婚享同學會


可用已有生活易帳號

登入


未有生活易帳號?

立即註冊

Tuetbo的BLOG

Tuetbo的主頁 | 查看全部BLOG
自我介紹:
不信世上有王子。但相信有世上總有一個會和你寫happily ever after結局的伴侶。 - by Tuetbo

你可能也喜歡…

當前第 150 個 | 共 205 個BLOG      上一個 | 下一個
查看BLOG | 返回BLOG列表

[裝修中] 師傅話,買家品電器都要有次序??!! ★ 裝修次序 + 平買電器資訊 (長篇大論..

By Tuetbo (聯絡作者) 於 2015-04-30 14:27

見Cherry打左篇咁實用既詳(&長)盡裝修文 (♡ 新居 ♡ 裝修度尺報價篇 ♡ 超長,超多字無圖,慎入 ♡),我就不詳說裝修度尺報價了。就應佢要求打返篇家居家品電器大搜尋啦!


話說我跟大頭現正處理裝修事項一頭煙,由最初無從入手到而家逐步逐步KO一項項items。真的不容易.. 前面還有一大堆鎖碎事要作決定呀! 


==============================
話說在前面 - 我們的要求
==============================
  • 先說說我們的家,是兩廳兩房一廚一廁的標準小單位。不過我們倆(或者希望幾年後變成仨/四)都應該夠住的。裝修好,就打算長住,所以手工好非常重要
  • 裝修師傅是非常信得過,而且看過手工絕頂好的uncle。不過不是超便宜的師傅,我相信,一分錢才會有一分貨
  • 然後我們有定下預算,而且預算不算手緊了,電器/廚廁用品方面我們的目標是耐用好看,所以都盡量target歐洲製造的,貴買平用,不過選當中最便宜的那款就算,hahaha。
==============================
亂中有序之一步一步來 - 裝修及買材料順序
==============================

至於裝修次序 (很重要的,因為這決定你的選材料次序!!)
  1. 在所有東西之前先來一樣最重要的:買保險。勞工保,第三保。[勞力保是保工人工傷的,第三保是你拆野/鑽野影響到他人被索償,就會用上,touch wood。] 記得有搭棚工作的話要買保室內+室外工程的呀。

  2. 首先是拆除所有你要拆的東西 - 去掉油漆,起地板,拆牆,拆門,拆傢俬等等。這個步驟你無須準備,只要告訴師傅邊樣拆邊樣唔拆就OK!

  3. 之後就是水電。做水電之前,你要先想好未來的傢俬會放那裡,因為這直接影響到插頭出線+LAN線出線+廚房出水喉位置(洗衣機用)。所以,傢俬大概放哪裡,有多大件,這個時候就要有個雛型。都決定好就在牆上mark位置:插蘇位置要單位定孖位呢?又要諗埋。電器(例如燈)位置要保持原位定改位呢?又要諗埋。之後再定埋洗衣機水喉位置,就OK。

  4. 再來就是煤氣/石油氣位置。在確定改不改喉之前,你要先去電器舖睇 (1)煮食爐,(2)熱水爐,然後確定款式。因為不同型號的喉管方向不同,開孔位置也不一樣的。因為水電後下一步就是氣喉。

  5. 之後就是鋁窗了,因為這部份要搭棚的關係記得事先通知大廈管理處。之後就要決定那一個窗做固定窗(不能打開),那一個窗要開,向左開定向右開,整唔整窗花,整的話做活動窗花還是固定窗花。另外要確定冷氣款式。冷氣款式確定師傅會跟冷氣size造窗框,美觀很多呀!都確認好以後就揀窗花款式 (有幾十款...),開工!

  6. 同時 (沒錯,是同時..) 要選廚房磚加廁所磚加浴室瓷器,即馬桶,浴缸(或企缸),洗手盤。因為水電完成後就是廚廁的部份了。記得廚房的地板跟牆磚都要選!還有水龍頭及花灑款式...

