大碼緍紗--緍紗店分享篇

對於大碼身型既我，試婚紗真係好大的挑戰, 無論係Sales 定係男友都會冇意間講左幾句，令你覺得難受既說話。

不過好彩我身邊有幾個好姊妹，不停叫我唔好放棄，一生人一次，一定要搵多幾間，搵到自己鐘意既款。

而且真係要超感謝 wow 的 Carriesogood 這位靚太，佢堅係超好人，自從我上篇超灰既blog 出現，佢唔單止留言。而且好有心提供左大量既資訊比我，仲介紹過幾間比較容易有大碼size 既婚紗的店。

總合左哩幾星期既試婚紗體驗，以下幾間店個人覺得值得分享比各位大碼準新娘作為參考：

1.Monica <==經濟之選（可免費試3件）
款式算靚，可以比我㨂既大約有5件左右，不過質量一般（婚紗有少少吉肉，令人唔太舒服），之前有B2B 講過哩間係淘寶貨。但又好真心講，價錢算好平，就算係淘寶貨，我個人覺都冇問題，而且都冇勁sale, 算好nice

2. Hanayome <== 選擇多
因為3月去撞正佢 sample sale ，比較忙。係FB 見到相同問過岩我Size 都算好多，不過去到睇實物，婚紗就比舊，款都唔太岩我（應該係因為 sample sale 關係） ，所以都冇點試就走左

3. Run for the dream <== 勁多人推薦
傳聞 店主好好，好多人都係度搵到心水婚紗。可惜我婚期太急，所以約唔切。直接放棄了

4. White Love Bridal <== 勁有心的婚紗店，個人推薦
大碼款式唔算好多，但真係件件都好靚，而且係牌子貨，比起係中環租，我諗平一半或以上。 而且店主勁好人，比我任試任影相。重點仲要係，大部份婚紗都係90%新/ 全新（好似開業冇耐）。 不過提一提，店內每次只會招待一個booking ，所以最好早少少Book。（利申：我既The one 係哩度租左）

下篇我會share 係white love Bridal 試婚紗既相片同經過?