婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 12 個 | 共 51 個BLOG      上一個 | 下一個
查看BLOG | 返回BLOG列表

小一派位谷底反彈記~

By maggieyeung (聯絡作者) 於 2020-07-02 22:12

里篇文章係我個人感受-無意引起事端,超級長篇慎入!!!不喜勿插!對學校見解係我個人意見,沒有什麼排名之分!!




當我地收到個派位通知書-一拆開我嚇到呆左!吓!!派到陳耀星-我最吾想要既兩間其中一間,雖然我吾知佢有幾咁吾好,但排位時見到此校多學位,心中亦覺得問號-後來先知個DE叫無咁受歡迎既學校。係我衰-我承認自己對里個派位遊戲吾了解同輕視左,覺得將軍澳校網吾差,好多學校都好好,而且我地2014年BB出生率吾算多。點CHOOSE都吾會太差呱~點知開口中。。。中左將軍澳區大眾認為不受歡迎既學校既其中一間。我太進取第一志願循道衛理,第二係馮晴,第三係明道。原來今年大家都好保守-填第一志願係二線學校,第二志願係三線學校。大熱果DE都好多人捧場。但好多人都覺得我填錯左!點解我咁填-其實第一志願係我最想要既。第二志願叫我填三線學校我又極不願意,第三志願我己經係防守線。我預計衰極最多咪頭十,點知一跳跳到十八。有人比我更搏-頭三填晒一線學校,亦入左第一志願。有人填頭一係三線學校都入吾到。有人填第一志願一線,第二志願係一線,第三志願填三線就入左三線。咩形式也有人填。有人填晒所有學校亦派得差,有人填頭十間其餘無填亦派得好,有人填一格空兩格又入到第一志願,形形式式都有。你派得好就話你醒,你派得差就話你吾識玩。我真心吾識玩里個遊戲!!




其實我真的有反思維去諗!!如真的需要叩門,我比較喜歡既學校吾排返係頭三甲。。咁會吾會無得叩㗎!!當時未知咩學校需要111先可以去叩門!!真的-我有DE喜歡既排得後真的沒有得叩,里個遊戲如我填勁又4,差又4!!因為運氣也是其中因素!!




我見到自己黑仔到極點-要叩門。。。未放榜之前我信心滿滿,整得三份叩門資料。打個Protfolio整左我一星期,改黎改去。改到忟!!

點知頌要派到咁。。。我就不停上網D/L表格。。。Print Print Print填填填!個個都話里間果間勁野,好多人爭,我就慌晒!本來叩10間。。。點知叩埋直資同誇區,Total: 叩左17間!Short 左!不停求學校幫我寫推薦信-佢地算好好幫我寫左12封。我果個星期晚晚訓吾著兼好自責,怪自己點解吾了解多DE問多DE識多DE!只係每日”離”係屋企狂做家務,同化妝工作,不問世事,服侍2位大爺大小姐。我好似一個工人咁。我吾應該係咁,反醒自己!!突然果日醒起彩雲都有間小學,我地里度其實去彩虹都好方便,有理無理我就填表交。亦記得大姑奶3個女也讀里間,自己呀E果三個仔女又係讀里間.希望有DE機會,博一博都好啦!!(我自問吾聰明,但我勝在勤力-里個係我優點,連唱歌老師都讚我里點)HEHE!




交晒表逐一等!


1.將軍澳偱道交表兼拍片有推薦信-呀女拍左15次..先有一次見得人!!其實大人與小朋友都辛苦,好彩呀女合作!收到E-MAIL通知小朋友同家長一齊面試


2.馮晴交表有推薦信-無得IN。。原來要111


3.明道交表有推薦信-打左電話通知小朋友同家長一齊面試,星期六IN星期二通知有OFFER。


4.聖安德肋交表有推薦信-打左電話通知家長面試,面試完要拍片,要加埋普通話所以要重新拍過-呀女拍左超過20次以上,佢成日發音吾準


5.將軍澳官立交表兼拍片有推薦信-打左電話通知家長面試!條片我用返之前錄果DE!!8/7 打電話黎收左。


6.梁省德交表有推薦信-打左電話通知小朋友同家長一齊面試,面試完即時收左。


7.信義會交表有推薦信-無得IN


8.田家炳交表有推薦信-無得IN


9.黃永樹交表有推薦信-無得IN


10.志蓮交表有推薦信-打左電話通知小朋友同家長一齊面試-好後期也收左


11.基德交表有推薦信-打左電話通知小朋友同家長一齊面試 但面試日期同其他撞晒!