  7. 接著就是確定廚房鋅盤,抽氣扇,焗爐,廁所浴室寶,洗衣機,乾衣機,抽油煙機,雪櫃的款式。用來畫廚櫃的間隔款式,同時要度窗位。注意浴缸有不同長度,先問師傅浴缸有多長多深,不然訂貨後放不下.. 咁師傅都幫你唔到啦!

  8. 之後就定訂造櫃的款式間隔 (包括廚櫃)。由於已經沒有多少做木工的舖在香港 - 我想是已經絕跡了,所以訂造櫃都是在大陸造的(就算用歐洲料都唔會係歐洲造的)。

  9. 都搞定了就到廚櫃了,廚櫃上的人造石用那一款現在要訂了! 而且要決定爐頭及鋅盤的指定位置。人造石公司就會根據擺放位置來開孔。

  10. 之後就是窗台雲石,門。這之前一定要選好門款和窗台雲石了。因為這兩項訂貨不能立即取(材料舖要做打磨切口等工夫),所以要預留一點時間呢。有門,當然門鎖也是少不得啦,所以鎖也務必要選好呢。

  11. 嗯~七七八八了。現在到地板和油漆/牆紙 - 沒錯地板幾乎是最後一步呢,師傅說怕做其他工程會弄花地板,所以地板幾乎放最後。

  12. 最後,真的最後了 (暈)。就是床褥,風扇,窗簾等等。沒錯,這樣就(終於)完成了!

(希望無遺漏吧~~~)

==============================
平買材料買家電家品 - 邊度穩陣﹖
==============================

平日買家電我都往百x匯等店的,夠方便嘛。但是!裝修需要大量家電,如果在電器連鎖店買會貴。好。多!但是樓上舖又不敢亂去,怕還上黑店 (就是付款不送貨那種,超多的!) 師傅提議了幾個地方,叫我倆自己去看/買。

家電最平地方 - 教協

我們格價後發現最平的地方是教協! 但當然要識人有會員証,如果有,叫他幫忙吧。每件電器省過千的!但教協沒有入牆焗
爐~而且沒有實物看,所以建議先到各大電器店先睇款,抄底型號再到教協睇價錢!
謝謝suedesuede提供,原來護協証都可以係教協買野架。

家電平地方 - 亞細亞石油氣工程有限公司

沒錯,雖然名字是石油氣工程有限公司,但由冷氣到抽氣扇到焗爐到熱水爐煮食爐都有。而且很便宜!
他們沒有網頁的,要自己去灣仔跑一趟才知價錢呢。
地址:香港柯布連道3號地下
逢禮拜日休息 <thanks wow友 CatAndPanda 提醒!>

磚及地板

無縫地板 (即纖維地板,看上去是木質但比木便宜很多,耐用程度也很OK的,用上十幾廿年都無問題的!) 可看快易店,百利等,灣仔旺角都有。磚可以看這裡的list:HK discuss reference。師傅推介友暉(旺角)/妙記(灣仔) - 是同一間。主要賣西班牙及意大利磚,同一塊磚比其他店平,最好帶埋師傅去買,確保店員不會多計數目/賣貴比你。

人造石

我們會用corian。因為較Statron耐用,又可做L形 - 石英石只可做長方形,L形台面的話會出現駁口。任何一間店都OK,只要佢地有有9款是做特價$690/呎的就ok,正價千幾蚊/呎起,差很遠的!

廁所瓷器

有American Standard,Roca,Toto (平到貴,當然還有更貴,也有沒牌子的)。Toto的話建議先到showroom看,因為通常灣仔/旺角零售店不會放浴缸(可能係太嘥位),要看浴缸款式就要往showroom看,而且水龍頭等用品都會有更齊全的款式參觀!其他兩個品牌不知道有沒有陳列室,因為我們一早就決定用Toto。

香港灣仔駱克道41號東城大廈1字樓全層
Tel: (852) 2238 2628

Monday to Saturday : 10:30am – 7pm
Sunday: 1pm – 6pm
Public Holidays: Closed

門(及門框)

