趣就PM或留言啦!! 我會盡快覆你。先到先得，多多支持