婚享同學會


可用已有生活易帳號

登入


未有生活易帳號?

立即註冊

Tuetbo的BLOG

Tuetbo的主頁 | 查看全部BLOG
自我介紹:
不信世上有王子。但相信有世上總有一個會和你寫happily ever after結局的伴侶。 - by Tuetbo

你可能也喜歡…

當前第 188 個 | 共 205 個BLOG      上一個 | 下一個
查看BLOG | 返回BLOG列表

尋褂記~試足12套★十三手閃過三手?!!★由小五福試到褂皇 最後選上冠南華 (大量相)

By Tuetbo (聯絡作者) 於 2014-12-08 11:46

話說裙褂對我來說是很重要的一環呢~ 是非穿不可的服飾之一。這才是中國女孩的嫁衣嘛。

至於褂皇,大五福(即褂后),中五福,小五福,疏金紅,水晶褂,潮褂,又怎樣分呢﹖ 下面是我從Elle網頁找來的小資料。

以下是由價格貴到平排列的~

(1) 密地褂皇:如果刺繡圖案密至覆蓋了整幅紅衣,密度達至80%-100%,便可稱為「褂皇」
(2) 大五福:刺繡圖案密度在60%-75%
(3) 中五福:刺繡圖案密度在55%-70%
(4) 小五福:刺繡圖案密度在50%以下
(5) 疏金紅:刺繡圖案較少,故密度亦較低,會看見較多的紅布部分
(6) 珠片、水晶褂:除了人手金銀線刺繡圖案外,亦會加入水晶和珠石等裝飾,所需的製作時間較短,價錢相對較便宜。亦有些裙褂全由珠片釘製而成,沒有金銀線人手刺繡,價錢最為相宜
(7) 潮褂、旗袍褂:潮款褂的式樣會根據時裝潮流而變化,但並不耐看及未必為長輩所接受。旗袍褂則較受外國人歡迎,並同時適合在晚宴時穿着

同時,品質上乘的裙褂會採用較為明亮和幼細的絲線,加上師傅細緻的手工,令裙褂於多年後依然光潔如新。一般出身於名門望族的新娘子都會穿着褂皇以顯示其家勢地位。刺繡圖案的密度越高,便越見矜貴。

此外,現時亦流行直衣襬和水波腳衣襬兩種款式。但據說傳統是直衣擺的,代表著婚姻平穩。所以婆仔如我就避免選水波腳啦。

好。講完都係唔識分﹖ 唔緊要,看圖就知道啦。我總共走了兩趟上海街。試了一共十二套褂!
由小五福試到褂皇。下面來分享吧。(價錢是我有大概記憶,不過不肯定所以不寫出來啦~想知道的再PM我下面褂的號碼我再覆你吧)

~~~~~~~~~~~~~~~~~~~~~~~~~~~~~~~~~~~~~~~~~~~~  

先到最近旺角的錦發繡莊

錦發繡莊
地址: 旺角上海街523號地舖
電話: 23850187
開放時間: 9am-9pm

(A1) 由金線較少的中五福試起。金線沒有閃閃發亮的感覺呢。


(A2) 大五福,所以金銀線較多,也較新淨~好像是第三手咋。


(A3) 也是大五福。但金線較密所以也更閃,但較為老氣~


(A4) 褂皇!!! 沒錯,穿起後成個奶奶咁... 果然貴婦不易做 XP


由於錦發同我不太夾,兩次去都很多人,而且有點被打發的感覺。所以出發往只隔兩個街口的永隆。

~~~~~~~~~~~~~~~~~~~~~~~~~~~~~~~~~~~~~~~~~~~~  

永隆繡莊
地址: 九龍油麻地上海街409號地鋪(近油麻地地鐵站A1出口)
電話: 2780 3007
營業時間: 星期一至日 10:30-8:30, 假期照常營業

由於永隆服務最好,所以試得最多 (但最後也沒有幫襯呢...慚愧慚愧)
(B5) 先來中五福,雖比錦發貴,但底下的紅布較新淨也較閃呢。


(B6) 這個較多銀線。也是大約這個價格。大五福。


(B7) 這個的刺繡明顯多一點。大五福。


(B8) 反正來到,也試試水波腳吧。也是大五福。


(B9) 這好像是同一件,不過是第一次到永隆的時候試的。大五福。

 

