上星期去左好多wow友介紹的趙太度買裇衫影pre-wedding，上到去已經見到枱面放晒大約10個款出黎，款式都係大路款，好彩我地都係想買簡單款，所以好岩我地，價錢又平$138。 趙太裇衫有無100個size就唔知，但最好係唔岩size可以即場修改，趙太就即場幫男友件裇衫改手袖闊度，重點係改衫服務係免費架。 地址：尖沙咀堪富利士

拍拖9年，我地一直未試過著情侶裝，或用情侶系列嘅衣服鞋襪、飾物、用品等等，今次為左pre-wedding，買左第一套情侶裝，Mr & Mrs簡單直接，一見到就鍾意啦～好期待著住它影相～

開頭都有諗過淘姊妹裙，因為早兩年朋友結婚做姊妹都係淘姊妹裙，覺得質素同係香港買一樣，價錢就平一半。但係依個月再睇，發覺淘寶姊妹裙貴左好多，計落每條都係平香港幾十至一百，諗諗下我姊妹得4個，淘又唔係慳得多，無謂搏，怕淘完貨不對辦仲煩，最後都係去百利度身訂造。 揀左銀灰色，4個姊妹同色唔同款，等佢地按個人

去左大家都好熟識的錦發試掛，試左中五福同大五福，我自己偏愛大五福，但男友同幾個朋友都話中五福好睇D，所以最後都揀左中五福，好快就完全一個項目啦！

一直都想搵外型有特色的花車，本身係諗住租粉紅色倫敦的士，但因為價錢貴，又只係用得一陣，所以最後為控制budget無租，留返d錢用係婚宴上 最後租左粉藍甲蟲車，外型好得意，睇落細細架，但試坐過覺得都唔迫，所以就決定左啦:grin:

屋企太細，放唔落十幾廿人，唯有係酒店出門。本來想揀沙田凱悅酒店，之前有幾個朋友係度出門，感覺好好，但近年可能太多人book黎出門用，加價加得好勁，已out budget。。。 最後揀左沙田麗豪酒店，雖然酒店開左咁多年，設備係差少少，但房間翻新過，睇落都新淨光猛，夠大望河景，所以就決定揀依度啦。

昨日搞掂左租金器，去左比較多人識嘅美意珠寶。 去到負責招呼我地係Hody，佢好好人，俾左好多意見我地。美意係工業大廈內，係其中一間分租房內，地方好細，款都唔多，有可能因為我地遲租，所以有部分睇中嘅款俾人hold左。 最後揀左三對龍鳳鈪、一對龍鳳耳環。

今日又去左行婚展，第一次行九展舉行的婚展，規模細D，同埋上上落落唔方便，但人流少D就方便睇野。 完成左訂下的項目，買左中式喜餅咭及訂左租金器。 睇左好多間攝影公司的澳門pre-wedding，有一間好岩心水，但超出預算，所以最後都無落訂，為pre-wedding煩惱中

請問有無人用過或預約左Club One介紹的証婚律師？ 因為Club One介紹有優惠，會比出面自己搵平，但搵左好耐都唔見有comments

由3月頭決定擺酒開始，暫時完成以下項目： 1. 婚宴場地 - Club One郵輪堤岸 2. Big Day攝影 - 朋友介紹，無特別比較過，熟人介紹就用，可以諗少樣 3. Big Day化妝 - 中學同學，一開始已經諗住搵佢，未試妝已經book定，約左4月中試妝 4. 婚紗、晚裝、男禮 5. 花球及新郎襟花 - 秋子花藝 6. 結婚戒指 - 周