婚享同學會


可用已有生活易帳號

登入


未有生活易帳號?

立即註冊

依依的BLOG

依依的主頁 | 查看全部BLOG
自我介紹:
生為90後,對婚姻想法仍停留在稚嫩的階段,跟結婚老久未扯得上關係。還是先在這裡窺探一下眾新人的喜與憂、樂與怒。

你可能也喜歡…

當前第 6 個 | 共 132 個BLOG      上一個 | 下一個
查看BLOG | 返回BLOG列表

專為新娘姊妹而設!Guilt-Free下午茶+中秋甜品(有埋candy corner服務)

1月前
一講起Afternoon Tea,腦海出現嘅邀約對象一定係好姊妹。不過對於新娘子嚟講,可能都要忍口,因為怕食太多甜嘢會身形反彈。今次依依搵到個主打養生嘅Afternoon Tea,簡直係為新娘姊妹而設!


 介紹返,呢間位於銅鑼灣利園2期嘅Afternoon tea好去處叫做The Cakery,本身以gluten free cupcake聞名。今次有下午茶,100%不含麩質, 甜點都係低糖或無精製糖,其中仲有素食及純素選擇,簡直係Gluten free, Guilt-Free!


點解話Guilt-Free?因為呢個set有superfood! Superfood一般指被公認為有高營養價值,有助改善營養不均,甚至預防疾病的食物~講多無謂,即刻去相。

先嚟鹹點介紹:
 

松露小泡芙 / 迷你薄餅 / 龍蝦法式薄餅 / 煙三文魚忌廉芝士三文治
泡芙、三文治、薄餅都係無麩質,仲要用上純素奇亞籽(superfood)做麵包、蕎麥做薄餅,啲餡料唔單止有美國龍蝦、意大利松露上級食材,仲有蕃薯,粟米筍,紅洋蔥,磨菇、巴馬臣芝士做pizza,感覺好似健康dd。

甜點方面,第一眼就被呢三杯甜品吸引!


分別係:白朱古力杞子慕絲杯、迷你奇亞籽布甸 (Cheers Pod)迷你奇亞籽布甸 (Double Chocolate)
杞子慕絲杯好足料,用咗杞子果醬同杞子乾,不過白朱古力甜得滯。
而奇亞籽係super food,由純素及無麩質香脆燕麥配椰奶及奇亞籽 / 加埋朱古力開心果,食落去朱古力味好濃,同埋奇亞籽超有口感!!!

(亞麻籽高纖、高抗氧化,能降低壞膽固醇,並於人體內轉化成奧米加三脂肪酸,有防炎作用及保護細胞,對心臟健康有益。亦有助控制血糖和血脂水平,其抗氧化效能,亦可減低自由基對身體的傷害,有助保護心血管健康。)
SOURCE FROM healthyD

 

The Cakery 乾果朱古力
全部都係用低糖白朱古力,無糖牛奶朱古力及60%黑朱古力配開心果,紅桑子乾及金提子乾,choco lover必試,絕對唔怕糖份超標呀!

野飲可以揀自家製紅棗杞子茶 / 黑糖薑茶,比起檸茶奶茶係咪養生得多呢XD

平時下晝嚟唔多人,唔知weekend係點呢?價錢係~港幣388 元 (兩位用)

如果要自己一個放下空,或者專心做野,可以試1人下午茶,只係80蚊咋。可以自己揀3款mini cupcake同Tea。


不得不介紹佢呢度嘅cupcake,全部無麩質,有分regular同mini,聽講好多OL都訂呢間做散水餅。細細件十零蚊,affordable 亦夠體面,佢地仲有做wedding service添架!
 

誠意推介黑芝麻口味!味道好濃~cupcake少見!

另外呢間法國甜品店L’Éclair de Génie都有做開wedding service,啲puff仲可以寫上唔同姊妹/婚禮名稱!


今次佢就新出咗中秋月餅系列,多咗栗子酸梅口味(啡色)同紅豆忌廉芝麻(粉紅色),食落感覺幾得意,前者仲有金萡添~但我鍾意後者多啲,食到芝麻蓉!


佢都新出咗4色月餅,月餅係用朱古力製成,入面係法式水果軟糖,用水果、糖及法國天然果膠煮製而成,濃縮咗水果精華~食月餅仲可以食埋糖~正!



 

3522 次閱讀 | 3 個評論
Facebook WOW Google+ Weibo Mail
當前第 6 個 | 共 132 個BLOG      上一個 | 下一個

評論


您需要先登入才能繼續本操作