(B10) 再來大五福,這件較舊。彩線較多。


(B11) 這個金線比例較多,大五福。
  

~~~~~~~~~~~~~~~~~~~~~~~~~~~~~~~~~~~~~~~~~~~~  

最後來到最老字號的冠南華

冠南華
地址: 九龍彌敦道383號平安大廈16號地下及一樓
電話: 2381 4508
營業時間: 11:00 am - 21:00 pm

一試上身,不得了~連小五福也比別人的大五福搶鏡。刺繡較立體,金線也更閃亮。整套褂看起來是發光的呀。當然價錢都非常發光... 這件第十三手,依然要三千八。但....真係好唔同呀~~ (連男友也一看就知同剛剛的不同...)

所以掙扎一會就乖乖付款了,用上了WOW同學會的20%off coupon,折後3000。

(C12) 小五福


回家後跟朋友分享試褂照。又呻下三千實在超出預算的時候,朋友傳來下面的對比圖。我立時就覺得三千是物超所值啦~

左面是冠南華(我租的小五福)13手
右面是錦發的 (中五福)

明顯右面金線較多,也不及左面的閃呢!據sales姐姐說他們的金線是"來佬貨",可以「金」好耐。仔細睇,就連裙腳位置的珠仔也很仔細,是交叉款的!
而且紅布也明顯較紅。即使是13手也比別人的3手更閃亮呢。冠南華也是少數會封褂的店呢 (付款後裙褂便封起,直至你的大日子間不租予其他人,也不會讓其他人試)。
當堂覺得三千大洋很值得~~~hahaha

(ps 當日係冠南華都有試小五福既頭褂,真係好靚,但要$9,800!放棄...)

男友當日就話, 都估到你架啦~死心不息要試冠南華。不過真係有唔同既~



搵返每間舖一張色差咁上下的~就可以更清楚見到分別啦~


最後,提提大家一個試褂小貼士吧。記得把頭髮扎/盤起來試,這樣才更清楚看到當日穿出來的效果吖 (因為一般配褂的妝頭都是盤起頭髮的)。

就這樣。記得到冠南華租褂的話要印同學會的八折coupon呀~~

 不過呢~冠南華係唔送睡衣的~又要另外買了 >.<
------------------------------------------------------------------------ 


::Wedding Blog::

。脫寶結婚了。主頁。
ESD Life

也可以來參觀我其他的blog呀:

脫寶遊樂場。主頁。



28884 次閱讀 | 51 個評論
Facebook WOW Google+ Weibo Mail
當前第 188 個 | 共 205 個BLOG      上一個 | 下一個
全部(16)

留下足跡

評論

  • Tuetbo 2018-03-20 18:32
    各位b2b 張coupon係三年前寫呢篇文個陣搵到架 而家已經無左啦 >_<
  • Hididi 2018-03-19 20:05
    請問一下wow同學會的8折coupon如何找到?麻煩你
  • Etlovinmj 2017-05-08 13:04
    請問想用同學會八折要點做?
  • Tuetbo 2017-01-16 12:55
    littlenight: 多謝你既Share呀
    我去試之前都係讀完你呢篇先去試架..
    結果都係冠南華
    hahaaa u are welcome!! 冠南華真係好難抗拒!!
  • littlenight 2017-01-16 07:07
    多謝你既Share呀
    我去試之前都係讀完你呢篇先去試架..
    結果都係冠南華
  • tiffanyfung07 2016-06-13 23:48
    Can I Hv the price details 😄?
  • CaBprague 2016-03-07 01:15
    請問邊度有得print wow coupon?
  • Tuetbo 2015-11-20 22:33
    InezWong: 試褂駛唔駛預約架?我想12月同埋奶奶去試。
    唔知係咪上海街幾間繡莊都有奶奶褂呢?
    係呀~~~幾間都有

    唔駛預約架!
  • InezWong 2015-11-20 22:26
    試褂駛唔駛預約架?我想12月同埋奶奶去試。
    唔知係咪上海街幾間繡莊都有奶奶褂呢?
  • Sachiko 2015-09-23 17:39
