婚享同學會


可用已有生活易帳號

登入


未有生活易帳號?

立即註冊

Tuetbo的BLOG

Tuetbo的主頁 | 查看全部BLOG
自我介紹:
不信世上有王子。但相信有世上總有一個會和你寫happily ever after結局的伴侶。 - by Tuetbo

你可能也喜歡…

當前第 148 個 | 共 205 個BLOG      上一個 | 下一個
查看BLOG | 返回BLOG列表

[裝修大問答-上] 我們都有過的選擇困難★地板起好唔起好?地台要唔要?櫃訂造定買現成?

By Tuetbo (聯絡作者) 於 2015-05-08 18:11


上回提到裝修都要有先後次序,但! 除了先後次序外,還有很多的決擇呢,簡直是智慧跟決斷力的考驗! 地板起好唔起好? 地台起好唔起好? 櫃訂造好買現成好? 地板木板好地磚好?
(回顧上回:[裝修中] 師傅話,買家品電器都要有次序??!! ★ 裝修次序 + 平買電器資訊 (長篇大論..)

這次來個12條問題大問答吧!我們都考慮過的...「做好唔做好?」「 點做好?」問題,而且有加入師傅意見哦。


開始囉!


1。地板鏟起再鋪過?只在舊地板上面就好?


這個要考慮兩個問題。一是你打算住幾耐,二是本來地板(如果是木地板)已使用年數。

如果你打算住十年以上的,就重新用英泥燙地板再鋪吧,只打算住十年左右的話,其實不拆原來地板,就在原處覆上新地板就ok,因為十年是9成9無問題的。

另外,原來木地板是時間越久越穩定的。所以師傅的建議是,如果上手業主已經使用十年以上的木地板,那麼地板已經非常穩定,只鋪新地板上面也不會出錯的。(我們的情況是上手已使用接近廿年,師傅說直接鋪都可以)


相反,如果地板是新鋪而你又不知道上手手工做得好唔好,只鋪新地板在舊有之上的話,有機會日後因為下面地板仍有輕微郁動已令上層地板拱起或有裂痕,因為木地板未夠時間未夠stable。當然也要看地板有沒有滲水,白蟻蛀蝕等等情況,有的話不換不行呀。


還有美觀問題,直接鋪的話,因為地板有厚度,所以鋪好後整間屋地台會高少少 (估計2-4cm左右,雖然"唔多覺",但介意的話也要考慮這一點!)


所以,木地板的話,是上一手業主用得越耐,反而越好的!



2。訂造櫃/傢俬?購買現成櫃/傢俬?

訂造傢俬價錢較貴但可以自由選擇設計款式,自由選擇物料。而且訂造較適合於屋內的大型 (如頂頂衣櫃,廚櫃) 及屋內奇怪位 (三角位,無啦啦有個轉角位等等) 的傢俱。因為做到剛剛好的話,只有訂造才做得到。而留有少許縫隙的壞處,是不能清潔! 櫃背櫃頂位置就很容易成為蟑螂或者蟻窩!


相反,小型的如電視櫃,其實買已經好方便,而且不用自己想款式,有實物看。對,因為訂造櫃的麻煩點是款式由自己/設計師設計,成品一日未出現,只能靠3D圖/無限的想像力來配襯顏色!



3。造櫃:纖維板 還是 夾板? 木紋紙木皮膠板?

在講這兩個材料之前,先提提幾款木材材料,由平至貴分別有蔗渣板,纖維板,夾板,實木,但香港基本上只會有頭三種,因為實木太太太貴而且不易做,又重。(詳細資料: click here 按我 ) 蔗渣板太簡陋負重的重量細所以不易做櫃,纖維板和夾板都有很多人用,而當然較貴的夾板可承受較大重量和耐用。


至於木紋紙、木皮、膠板、焗漆,是做好櫃後貼上去修飾用的。所以市面上見到的木櫃多數都是夾板或纖維板再在外面修飾的。好~木紋紙呢,根本上不用考慮,因為三分鐘就會破掉。


至於木皮和膠板,則視乎你喜好了,膠板易清理 (膠板也有木紋款的!),木皮較有質感。記得夾板櫃很少做焗漆的,因為不容易做。


所以,見到師傅報價寫「膠板衣櫃」,不用擔心他給你做個膠櫃 (笑),這是木板 (夾板/纖維板) 櫃來的!


