• 自己影pre-wedding?!係咪真係咁難?(1) DE_LN 2014-05-31 18:10 之前分享過自己整backdrop 同攝影道具，今次分享要自己影pre-wedding 嘅準備吧! 攝影師？ 先決條件係你要有一定嘅攝影知識，或者你未婚夫係識影相都得！又或者有朋友同親人識影相而佢地又願意騰出時間同你影prewedding 先得！我是做設計的，影相當然對於我是無難度，但新娘自拍始終有D難嘅，慶幸未婚夫都是攝影人，重有哥哥幫忙！事情就易辨了！ 化妝師？ 好多b2b通常要千多元請個人MUA去跟妝影pre-wedding, 但個人認為比得咁嘅$,我不如去學兩堂化妝，自己化妝，起碼有一技旁身ma! 而通常MUA 都會教化妝，你可以講明想自己化妝pre-wedding. 佢地會就一就教多D。我學咗兩堂化妝約8佰幾蚊，之後pre-wedding 最後兩次都係自己化妝的啊！重要係眼妝！要學好貼眼捷毛！做雙眼皮！眼線！眼睛化得好！整個妝也亮起來！ 第二就是底妝，平常化妝不太注重底妝，但pre-wedding 分分鐘影3-4粒鐘，唔做底妝好快會溶妝！第三係學識點樣補妝！我早上學化妝，下午去影3-4小時pre-wedding。其實都算夠時間！有兩次係試帶妝走的！試妝時候記得學下佢點set 頭！學完後一定要練習! 會越來越好的！最後我係赤柱影個張個化妝化得最好！ set 頭?! 自問無乜set頭經驗，最初影pre-wedding第一輯無set頭, 即刻比妹妹彈個頭唔得，之後睇返都覺得係差咗D！我無特別去學set頭，但兩次試妝都特別留意MUA點樣set頭！偷下師！因為個子唔高，所以想set個頭高D！原來只要係頭頂編一條"邊"！再用髪夾固定高度就可以了！記得係prewedding 前一晚用髮卷卷住頭髮訓，早上才用gel 固定！ where ? 個人認為pre-wedding 地點唔太重要，最重要係要影得我靚！同未婚夫商議過後，決定去我地曾拍拖嘅地方，對於我們是別有意義！但第一次影是去club house 影！一黎室內，二黎布值一般都Grand D! 而且可以練習下邊個角度自己會好睇D，人唔多就無咁怕羞！自然D！