婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 1 個 | 共 9 個BLOG      上一個 | 下一個
查看BLOG | 返回BLOG列表

Part 9 兄弟衫姊妹裙-兩間觀塘小店(長文)

8日前
小妹之前都有提過我好早已經搵齊姊妹,所以我好早已經開始搵姊妹裙鋪頭
其實真係有好多間都唔錯,不過係我打算決定既時候遇到呢個鋪既團購,
團購就係好有愛既B2B開嫁,我地果團亦都已經完左。所以之後既價錢都唔可能一樣
join團之前我係有親身上去試過先既,店主好nice,任試任揀,試完揀完都唔會逼你比錢,
會比時間你考慮比較都唔會黑面,我就係因為咁就好快就決定呢間
決定左邊間之後,當然就係約齊班姊妹一齊上去睇款同色
因為我係比姊妹們自己揀同色唔同款,或者同款唔同色
去到佢地好快就已經一致同意要粉藍色,果然搵啲做過姊妹既朋友做姊妹係會知道自己要咩
知道自己要咩都要試下既,去相

款式係仲有好多好多,不過佢地已經差唔多揀好曬,所以無再試,期待收貨

講完姊妹裙就到兄弟衫,我係完全無準備比男人,因為我其實都唔知邊度有西裝賣

之後上左WOW睇左旺角荷里活購物中心係賣西裝,就叫男人約齊班兄弟出旺角走轉

本來以為會好快就揀好度埋身就走得,點知上到去,

試左3,4間都睇唔岩,最主要係因為果度賣既西裝全部都係跟碼數,

而咁岩男人有2個兄弟比較健壯,所以啲店主都唔肯定有無碼,

無碼當然唔考慮啦,好難揀到有碼而又可以襯到,真係好難揀

行曬兩層既商場用左3個幾鐘,都未揀到,之後仲行左兆萬都無收穫,

途中我一路睇FB search,咁岩睇到一間有得買同租既觀塘樓上鋪

我地10幾個人就分成兩小隊,A隊就出發先,上去睇左質素同款式OK就打比B隊

如果唔對路就叫B隊唔好出閘(因為間鋪離地鐵站出口),廢事10幾個人白走一趟

不過,間鋪係出奇地符合兄弟們既心水,行左大半日終於有收穫。

之前講左間shop有得買同租,我地決定左租,一套3件$4xx,如果唔租西裝褸都係$3xx 

(記得以上價錢只限兄弟團,相信只可以一樣款同色)另外款租好似要$9xx一套)

裇衫係唔包,果度有兩款比你買走1xx-2xx,質料都唔差,由於已經好攰同埋唔係好貴,

我地就即場加購左裇衫,呢間既好處仲有原來租係4日3夜,可以比多1日時間,

唔洗咩都要係Big Day第2日趕住還。

去相先啦

上面就係兩款唔同既裇衫,同埋兄弟團中身形最大件同最瘦

全套3件

重點重點重點:唔好以為租就無乜碼,呢度既碼就唔同出面(可能度度都唔同)

呢度有出面比錢買都未必有既碼數

不過留意返呢度租衫要全套1個碼

多謝收看

5147 次閱讀 | 131 個評論
Facebook WOW Google+ Weibo Mail
當前第 1 個 | 共 9 個BLOG      下一個

評論

 131 12345

您需要先登入才能繼續本操作