jarrt :
咁就結左婚一星期喇，點解過得咁快既，仍然回味個日做緊咩！大家係咪都會咁架?
(04-02 18:08)
jarrt :
終於都完成籌備2年，一生人一次既大 project喇，感恩天氣不似預期，朝早落左一場雨就冇再落喇。。我既草地婚禮都順利完成了，好感動呀???，我既兄弟姊妹團非常之西利，將所有野佈置得好靚，好似搵人佈置咁，真係好利害呀！！
黎緊會放物資架喇~大家留意喇?
(03-27 20:24)
jarrt :
好快就要起身作戰喇，明明好攰，但又瞓唔到，又唔係緊張，哈，都唔知搞咩！！要順順利利呀！晴天娃娃繼續發功，只要唔好落雨就得架喇，最好既話，麻煩 uncle sun出出黎，咁就perfect池喇????????
(03-26 01:04)
jarrt :
倒數一星期，好期待???，但又有啲不捨???，所有準備得8899，只期望當日好天氣，希望晴天寶寶發功，拜託拜託????
(03-19 09:51)
(02-09 19:22)
jarrt :
一日半既假期上新屋睇進度，星期三開始拆野，星期六已經拆哂，線哂灰，連走廊水喉都已經換埋。。進度理想呀！！?????之後又去睇家俬電器，已經鎖定左一啲款，地磚，牆身又揀好，今日仲買左第一件傢俬，餐枱，難得同mr.p都鍾意，又可以開大招呼朋友。。重點係65折咋，太吸引，所以買左喇，好開心呢??
(11-13 23:41)
jarrt :
之前一邊返工，一邊讀書，考試，實習都冇咁大壓力，反而裝修咁鬼大壓力既??。。心跳加速，冇胃口食野，小小事就想喊，乜料呀。。
Mr.P見到話你放手交比我搞啦…唉…又怕佢工作忙理唔到，但真係太煩喇，希望我識放手比男人搞啦。。
不過畫左啲設計圖係到，又睇下啲傢私，廚具，又好期待?，裝修真係令人又煩，又期待既野。。真係一次就好喇???
(10-31 23:45)
jarrt :
一直係到諗幾時問人黎飲好呢？又怕早得滯，但又怕太遲朋友會離開香港，所以今日終於鼓起勇氣，向我想請既朋友作出邀請喇！！！！????
一路諗點講好，會有咩回應呢？會唔會唔黎呢？會唔會已讀不回呢？??，但感恩今日問既朋友全部已經回覆哂，而且大部分朋友都賞面出席，少部分朋友就未知工作安排，但盡量都離，即使好耐冇見既朋友都話黎呀！
真心覺得好感動，雖然請多左人，錢要洗多左，但黎到既都係我真心想佢黎，真心想佢見證我既重要時刻，希望個日唔好爆喊啦??
(10-27 08:10)
jarrt :
係結婚前7個月有咁大既轉變，改動，一下子真係吃不消，曾經有好多擔心，甚至緊張，擔心到食唔落野。。好彩有唔少朋友，仲有b2b幫手，又聽我呻，最重要 mr.p既支持，又同我一齊面對，解決，處理。。婚禮只係一日，婚姻先係一輩子，我找到對的人了。。
(09-18 17:19)
jarrt :
在倒數7個月之前，繼續努力揀相。。經過日本 pre weddinf揀相後，開始摸索到對相有要求既mr.p，哈…默契好左，自然揀相都快左???
日本 pre wedding要係50張 retouch相再揀35張，竟然用左15分鐘決定15張，利害???，之後再用半個鍾決定2輯相既油畫。。依家只係差第2輯 pre wedding既相未揀，但好多都好鍾意，好自然呀…點揀好呢！！雖然揀相係煩，但一齊揀相又真係幾開心，最開心莫過於一齊揀中同一張啦，嘻…果然心有靈犀。。??
(08-25 22:30)
(08-08 13:10)
jarrt :
計劃趕不上變化，慶幸身邊有他陪伴，一起互相支撐，錢用多了，但還是感恩可以有一個屬於我倆的小天地。。。旁人說什麼不重要，誰說honeymoon一定要去歐洲，一定要去貴既地方，去邊到唔緊要，最重要身邊有他，只需抱著開心的心情出發，不用理會旁人說什麼，最緊要自己覺得足夠就好了~
(07-29 22:06)
jarrt :
咁快又到影第三輯pre wedding既日子喇，相信今次應該係最後一輯吧???，請晴天寶寶繼續發功???，為我地最後一輯 pre wedding劃上完美句號，可以影到靚靚日落，please。。??
(07-11 18:50)
jarrt :
幸運之神降臨身上，成就第三輯 pre wedding ，遇到好有 heart既攝影師，仲要親自去 site visit我想去既景點，遇到咁好既 verdor，真係好好好開心，連Mr.P都大讚呀，好期待呢，期望好天氣???
(06-05 08:52)
jarrt :
終於到星期四喇，我地既 hk pre Wedding就開始喇，雖然之前有好多野發生，但總算解決左，yeah，仍然是藍天白雲，請好天到夜晚呀。。。
(05-26 08:59)
jarrt :
倒數一星期就係影 hk pre Wedding喇，好期待呀?????，已經安排幾個地方想影，但攝影師竟然叫我再加，哈哈，正呀～天文台話會有雨?，希望晴天寶寶發功，一定要陽光普照，藍天白雲呀。。。念力，要晴天?????。。。
(05-20 00:04)
jarrt :
有人話搞結婚會令兩個人成日鬧交，甚至因婚而分。。但搞結婚反而令我地更懂得體諒，更懂得尊重對方。。好記得你同我講：唔使驚，唔使擔心，有咩事我地一齊面對，你唔會孤獨的。。一個婚禮有豪華幾靚都不再重要，重要是身邊的他錫你，懂你，支持你，陪住你已經足夠了。。感恩遇到你，謝謝錫我懂我的你。。=）
(04-12 23:38)
jarrt :
倒數1年，明年今日，我的名字你的姓氏。。明年都要好似今日咁好天，實現我既草地婚禮，yeah
(03-26 11:08)
(03-12 11:02)
(11-07 08:12)
，期待你整既CUP CAKE啦BABY~
回覆
(02-09 19:22)
回覆
(09-18 17:19)
，我既草地婚禮真係可以實現喇
，要繼續搜羅我既deco物資，到時辛苦兄弟姊妹，佈置小隊喇，希望big day 個日天公要造美呀。。
，好彩心水律師仲有期，三師搞掂哂喇
「優質婚禮商戶」計劃 