下面兩款都是木紋款膠板!!!



想看更多木紋款膠板,這是其中一家較多人用的:Formica

4。浴室寶 還是 抽氣扇?

浴室寶有天花式及窗口式,一樣功能的,唯一分別是天花式較嘥位但較平。
至於功能呢,是可以抽氣 (沒錯,這點跟抽氣扇一樣),暖氣、乾衣、換氣(把室外新鮮空氣帶進來)和循環功能。

但留意一點,不要以為它的乾衣功能很厲害,它不是抽濕機,不會幾小時就抽乾衣服的。乾衫的話要放過夜,或者直接用乾衣或抽濕機吧。


我們呢,是有買浴室寶的 (取代廁所抽氣扇),因為我喜歡它的暖氣功能 (冬天沖完涼走出黎有暖氣好無敵呀!!!),和可以換氣,廁所空氣會較流通不會有渠味。


品牌呢,聽講KDK,Panasonic,金章都OK的,全部都是約$3,000。

浴室寶的樣子(天花式)

5。木地板 還是 木紋磚?

實木地板現時因為變左天價,很少人用了。取而代之的是木紋磚或者纖維木地板 (即無縫地板)。外觀方面木紋磚跟無縫地板其實分別真的不大,要看質感才分辨到。


木紋磚跟纖維木地板都耐用的,不過如果有寵物可能會考慮木紋磚,因為磚不吸水,就算它尿尿也易清潔! 而且磚的質感會比較有層次,因為可做到凹凸效果 =)


纖維木地板的好處則是,冬天不會冷冰冰。因為始終是磚,即使做了塗層,天氣冷的時候還是會冰腳板的。另一好處是熱漲冷縮情況價較磚少,不會出現夏天地板拱起的狀況。而顏色選擇也通常較多

。這是木紋磚。
。這是無縫地板。

木紋磚可參考品牌:

無縫地板可參考:
Quick Step (Belgium)
Alloc (Germany)
Pergo (Sweden)
Forgot-the-brand-name =P (Germany) @ 溢昌地板 (旺角)

6。做不做地台?

地台相信也是很多人的煩惱,到底做好唔做好呢?


做,問題是貴,難打理 (最初我覺得很難清潔)。而做地台的好處呢,就是空間會多出約尺多位置,冬天放風扇,夏天放暖爐棉被靴,平日放喼/好日都唔用的手袋。如果你想到這一堆的東西都有位置可以容納它們的話,那麼地台是不必要的!

但我這種衫褲鞋襪都怕不夠衣櫃用的人,這些東西不放地台我真的不知道它們那處容身 (汗),所以最後還是應大頭的要求,做個地台吧!

要注意的地方是地台做好後會否擋住衣櫃門開唔到,以及床架要做多高。我們的床褥比厚,一放上地台根本上已經快要到窗台了,所以索性連床架都不用,直接把床褥放地台上就是。至於怕地台升起後房間空間感會變少,這個可以用傢俱顏色來緩和一下。用淺色的衣櫃有助擴闊空間感吖!



好~上集到此為止先。打到手軟。下次再續:鋁窗 換不換? 浴缸定企缸? 廚房有門 還是 開放式廚房? 電爐 還是 明火? 廁所廚房鋅盤櫃面用Corian/Statron/麻石/石英石? 鎖匙鎖還是密碼鎖? 貼牆紙還是擦油漆? 