12.宣基交晒表有推薦信-無得IN


13.梁潔華交晒表-無得IN


14.王余家潔交晒表-無得IN,寄左信黎無面試機會


15.播道(直資)交晒表-無得IN


16.陸慶濤(直資)交晒表-E MAIL通知有得IN 但面試日期同其他撞晒!


17.聖若瑟(誇區)-打左電話通知家長用ZOOM面試!星期五IN星期一收左。




雖然我瘋狂叩門,但真的吾係間間有得見。我叩得一間得一間,一步步叩返出去!!




1.第一間IN 聖安德肋 -去到已經見到好多家長係到等,突然有位老師同大家講。。佢地有200位叩門,但只係收10位,我當時同個衰佬SAY:好似好難咁!入去課室見老師-老師問我地對學校有咩期望-背學校宗旨-個衰佬答里題,點認識學校-住隔離村既媽媽介紹,邊個照顧小孩-我地同時一齊照顧,而且平時同小朋友放假做DE咩-將平時我地既生活講一次好EASY,小朋友有DE咩優點同有咩需要改善。見完大人-就返去拍片。介紹自己/家人(廣東話,普通話,英語)---IN 完我覺得我同個衰佬答得幾好!分工合作。。。小朋友條片亦錄得好好。


https://www.facebook.com/maggie.yeung.3998/posts/10158750376583217?notif_id=1593700151643372¬if_t=feedback_reaction_generic&ref=notif&locale=tw_TW


2.第二間IN 聖若瑟-網上交好簡單既文件Protfolio都吾洗交,我地當日吾上畫班專心在家用ZOOM面試!老師一個個學生見,當中有問題要答:中文認字10個詞語,英文對答What is your name ? how old are u ? where do u live ? 數學題有加減數及係數數量。然後問媽媽:平時放假同小朋友做什麼?(傾計開正我果范,我濤濤不絕咁講,無難度過,而且我提及呀女6位表哥表姐都係里間學校謮過!個個都好有成就=我逐一講佢地個名出嚟!原來老師亦對佢地有DE印象。里PART應該係加左我地分)


之前我覺得用ZOOM面試好似好兒戲咁~但原來真的好好!1.小朋友係自己屋企會自然吾緊張 2.小朋友對電腦答問題佢地覺得好得意所以肯坐得定同留心 3.小朋友吾洗帶口罩老師可以直接睇到小朋友反應(老師讚呀女笑容靚)




3.第三間IN志蓮-家長同小朋友一齊入課室傾計-好輕鬆~但呀女係里場失準-老師問:你平日放假同媽咪做咩㗎?呀女答:做習作同睇電視。。。完!!我當堂呆左!然後老師再問:你鐘吾鐘意去公園呀?呀女答:我吾”浩”公園!!我當時真的想講粗口!!呀女攪咩鬼呀。。。哎呀!!老師問完呀女我就同老師補充返呀女既說話!!不停講我對學校既喜愛!!


當下我知應該衰左!!出到去,我問呀女:點解你講咁少既-佢立即同我SAY SORRY-媽咪,我吾記得晒!!我話:你講返平日我地做既事情比老師聽,每日做既野吾係假野,點會吾記得呢!!(果刻我知我迫得呀女太緊,佢亦有緊張,我要收斂DE吾好再迫得佢咁辛苦)其實我真的好著急-怕云吾到好學校比佢!!---好後期也收左呀女!




(((就係當日黃昏,聖若瑟打黎話收左呀女,)))其實我好似發緊夢咁。。。吾多真實!!其實我好喜歡實事求事既學校,答案好清楚,收就收,吾收就吾收,吾攪咁多花臣。我好憎DE學校又打電話黎又話你比OFFER又套DE家長口風。我地兩公婆商量照IN埋其他!1.拎多DE經驗,希望111果間有機會見可以對答得好DE!2.多個選擇比自己選擇 !




