婚享同學會


可用已有生活易帳號

登入


未有生活易帳號?

立即註冊

新婚圈子 - 2015年12月結婚新人圈子

  • Yeah! Confirm左MUA喇~

    AliceMei 2014-08-01 12:48

    原本我約左82日試妝架. 但因為未婚夫星期六有野做, 所以我改左尋晚試妝喇。點都想佢可以比D意見比我, 我會安心D. 我地7點半先去到workshop, 一入到去見到Zinnia, 佢個樣勁後生呀, 但佢原來已經係結左婚2年喇~ 真係KEEP得好好. 仲話自己30出頭, 哈哈! 我真係估唔到呀!

     

    入正題喇, 一開始就先卷左頭髮先, 跟住Zinnia就開始幫我化妝啦, 化妝前佢幫我卸左妝先, 仲話我D皮膚有D乾同埋叫我多D FULL MASK,太懶喇我! 不過我都會好好KEEP返靚D皮膚. 因為太乾既關係, 佢幫我FULL左個MASK先上妝.

     

    化妝前佢問我想要D咩妝同頭, 我都同佢講我想要個妝清D, 但清得黎又要好精神, 個頭就想要立體D, 於是係相簿搵左幾款同佢傾. 佢建議我唔好整ALL BACK, 因為我額頭太多BB毛同埋有D, 我都好認同, 所以全部都揀返留陰既髮型.

     

    我記得上次做姊妹時個妝化到我老左. 仲要貼左對好勁既眼睫毛, 仲要好吉, 所以我好怕D眼睫毛太假, 我同左佢講, 佢比左幾款我揀, 款款都好自然架. 我揀左一款濃密少少既, 佢幫我貼好左之後仲要唔吉眼, 佢貼既方法有D特別, 唔知係咪有關係呢.

     

    總結:

    - 個底妝好貼同埋好有光澤, 粉唔太厚, 遮到我D. 眼影好自然, 但已經好精靈, 反而仲後生左, 胭脂都係淡粉紅, 所以成個樣SWEET, 冇咁COOL.

     

     

    - 褂頭係我指定的, 好立體呀! 只係我D頭髮太黑, 佢建議我染啡少少, HAHA~而另一個頭我揀左試婚紗頭. 頭先褂頭做左個側髻, 所以佢建議我做個低髻, 我冇咩IDEA, 所以佢就自由發揮喇. 我只想要簡潔同高貴. 於是佢就整左呢個比我喇~ 我都好鍾意呀!

     

    佢比左好多頭飾我揀

    , 因為我想用頭飾, 但佢就覺得我氣質襯鮮花多D. 所以我都聽佢意見, 不過佢自己整既頭飾真係好靚呀, 中式頭飾我同未婚夫都揀左好耐呀! 花多眼亂.

     

    佢D手飾好GRAND, 一D都唔似朱義盛呢~ (但明明係假), 不過仿鑽真係好閃呀! 我又唔洗煩喇~

    最緊要係佢D工具好乾淨,我係有少少潔癖的. 而且用既化妝品都唔係平野, 全部都係貴野, 我覺得咁樣我比佢化妝都會安心D. 因為我有朋友話過見有MUA既化妝掃好DIRTY架. 同埋用D冇牌子既野同佢化妝. 所以我一見到佢用有牌子既野就安心D, 至少唔會有敏感先丫.

    整個試妝過程

    3小時內完成, SET頭真係好快手呀! 係我太多野講同埋有選擇困難咋. 所以即時就confirm左佢喇. 婚禮前一個月左右, 我會再約多佢一次見面, 到時可以揀返D首飾同埋傾下rundown. 而我520日既註冊都會搵佢化妝, 2日既package佢即時比左個折頭比我呀! 真係好好人呀! 又煩少一樣喇. Yeah!

    有人PM我問我化妝師資料, 等我留比大家啦~ 有興趣就去問下啦~ 佢好好人架.
    Facebook Fans Page: Makeup Alamode * Zinnia Lau


插入圖片
  插入   刪除
+增加圖片 只支持 .jpg、.gif、.png為結尾的URL地址