想9月喺澳門影PW (含回憶篇)

點知，去到澳門，我就開始發燒，而且每次退燒藥力散（~每3個鐘，但每4個鐘先可以服一劑），我成個人就會從身體內勁寒凍到令我整個人都不能自制咁震…好難受好驚…，喺 Fernado 食食吓飯成個人都可以震晒…好尷尬…，但喺我身邊平時少爺仔慣嘅 Mr.K 一直不眠不休咁照顧同關心我。我開始對佢重新估計，開始覺得佢應該值得我認真。（講真，我諗如果我係佢，以前膚淺又唔識愛人嘅我一定會諗：＂e個喺自己面前病到震晒嘅面青口唇白女仔掂唔掂㗎？可能唔啱我喎＂）

澳門之後，喺我哋拍拖時，喺短短嘅2年半裡，我哋一齊經過咗相對多甜酸苦辣，自自然然我哋覺得結婚係好決定。其實一切應該好美好，雙方家長都高興支持我哋婚事，但係原來 Mr.K 嘅媽咪（即我99）係有D精神同情緒問題…攪到由我哋註冊簽字一刻，佢就唔鍾意我…就算我點討好佢都係白費精神同時間。我哋喺香港註冊簽字到e家將近一年喇，佢都係當我＂食玻璃大＂嘅…

澳門，可算係我同 Mr.K 都在心裏一樣認真愛對方嘅開始。女家擺酒都盡推延到啱啱都做埋啦, 如果99心情同思想正常番D就有好大可能要喺加拿大/香港做一個男家擺酒。我同 Mr.K 都好期待有這一天，咁樣9月到澳門影相會係對我哋超有意義 pre-wedding & post-wedding. 

e家開始 plan 下我哋個澳門 PW, 請大家俾D提議同貼士喔！