4.第四間IN梁省德-我地用輕鬆心情好面對-事前亦叫呀女盡左力就得!家長係禮堂等,小朋友跟老師入去做卷-大約20分鐘到就叫我-入埋去課室見老師。當時見到老師用好熱切既眼神望我,問下我-個女平時係屋企做DE咩。。。我又講下對學校既睇法-我同老師講:我真心我驚左佢4測4考,身邊又無朋友用過,有DE怕所以無將里間學校排放係前位。。。老師叫我地放心將個女交俾比佢地,曉靜成績好好。。然後叫我掃QR CODE-話有個升小講座叫我參加同WHATAPPS GROUP。我受寵若驚-問老師,你咁樣係收左我個女??佢話政府規定要2/7 SIN可以收個註冊証。我地8月份見!!我一頭霧水咁出去班房!後來問個女,有英文題寫GOOD MORNING 然後有幾條數學題,有一題叫我的家!呀女吾明係做什麼?佢舉手問老師里題點做?老師話劃我的家!返到屋企我就上佢地個WHATAPPS GROUP 問GROUP DE家長,我咁既CASE是否學校已經收左我!!佢地答係!!即場收學生。。第一次見咁玩法!!




5.第五間IN明道-即日進行第一ROUND及第二ROUND面試嘅,我地兩公婆係課室門口等個女-個衰佬已經放下心房-已經有學校收左,佢就係度打機-吾太CARE呀女讀里間,其實我都幾喜歡佢地校舍同課程所以選第三。呀女第一ROUND表現好好-老師單獨見小朋友,讀DE英文卡。。英文問問題及問佢平日點返學校,呀女答有時同媽咪搭巴士返學,有時DADDY用私家車車我返學,老師話:咁你好幸福WOO!出黎時老師話可以順利進入第二ROUND。我無預計可以入第二ROUND,其實我心情也有DE亂!!即時見埋副校長,我一入去副校長室-突然同副校長打招呼,講左老師好!!哎呀!!人地稱呼也叫錯!!我立即更正!!第一野已經衰左!!然後副校長問呀女-見你份Protfolio你都參加好多活動WOO。。你最鐘意邊個活動呀!!呀女答:我鐘意同BABY一齊,DADDY補答:BABY係我地隻狗。我就好急好緊張,因為里份Protfolio呀女都知,我亦比過佢睇,我寫之前亦問佢。你喜歡活動係咩。。。佢話:跆拳道!!咁我先寫上去。依家你講喜歡活動係同隻狗玩,哎呀!!又4多幾錢重,好似我做假咁,其實呀女吾喜歡DE課外活動咁,係我迫個女。再問呀女平時點返學!!到問我地大人,衰佬就咩都無答,只係點頭!!咁得我不停講,我越講越錯!!我講第一志願及第三志願都選一DE活動教學既學校。我感覺校長吾喜歡-我提我選此校係第三志願,我開始云話題:講佢學校有一架巴士,上層係環保太陽能下層係比小朋友睇書既地方。然後老師話:係一位學生既夢,但架車未投入服務,雖然困難重重,我地希望可以完到學生里個夢。個學生有里個諗法好好-佢係透過劃畫整里個 PROPSAL出黎。當下我又感覺自己中左槍=副校長可能覺得我吾夠熟讀佢學校,知DE吾知DE!架巴士未投入服務!然後講左句-祝小朋友無論去邊到都可以愉快學習!!咁我知衰左了。。。無機了!!


((今日下午5點到,學校打黎話比OFFER呀女,我當堂O左嘴,我果日答得咁差。自己也覺得羞愧!!好失禮咁!!我果日頌怨自己好似累左個女咁,失準。。明明呀媽講野係強項!咁立即打比好友報喜同分析事情。1.呀女做得好100分,所以收。2.或者副校覺得我講左一DE 佢認為我講岩既事情。3.可能小朋友加家長分數拉云除二。真的吾知邊樣做準側))**我真的對此校加左少少分。原來佢真係睇小朋友表現而不是大人!

但我仍然不喜歡學校打黎套家長口風!!