好多問題呀~~~~~~~~~~



------------------------------------------------------------------------ 


::Wedding Blog::

。脫寶結婚了。主頁。
ESD Life

也可以來參觀我其他的blog呀:
脫寶遊樂場。主頁。

21411 次閱讀 | 17 個評論
Facebook WOW Google+ Weibo Mail
當前第 148 個 | 共 205 個BLOG      上一個 | 下一個
全部(16)

留下足跡

評論

  • lingng 2016-10-01 00:54
    Hi, 你嘅文章好實用呀! 你間屋裝修完滿唔滿意呀?可唔可以麻煩你pm你個裝修師傅嘅電話俾我呀?麻煩曬!
  • lingng 2016-09-30 23:58
    Hi, 你嘅文章好實用呀! 你間屋裝修完滿唔滿意呀?可唔可以麻煩你pm你個裝修師傅嘅電話俾我呀?麻煩曬!
  • Tuetbo 2015-05-11 11:34
    mg.ng_t: Super useful!!
    btw浴室寶真係怕凍人士恩物!
    係呀~冬天無暖氣沖完涼真係凍到震~~~~
  • mg.ng_t 2015-05-10 23:49
    Super useful!!
    btw浴室寶真係怕凍人士恩物!
  • Tuetbo 2015-05-10 22:19
    KumaGirl: 地台會很難打理/清潔嗎?
    希望唔會啦~都揀返啲平滑易潔既木板做地台
  • KumaGirl 2015-05-10 12:45
    地台會很難打理/清潔嗎?
  • Yama 2015-05-09 10:27
    Tuetbo: 聽落ok呀不過問清楚呀 因為formica有啲款係貴啲架 可能要加錢
    THANK YOU
  • Tuetbo 2015-05-08 21:39
    Yama: 如果廚房/廁所吊櫃佢報我1100蚊1直呎
    房衣櫃佢報我2450蚊1直呎
    算唔算貴因為第一次裝修咩都唔識!!
    聽落ok呀
    不過問清楚呀 因為formica有啲款係貴啲架 可能要加錢
  • Yama 2015-05-08 21:30
    如果廚房/廁所吊櫃佢報我1100蚊1直呎
    房衣櫃佢報我2450蚊1直呎
    算唔算貴因為第一次裝修咩都唔識!!
  • Tuetbo 2015-05-08 21:27
    Yama: 浴室寶會唔會好易壞?
    應該唔會掛~~都聽到有啲朋友用過既feedback暫時都可以~~
  • Tuetbo 2015-05-08 21:25
    ChampagneHoney: 很實用! 讚!
    thanks!!
  • Tuetbo 2015-05-08 21:25
    Miumiulie: 我屋企3年前裝修,我都要落手落腳諗同睇... 因為係黑廁,所以廁所都裝左Panasonic 浴室寶,十分之推介!! 地板我整左拋光磚, 太遲發現木紋磚>< 我覺得木板
    我都裝呀,好期待有浴室寶既廁所
  • Yama 2015-05-08 21:24
    浴室寶會唔會好易壞?
  • Tuetbo 2015-05-08 21:23
    Yama: 太實用!!快啲寫埋下集…我等睇!!我想問夾板訂做傢俬1100蚊1直呎合理嗎?佢係Formica
    要睇下係幾高身既櫃喎^^
    頂頂櫃?
  • Yama 2015-05-08 21:22
    太實用!!快啲寫埋下集…我等睇!!我想問夾板訂做傢俬1100蚊1直呎合理嗎?佢係Formica
  • ChampagneHoney 2015-05-08 19:44
    很實用! 讚!
  • Miumiulie 2015-05-08 18:57
    我屋企3年前裝修,我都要落手落腳諗同睇... 因為係黑廁,所以廁所都裝左Panasonic 浴室寶,十分之推介!! 地板我整左拋光磚, 太遲發現木紋磚>< 我覺得木板磚都幾靚~~

您需要先登入才能繼續本操作