(俾我呻少少) 我的未踏足過社會既99........(超長氣)

我同我老公拍左拖10年, 其實我都係對佢屋企人一知半解, 因為....次次都係出去食飯, 食完就各自返屋企......我只知道, 佢媽咪係好怕人地病會惹到佢 (即使佢老公同個仔(獨仔)病, 佢響屋企都要戴口罩同你坐過張SOFA佢就抹抹抹......(聽我老公講的)

呢D都算.....最令我心碎既, 係我老公ARM ARM求婚, 通知左佢之後, 佢反對....我心諗....拍左拖10年先反對???佢唔係呀嘛.....SIN哂我D青春!!!!當我再問清楚點解.....個答案, 足足令我喊左1個月, 日日晚晚喊. 喊到有少少抑鬱. 原來, 佢話怕我會傳染我老公....傳染D咩??就係我6年前有過既THYROID CANCER....我覺得....CANCER都會傳染???咁我D朋友, 同學點算????仲有!!!!!!我爸爸媽咪屋企人都無嫌棄過我, 我自己都無放棄過自己, 我同正常人都無咩分別....我為左自己身體健康, 我有報MARATHON練跑, 睇中醫調理返好身體.......TOUCHWOOD講句....我傷風感冒, 都少過人...有邊個人唔想自己身體健康??有邊個人想病?? 我都控制唔到架.....總之我果時知道左之後就剩係識得喊, 又唔敢同屋企人講 (因為每個女仔都係爸爸媽媽既寶貝, 佢地知道99咁..一定唔俾你嫁得咁委屈). 總之就自己喊口喊喊同發老公脾氣.....斷斷續續喊左幾個月, 以為自己會習慣, 點知原來個心都仲係有條刺, 所以到到最後, 我都係去左心理輔導~~而家叫做好好多, 起碼我唔會再喊同有情緒問題, 但, 都仲會有D UN住UN住~~老公都好好, 會話如果真係唔想見就一年見幾次啦. (99唔知我知道佢講過呢D野)

老公都講得無錯, 佢係唔會記得自己講過咩既人, 同埋, 你同左佢講呢個係事實, 佢就會慢慢接受, 而家, 佢都會叫老公同我婚前有時間, 就上去佢屋企食飯, 我去左一次, 等婚後有時間先再去.....UMM....可能第一次食飯既感覺都好ODD.....無人講野.....

而家搞婚禮到尾聲......99又黎一擅野......我地早1,2個月已經問佢請咩人, 因為要寫帖, 叫佢俾名我地....佢第一句係話"唔駛啦, 寫阿婆個名, 寫一張得架啦, 跟偽其他人就會識黎", 老公O左咀, 同佢講, 唔係咁架, 要一家人一張帖架.....99就不停LOOP, 話唔駛, 一張帖就得得得得得....直至老公發火, 話最後失禮果個係佢. 咁佢諗諗下, 就俾左5個名我地 (呢D名都係平時我見過果D親戚既名, 我都無咩留意), 點知....佢前日開始派帖......佢竟然係....帖就照俾有名果D先, 之後.....再口頭係咁同人講話自己個仔結婚....叫人隨便黎.....好在老公個阿E即刻打黎問老公發生咩事, 問點解D咩咩咩親戚無帖....如果唔係...我地真係唔知點收科....我地個場好細, 根本無預咁多人, 如果知道佢果邊有咁多人, 我地一早就揀個大D既場....好在, 而家我地仲有一圍BUFFER, 老公通知左佢阿E, 話只可以請多12個, 多都無, 叫佢地自己執執.....得返2個星期....先搞D咁既野...我真係....得啖笑.....最後同左媽媽傾, 佢都有係咁安慰我, 我媽咪真係好好架!!!!!I LOVE YOU MAMA!!!!

希望呢兩個星期, 唔好再有D咩事發生.....

唔知大家.....又有無D忟塞99????希望大家都無~~~!><

呻完~~~舒服哂!!!