6.第六間IN將軍澳官小-里間一開始要交片先...~


小朋友同大人分開見,雙老師見家長,雙老師見小孩。等待其間感覺DE老師好嚴肅咁,有一位老師叫呀女坐前一個位,佢好公式化既語調叫小朋友。我突然也變得緊張。我入到去-有一男一女老師IN我。我有感覺見訓導老師FEEL,問我對呀女對學校有咩期望(其實我好憎里條問題-讚又覺得假吾讚又吾知講咩)。老師見到小朋友有好多興趣班既資料-你會點安排小朋友既時間。如小朋友功課你有時間幫佢溫習嗎?我就逐一回答,但真我好緊張吾敢好輕鬆咁答。我越驚就越講得NUT NUT 咳咳,又有DE亂龍咁。點解選里間學校,我話:我老公以前讀黃大仙官立小學,佢覺得官小好好,所以我地一試!!呀女IN 完,佢話有一個中文吾識,二個英文吾識。數學識晒!!老師無時間比佢諗。叫佢吾識讀都跳過!!其實呀女想TRY 下估下,但無此機會。((其實IN 3點幾真的好辛苦,食完晏我地蕩到我2:30先行去學校,好彩學校E組組別未到,比我地2:50 去IN。係課室門口等又哂又熱、所以一入班房IN就真係眼瞓,呀女眼瞓時我也累。))所以今次我同呀女也IN 得麻麻。IN 完呀女個魂魄吾見左,一上小巴已經ZZZ 左!!


**其實咁熱天氣真心覺得大人同小朋友也辛苦




7.第七間IN偱道衛理-里間係我地心水所以期望好高!愉快學習-課程好適合個女!但始終好多人爭!之前住天晉果時也有留意此校。到後來帶個女去此校開放日,-覺得好正。校舍新,洗手間乾淨-呀女最緊張,因為烏JO DE 佢都吾去!!佢地課程好似好好玩,有STEM呀女好喜歡!!我就觀察呀女既感覺,當時佢好放鬆笑容亦好多。走果時問佢覺得點,佢話好喜歡里間學校,希望可以係里度讀。我填表就111里間啦!!知道叩門果刻-我那那聲填表拍片,等交表果日我早起早去交。交表時我夾埋個女寫比校長既信!!佢寫左幾日-對一個K 3既小朋友寫將軍澳偱道衛理里幾個字真係好難KA!!佢都好比心機去寫。去交表時先知原來呀女封信都當Protfolio一頁,佢要我2張A 4紙共4頁。咁即係話我要選擇棄一頁,一定要放呀女封信-因佢寫得好好我吾想SIDE左呀女DE心機。

好彩我有拎埋DE單面Protfolio黎。我第一頁介紹,第二頁係呀女封信。將兩頁單面黏埋變一張,第三頁係家庭照-我選左DE好開心既相上去,第四頁係興趣及課外活動。而獎項果頁我棄左了。好多人問我:你個女是否拎好多獎項。有拎係有但吾係咩國際性既獎。而且里份我也沒有獎項果頁比老師睇。不過我地真的好用心錄果條片。我對個女里PART要求高。要一氣呵成條片,廣東話介紹自己,講一個好短既英文故事加彈一首輕快既歌。

https://www.facebook.com/maggie.yeung.3998/videos/10158750381043217?locale=tw_TW


我地日望夜望希望快DE有消息!!終於係有日下午教緊呀女做功課之際,收到同班同學既媽媽問我CHECK左個E MAIL 未,我立即手震震咁打開!!!嘩!!!有得IN 呀。。。嘩。。心情好激動呀!!根據以往里間學校叩門人數超多平均350-450叩十幾個位。今年疫情關係-填表交片同三條一視為第一回合。。從中挑選去第二回合。。。我地入到已經好勁了!!見網上好多人呻,佢地111也沒有機會見。覺得浪費左三條一既機會。(填表當時大家都吾知疫情咁樣)!!




