第一次上靚太學堂 - 學插花，之前從未學過，今次竟然有機會抽中，就上去睇下係乜。 上堂前2日，靚太club仲好貼心咁提我，記住帶定環保袋裝製成品。 終於到咗當日，Miss會首先講解花嘅品種，插嘅次序，每種花嘅特性。Miss會示範一次點插，之後才到我地插。又有野學又有得攞走，真好 我就放咗喺飯枱裝飾，今天起身，望見飯

今日午飯後，已有好多人通知今日2:00會打風，4:00又會打風。最後3點幾天文台公佈5:00前會打到嚟。老細已講4:00後可以走，點知4:20老細就捉住傾依樣傾嗰樣，攪到4:45先走得。拿拿聲走去附近買咗d瓜菜，再去一田買d肉啦，點知已關門? 最後返到屋企樓下嘅惠康買d豬骨同肉，就整咗以下幾味 青紅蘿蔔湯 白菜炒蜆肉仔 青瓜炒牛扒

抽中咗Le Creuset 心型杯，好高興， 喺咁多人當中可以抽到我，都算係好好彩。   本來想親身到生活易攞，但因為只可以平日，只可搵速遞攞，我昨日有事上咗大陸，今日返到公司，個Le Creuset 心型杯已喺枱面，一打開係深粉紅色，本來想要紅色，但發現深粉紅色都幾靚，可以放下糖果或曲奇招呼朋友。  

上次買咗張電腦飛嘅六合彩，咁好彩中咗3個字。琴日去派彩，個收銀員畀HKD40派金我。我就話乜唔係HKD20咩，佢冇理我，之後我出去看派彩嗰個板，先知道真係加到去HKD40喎。 咁又多HKD40買餸錢。

大家唔知有冇試過畀人冇問過你，就掉咗你嘅嘢嘅經歷。不如分享下   我有一個其他人覺得奇怪嘅習慣，就係每次朋友請飲，張請帖我都會留底。 但今天就畀人掉咗 ，仲要係未問過你就掉咗。問佢攞番先知掉咗，佢仲問你有乜用。

因為老公原故，要上大陸參加婚宴，一早上去喺女家屋企坐到16:00才去會場，之後又由16:30坐到20:00先有得食。有D悶囉。   但場地佈置至小禮物，都同香港差唔多，只係我地用絲花，大陸用真花  

今日新居屋有結果，我地本來想揀大圍，但現在乜希望都冇啦。  (抽唔中)

上回講到老公今日要獻出佢嘅第一次 - 煮飯仔 首先介紹今晚食乜餸 罐頭粟米湯 䓤爆牛肉 蝦仁炒蛋 白灼唐生菜 叉燒炒飯 根據第一次煮飯，我會畀佢65份，因為好多都冇味! 但個樣都ok, 咁多個餸，最好係個炒飯 睇見佢由買餸到煮飯都係自己攪定，乜嬲都冇晒

因為老公早幾日激嬲 我，所以罰佢要煮餐飯畀我食，明天就係啦。 期待中......

首次寫 Blog ， 就記下我婚後第一個與老公慶祝的生日 早在生日前一個月，我已約定我倆的朋友到我家舉行 1 個驚喜生日 Party ，我也在這個月內，找尋各種到會、小食、蛋糕及飲品。   3 月 21 日，終於到生日前夕，這天我不用放工，我就一早起身煲定個靚湯，再同