    請問去邊印冠南coupon?
  • carajps 2015-01-13 10:24
    Tuetbo: 咁平???點解既???
    等我下次去婚展問問先~~
    套野越多人著過會越平
    佢跟新舊訂價家

    冠南華你租左之後就會封褂, 唔會再租比人
    到你bd 著時會同試個日一模一樣咁新淨

    雖然冠南華真係貴d
    不過手功真係靚好多同埋多size , 會fit身好多
  • Tuetbo 2014-12-09 17:32
    明豬: 大愛大愛, 雖然我外國長大但好愛褂, 我媽香港長大但唔中意褂同任何中式衫, 哈哈, 所以我去親冠冠我都問阿姐請唔請人叫佢請我呀!拖地都制呀.
    咁你會唔會著旗袍做晚裝呀? 旗袍都好靚呀~~~
  • Tuetbo 2014-12-08 20:51
    明豬: 咦, 但點解我年頭去婚展問, 冠冠比我睇褂皇係三千幾, 極密大五福二千幾, 密雲金五福好似二千二, 疏金紅大約千六, 咁平既?????
    咁平???點解既???
    等我下次去婚展問問先~~
  • 明豬 2014-12-08 20:41
    Tuetbo: 我都好中意褂呀~~~
    大愛大愛, 雖然我外國長大但好愛褂, 我媽香港長大但唔中意褂同任何中式衫, 哈哈, 所以我去親冠冠我都問阿姐請唔請人叫佢請我呀!拖地都制呀.
  • 明豬 2014-12-08 20:36
    咦, 但點解我年頭去婚展問, 冠冠比我睇褂皇係三千幾, 極密大五福二千幾, 密雲金五福好似二千二, 疏金紅大約千六, 咁平既?????
  • Tuetbo 2014-12-08 20:32
    明豬: 嘻嘻, 我三四歲時, 屋企人開洋服店, 隔離係繡莊, 所以我自細已經愛上褂啦!哈, 我愛冠冠.....

    我好彩佢一折減價買到中意既婚紗. 好心急啊. =
    我都好中意褂呀~~~
  • 明豬 2014-12-08 20:31
    Tuetbo: hahahaa 好搞笑呀你~
    佢地的褂真係好靚~~~又夠紅又夠金~
    不過婚紗我無係佢地度租呀, 我中意D simple elegant既style佢地無乜款... >.<

    希望你揀到靚褂~[e
    嘻嘻, 我三四歲時, 屋企人開洋服店, 隔離係繡莊, 所以我自細已經愛上褂啦!哈, 我愛冠冠.....

    我好彩佢一折減價買到中意既婚紗. 好心急啊. =
  • Tuetbo 2014-12-08 19:37
    koalak: 我開頭都係咁諗呀,點知我試晒小5福到褂皇,褂皇都試咗幾套,最後得一套褂皇啱咋,我諗正如sales阿姐話齋,租褂都要睇套褂同妳有無緣
    但其實我鍾意其中一套中5福
    講得好岩呀,租褂都要睇套褂同你有冇緣^^
    其實婚紗都係呀~所以搵到岩既真係一眼就知
  • koalak 2014-12-08 19:05
    Tuetbo: 褂皇我carry唔起呀著左唔襯我~
    但褂皇既金線真係無敵靚呀~
    冠南華D繡工又精緻又立體真係得佢地先做到咋!
    我開頭都係咁諗呀,點知我試晒小5福到褂皇,褂皇都試咗幾套,最後得一套褂皇啱咋,我諗正如sales阿姐話齋,租褂都要睇套褂同妳有無緣
    但其實我鍾意其中一套中5福(定小5福)多啲,佢個金龍鳳繡得好靚好立體,又新淨,襯落紅底好清好靚好elegant,租4800~可惜太多紅我夾唔到
  • Tuetbo 2014-12-08 18:53
    KENNIS_SAM: 係呀。。真係好抵。。
    同埋真係好正,d手工好立體。。
    影出黎一d都唔失禮。
    同埋試過褂皇,中五福果d。。
    姐姐都俾d中肯意見,唔硬sell。
    搵返岩我既款。。
    冇著
    係呀無hard sell~佢都係話我著小五好睇D, 叫我放棄5800既中五~

    不過公平D講~錦發同永隆都無hardsell我呀~都係叫我唔好揀褂皇, 話唔襯我 XP
    可能褂店都比較唔hardsell 三間之中我反而最中意永隆既service :)
  • KENNIS_SAM 2014-12-08 18:50