到左IN既前一晚,我真的訓吾著。到左IN既時候我眼見場地有50位小朋友到,個個都好醒目咁,而家長亦著得好端莊。老師分分批帶大家去吾同班房IN!!先見小孩,後見大人!!!咁多場見大人-我答得最好係今次,好有信心。而且反應好快-我亦調整自己講野節奏(因為我平時講野太快)。老師話淨係想問家長一條問題:如果小朋友係學校同同學打架你地點處理?我立即答:先同學校了解發生咩事先,因為家教合作好重要、教育小孩不單只係學校責任,而且家庭亦好重要。如對方有錯亦要同我地道歉,但如果我地錯就我地需要道歉,吾可以蝦蝦霸霸!!個衰佬再補充返:會同學校溝通。我怕咁就完,立即講:我對你地學校也熟悉,以前我地住係天晉係學校既對面,以前放狗都見到DE小朋友放學時好開心。開放日亦有帶小朋友黎參觀,靜靜亦寫左封信比校長,佢好喜歡里間學校。我地依家雖然搬左去西貢,搭巴士792M亦都好快返到學校,個衰佬補充:平時我也會車個女返學。而且我地有朋友個女XX班XXX係里你地間學校到讀,佢話讀左里間學校好開心,佢好鐘意係到返學,亦分享左你地學校既拍掌儀式比我。老師話:咁你地真係對學校好熟悉WOO!!靜靜好斯文,睇得出媽咪教得靜靜好好。我話:多謝!!


呀女一出班房就話我知:佢有三條英文句子吾識答,好難!!我答:I DON’T KNOW ,然後有3個英文詞語吾識。中文字識晒,數學識晒。咁我已經知道應該無行了。里間咁深果然考小朋友能力了!!我地全家以經好努力了!!聽天由命啦!!我一出學校門口感覺自己好虛脫咁。立即去買罐咖啡飲一飲!!!返到屋企同網上有IN里間既家長交流,原來頌有講故事里PART,個女緊張到忘記同我地講:生日會,傷心講一個故事。里間學校真係有De深度-小朋友既認知生日會一定係開心,突然要佢地諗點解生日會會傷心。好彩呀女睇既圖書種類好多,我地亦有親子閱讀時間。呀女就諗起愛哭公主既故事-同老師講左個簡短既!!呀女講:從前有個人叫小白露,今日係佢生日既日子,佢叫晒所有朋友黎攪生日會,佢話要全個PARTY係粉紅色,點知有個王色氣球出現咗,小白路佢好傷心咁喊左出黎,攪到個PARTY 烏JO晒,所有人都走晒喇!!


((呀女醒WOO。。。起碼講到個有趣而出名既故事))!!


我地依家等結果-如偱道收就偱道,吾收就去聖若瑟!!


*因為等偱道之際-聖若瑟需要註冊了!!咁我地今日就去註冊先!!*今日我地返去陳耀星小學拎返個註冊證,我地到時眼見已經有2位家長等緊拎。主任問我地點解吾讀,我地講學校比較遠,吾係咁方便。我地交完註冊證去新校,係學校門口撞到岩岩係陳耀星小學拎返註冊證既家長。原來佢地又係住西貢近彩虹。又係派到陳耀星,返學真的吾方便。所以叩返出黎。



P.S.其實成日話要小朋友愉快學習,經過今次我覺得係大人職場上既競爭!!叩門方式比幼稚園更難更複雜!!


(其實夠究竟係考家長定考小朋友,究竟係我讀書定係小朋友。見個學校-好似考狀元咁!!


THANKS 呀女好好合作,佢知道知道派吾到好學校。佢安慰返我轉頭-媽咪呀:我同你一齊去撲學校啦!!我會盡力做好!!佢講到里句,我竟然想喊!!




###係里度我好多謝我兩位好友。佢地幫助我好多-排名不分先後。1.FANNY 多謝佢話我知呀MIC個女係偱道讀。而且呀MIC亦話比佢我知佢地間學校好著重家庭生活同佢地一個拍手儀式。我一改再改份Protfolio達至完美。再係錄片方面我加入埋佢地學校既招牌手勢。里度應該亦加左分。2.PHOENIX多謝佢幫我攪呀女既學生相,我之前係快圖美影得吾好,佢幫我用APPS攪到妥妥當當。而且亦係佢好細心發現呀女有一個音吾正確。令我地立即有時間改正!LAST多謝一班幫過我既親朋好友,呀女班同學既媽媽-曬到黑蚊蚊媽媽會-既支持同鼓勵!

14486 次閱讀 | 0 個評論
Facebook WOW Google+ Weibo Mail
當前第 12 個 | 共 51 個BLOG      上一個 | 下一個

評論


您需要先登入才能繼續本操作