新婚圈子 - Club One銀灘b2b揮手區~~!!!
-
我2013年11月係果度擺完,賓客回應,食物份量太少,唔夠飽,之後我先發現原來只有十道菜,比平時少2道菜,雞、乳豬比平時細,雞,每人分得2件,不少朋友飲完要食宵夜。由於自己之前係clubone大舞台參加過婚宴,覺得食物味道唔錯,所以自己沒留意菜單少左菜。你可以問一問家人是否需要加菜。(clubone沒有向我們提過比外面少2道菜)
另外,朋友也在11月擺酒,但他擺下午,比我早一星期,他加了錢的席前小食,比原來的時間遲了1小時先出,差不多開席才有= =",我的席前小食就在正常時間出(因朋友出了事,所以跟clubone要求了要準時出小食)
服務態度參差,有d枱話好,有d話差,冇人執碟,有好多枱都話食物分上後,賓客離開左座位,未食就俾人收走左。主家席,冇人打包食物俾新人(聽其他人講,其他婚宴場地會自動打包的,大舞台都有幫我朋友打包)新人可以同clubone溝通下
最嚴重的問題是,我的攝影師打破了水晶燈,clubone要求即時以現金賠償,咁我都覺得整晚流程順暢,於是賠左$8000,clubone講明水晶燈係一對既,如果買唔到一對要賠多$8000,共$16000。第二日,clubone經理打俾我話已訂水晶燈(價值1萬多元),而且clubone同我地一人一半,所以可以拎返$2000,之後我地去拎錢及訂購單據同水晶燈殘骸,佢只俾到手寫單,話俾唔到訂購單,而且水晶燈已掉,令我地無法check到水晶燈的價值。我向消委會查詢,消委會話正確做法,先報警,後有正式單據後先付款。(當然,如果少錢就俾錢了事)但clubone的水晶燈不像真水晶,不知真實價錢要多少。
另外,婚禮當天clubone提供的花車
我的家人坐花車回家後,忘了拿車尾的所有東西,事後問clubone拎返,佢地話車尾無野。大家都無證據,結果我損失左幾千元物品,提醒大家要小心上落物品。
-
最後本人於十二月向消委會投訴,於一月中收到ClubOne客户服務總監的來電跟進。
由於客户服務總監積極跟進此事,彌補了「會所1號 ∙ 銀灘」22/11/2013的異常處理方法,讓本人感受到其集團對客人的重視。同時感謝林先生對本人的誠實,讓本人知道水晶燈的真實價錢,跟賠償額相差了一倍,好讓我們了解「會所1號 ∙ 銀灘」未能提供水晶燈訂貨單據的原因。
此外,其集團主動提出退回所有水晶燈的賠償款項,不用本人為此事作任何賠償。本人接受他們的體面方案,並同意取消向消委會及clubone投訴此事,往後不再作出任何追究。