    Tuetbo: 我呢個size當日得返頭褂小五 ($9,800), 中五5手 ($5,800), 同埋呢件咋~結果得頭褂同呢件襯我~所以就係呢件啦。不過好彩係呢件即使較舊都依然咁閃呀~而且
    係呀。。真係好抵。。
    同埋真係好正,d手工好立體。。
    影出黎一d都唔失禮。
    同埋試過褂皇,中五福果d。。
    姐姐都俾d中肯意見,唔硬sell。
    搵返岩我既款。。
    冇著得咁老。。hehe
  • Tuetbo 2014-12-08 18:43
    Michris: 請我想租褂皇,講問你係錦發試果件褂皇幾多錢?
    無問exactly幾錢呀~因為我著得唔好睇, 但佢有提過下約3000幾~(唔算新淨, 新淨既會再貴DD)
  • Tuetbo 2014-12-08 18:42
    KENNIS_SAM: 我仲響結婚當日既下午,著住件褂出去影左幾個鐘頭相。
    感覺值返曬,又特別d。
    因為pre-wedding冇褂著架嘛。。
    一生人一次,著住套褂係咁影相。。:-)
    好正呀~最衰我要趕11點行禮, 唔係我都想著褂影外影呀~~~
  • Tuetbo 2014-12-08 18:41
    KENNIS_SAM: 我都係租冠南華裙褂的小五福。。
    睇返d相,真係好唔同架。
    上年我都係俾3800租。。不過就唔係你呢個size。。
    仲要第二第三手咋。。宜家諗返起都覺得值。。
    還有
    我呢個size當日得返頭褂小五 ($9,800), 中五5手 ($5,800), 同埋呢件咋~結果得頭褂同呢件襯我~所以就係呢件啦。不過好彩係呢件即使較舊都依然咁閃呀~而且阿姐話係舊繡工,同新款個D唔同 (以我見到就舊繡工雖然無咁閃閃同立體,但會精緻D同埋裙腳的交叉款都係呢件舊款先有),所以就拍板租呢件啦~

    你3800抵到爛呀~~~
  • Michris 2014-12-08 18:38
    請我想租褂皇,講問你係錦發試果件褂皇幾多錢?
  • KENNIS_SAM 2014-12-08 18:38
    我仲響結婚當日既下午,著住件褂出去影左幾個鐘頭相。
    感覺值返曬,又特別d。
    因為pre-wedding冇褂著架嘛。。
    一生人一次,著住套褂係咁影相。。:-)
  • KENNIS_SAM 2014-12-08 18:35
    我都係租冠南華裙褂的小五福。。
    睇返d相,真係好唔同架。
    上年我都係俾3800租。。不過就唔係你呢個size。。
    仲要第二第三手咋。。宜家諗返起都覺得值。。
    還有就係,冠南華玲姐好細心咁幫我添。。次次去親好有親切感。
  • Tuetbo 2014-12-08 18:34
    koalak: 我租咗褂皇呀,不過我無你咁認真,當時完全冇搵過資料(因為開頭冇諗住著),傻下傻下唔知有邊款有乜分別同價位就走入去8掛下,點知一睇就睇中比埋錢xddd
    之後先
    褂皇我carry唔起呀著左唔襯我~
    但褂皇既金線真係無敵靚呀~
    冠南華D繡工又精緻又立體真係得佢地先做到咋!
  • Tuetbo 2014-12-08 18:32
    tammy_lazypig: 要試上身先知自己襯紅定係襯金銀會靚D~
    我第一次去冠南華時, 試大五福覺得太多金銀線唔靚, 所以target咗件小五福, 不過未俾錢落訂, 諗走前仲貪得意試彩底褂皇,
    同意~~~~
    我試左小五同中五。好明顯中五襯我好多呀,感覺成個人都young同sharp D~ 人地著大五福/褂皇好靚~我諗我著左會老左十年 LOL
    我見到佢牆上面貼個D相都係每件褂襯唔同人~好似楊千嬅著褂皇我覺得有D老,但高海寧著又carry得好好睇喎~真係唔同褂夾唔同人
    (bf應好慶幸同我夾既係平D既小五福, hahhahahah)

    ps 你男友好好呀~~~
  • Tuetbo 2014-12-08 18:29
    idaleeidaida: 真係試好多呀.............睇到我眼都花, 睇到第5、6件已經開始分唔到
    不過你最後選既都好好呀
    thanks
    hahaha 你同我男友講既野一樣~睇返相已經唔記得邊件打邊件
 51 12

您需要先登入才能繼續本操作