門方面師傅推介灣仔三木或者和富。三木都幾貴但款式真係靚好多,唉,完美主義發作所以最後都確定三木。其實和富的質料都好,不過款式和顏色較少而且較平實,所以都可以去睇睇!反而有間叫寶x的網上見到有很多負評~

床褥

我地睇中席夢思床褥,係香港買接近兩萬蚊一張。有個都係今年結婚的朋友仔話我知可以搵美國代購直接訂貨,連運費同一張床褥由萬八蚊變成八千蚊,足足慳左一萬蚊呀不過代購只負責訂貨,有關床褥尺寸質料等問題都要自己去專門店問 (及試訓)。

另外見到serta,sealy等品牌床褥都同樣有這樣的特大折扣~要資料先問我吧 (不過我也是第一次訂沒法評論這家代購好不好...) 。另外,由於係船運的關係,最耐可能要等四個月呢。

==============================
買料小提示
==============================

(1) 盡可能帶同師傅去買~可能可以幫手講價或睇睇是否劣質料。
(2) 磚及地板可以取一小塊樣板回家。記得選定的款式一定要取一塊,以後訂造傢俬要選色配色都是靠它!
(3) 貨比三家,不怕羞問問折扣吧。很多時候你開口問就有的!
(4) 記得99.99%的材料舖星期日及公眾假期都休息的,不要白行一趟吖。





下一篇講講裝修是非題:地板起好,唔起好? 地台起好,唔起好? 櫃訂造好,買現成好? 地板木板好,地磚好? 來分享我們都有過的選擇困難 XP


------------------------------------------------------------------------ 

::Wedding Blog::

。脫寶結婚了。主頁。 ESD Life

40214 次閱讀 | 67 個評論
Facebook WOW Google+ Weibo Mail
當前第 150 個 | 共 205 個BLOG      上一個 | 下一個
全部(52)

留下足跡

評論

  • Emmybaby 2019-04-07 21:43
    你好呀!可以pm師傅資料嗎?thanks
  • AnnaLui 2018-01-05 15:31
    妳好,可以pm師傅資料比我嗎?非常感激
  • HToaby 2017-12-27 22:46
    Hello!可唔可以share裝修師傅嘅資料呀?就黎要裝修啦!Thanks!
  • AnnaLui 2017-12-02 23:30
    可唔可以pm 師傅資料比我?  介唔介意share你一共用左幾多錢丫?    我就黎收樓,搵緊裝修師傅或者公司啊。thanks!
  • fatla 2017-10-31 13:36
    您好, 我想問下訂床褥既美國代購既資料呀? pls pm, thanks :)
  • Cinlam 2017-10-09 07:51
    可否Pm師傅的電話?我地想找師傅!謝謝
  • harriswan 2017-02-20 11:14
    可唔可以pm 我邊間公司丫?  你用左幾多錢丫一共  可唔可以分享下   我都諗緊網修野
  • Qqboy88 2016-12-27 21:32
    您好,我都想要美國代購既資料,謝謝!
  • chingg 2016-11-09 14:34
    可否介紹你的裝修師傅給我? 謝謝!
  • Judyjudy 2016-10-12 12:53
    Hi! 我想問下訂床褥既美國代購既資料呀? 唔該哂!
  • Tuetbo 2015-08-12 11:26
    sherryso0605: 我都想要美國代購既資料,謝謝
    pm你~
  • sherryso0605 2015-08-11 22:10
    我都想要美國代購既資料,謝謝
  • Tuetbo 2015-08-06 17:47
    Ching1314: 可唔可以PM我訂床褥既美國代購既資料呀? thanks
    可以呀, pm你~^^
  • Ching1314 2015-08-06 17:43
    可唔可以PM我訂床褥既美國代購既資料呀? thanks
  • Alexkillers 2015-08-03 21:35
    Tuetbo: 你幾時要呀? 因為我聽佢講好似今年都full了~~~^^如果你唔趕我pm你~
    你好Tuetboi,唔緊要呀,麻煩你pm個師傅contact俾我啦,謝謝!
  • Tuetbo 2015-07-31 16:33
    Alexkillers: Hello Tuetboi, 可否介紹你的裝修師傅給我嗎? 謝謝呀!
    你幾時要呀? 因為我聽佢講好似今年都full了~~~^^如果你唔趕我pm你~
  • Alexkillers 2015-07-31 16:27
    Hello Tuetboi, 可否介紹你的裝修師傅給我嗎? 謝謝呀!
  • Tuetbo 2015-07-16 19:11
    卡司: Hi, 可否介紹你的裝修師傅給我? 謝謝!
    pm你吖~
  • 卡司 2015-07-16 19:08
    Hi, 可否介紹你的裝修師傅給我? 謝謝!
  • Tuetbo 2015-06-29 16:43
    wun326: this is crazily useful! hahaha thanks a lot!
    no problem la ^^
  • wun326 2015-06-29 16:41
    this is crazily useful! hahaha thanks a lot!
  • Tuetbo 2015-06-11 16:52
    chloebutterfly9: hello, 我想問下訂床褥既美國代購既資料呀? pls pm, thanks~ ^^
    我pm你吖, 佢地黎緊6月22有一個月一次既船期~~~要買要快呢^^ (我都係呢期船, 好期待呀~~~)
  • chloebutterfly9 2015-06-11 16:49
    hello, 我想問下訂床褥既美國代購既資料呀? pls pm, thanks~ ^^
  • Tuetbo 2015-05-04 10:33
    SVL: 好有用~~但訂床褥既美國代購叫咩名? 真係要4個月咁耐?咁咪裝修前要訂定?
    我另外pm你呀, 不過我都係第一次用, 都唔知佢地好唔好...
    我裝修要三到四個月, 岩岩好而家訂~因為唔可以太遲但又唔可以太早訂, 因為佢無得存倉, 到左貨一定要送貨....如果未裝修好真係唔知放佢係邊..
  • Tuetbo 2015-05-04 10:31
    chloeeeeee: 好有用呀!!謝謝分享~~~~
    我都準備要裝修新居,好想快啲睇你的下一篇呀!exactly係我而家的煩惱呀
    等我吖! 好快出架啦~^^
  • Tuetbo 2015-05-04 10:31
    Cheryl321: U know.... 我通常都睇錯(唔啱價錢嘅)嘢
    仲要(價錢)錯得好甘下~
  • Tuetbo 2015-05-04 10:30
    Cheryl321: 因為冇直接因為間屋(受保單位)內嘅嘢導致損失
    唔係掛.. = = 不過保險啲野, 都係睇清楚D好 (我叫師傅買佢買開個隻, 因為師傅係穩陣派, 買得既應該cover得幾好掛... 我勁懶睇條文.. LOL)
  • Tuetbo 2015-05-04 10:29
    suedesuede: 其實你有電器型號, 可以打電話叫佢報價, 如果佢冇, 可以留資料等佢問完代理再覆你

    不過記得, 問左旺角唔等如銅鑼灣都有貨, 佢地兩邊唔知對方既野, 好鬼娘![em:1
    係? 佢地真係好落後

    多謝提醒, 真係唔知護協都得呀~等我打返入篇文度先^^
  • Tuetbo 2015-05-04 10:27
    YeungYeung: 廚房石面有冇駁口除咗枱既形狀之外,塊石造咗出嚟入唔入到lift都要考慮。
    無論揀咩,部lift唔夠位都要劏開(造石公司或師傅要提同幫客去處理架),不過好手工既師傅可
    我問左師傅啦~佢話corian唔駛擔心入唔入到lift架, 佢話入到屋先打磨同接駁架^^
    係呀門要預早 (同櫃都係)呢~~~
  • SVL 2015-05-03 12:39
    好有用~~但訂床褥既美國代購叫咩名? 真係要4個月咁耐?咁咪裝修前要訂定?
 67 123

您需要先登入才能繼續本操作