婚享同學會


可用已有生活易帳號

登入


未有生活易帳號?

立即註冊

FingyanWing的BLOG

FingyanWing的主頁 | 查看全部BLOG
自我介紹:
我們的婚期已訂於2019年2月!各位B2B多多指教♥ by Fingyan Wing (Since Oct 2017)|Contact me: fingyan.wing@gmail.com

你可能也喜歡…

當前第 71 個 | 共 89 個BLOG      上一個 | 下一個
查看BLOG | 返回BLOG列表

R&W 婚享 #15:大日子中不能缺少的「酒」 ✿ 貼心的訂酒服務

By FingyanWing (聯絡作者) 於 2018-05-22 20:50

話說大家有睇開我的婚享都知,我大日子個場係Book左某大型會所式婚宴集團,而做過Research都會知道,它們的酒水Package其實比一般的酒樓貴,不過無辦法,鬼叫我鍾意個場咩

 

落訂果時,Sale姐姐都叫我地唔好加有紅酒果個酒水Package,自己買過去比較化算,同埋簽約果時已經全部Free哂我地當晚既開瓶費,呢個Sale都算有良心~


所以我地訂場時已經知道我地要另外出去買酒,但老實說,對於我呢個滴酒不沾的人來說,真係完全無研究,亦都唔係太識欣賞,所以一直都未為買酒呢件事而籌謀!

最近睇Facebook發現左一開比較新而係專門提供訂婚宴酒而設的一間公司,仲有免費試酒服務?係真唔係呀?出面真係好少見可以免費試酒wor

 

租婚紗要試,更何況係飲落肚既酒,於是早幾天就約左佢地上去試酒啦!

Serve我地係一位年輕貌美的女士,先了解左佢地公司呢個服務其實唔係成立左好耐,但之前公司係做開批發酒的,所以都擁有多年的賣酒經驗,可以話係呢行既專家!

 

旗下出售的酒款又點止介紹呢度咁少,精選左呢20款的紅酒、白酒及甜酒都是比較適合婚宴場合飲用,佢地入既酒都係來自西班牙,由專業的品酒師去到當地酒莊直接精心挑選出黎,所以絕對係有品質保證!

 

酒款HK$65HK$128一支不等,雖然我無認真對比過其他,但係價格都是我可接受的範圍!

 

 

呢次免費試酒都可算我人生第一次試酒了吧!

當然要捉埋我位會飲酒的男人黎,佢都比較少酒,但一定比我識飲酒好多!哈哈!

 

佢地安排左2款白酒3款紅酒同1款甜酒比我地試,希望我用我有限對酒既形容詞表達到俾大家知啦~

 

(先利申,我真係平時唔會飲同唔識飲酒架!)

白酒:AZUMBRE SALVIANON BLANC (12%ALC) HK$88@/一箱6

白酒味無咁濃烈,通常女士都會比較易接受,呢個味道對於我唔飲酒既黎講比較易接受!

 

 

白酒:MARTUE CHARDONNAY (14%ALC) HK$110@/一箱6

另一款酒精濃度較高,對比剛才果款明顯酒味勁D,但男人飲落呢隻幾高質!

 

紅酒:VIZAR TEMPRANILLO (13.5%ALC) HK$75@/一箱12

呢支紅酒入口唔會酸唔澀,比較易入口,連平時唔飲開的我都覺得可接受,但係如果有飲開酒既人會覺得味道比較淡~


紅酒:ALMANAQUE BARRICA 06 (14%ALC) HK$89@/一箱6

呢支係佢地Best Seller的一款紅酒,入口明顯果味比較濃,味道幾幾豐富,口感有層次多D

 

紅酒:MARTUE  (14.5%ALC) HK$110@/一箱6

呢支紅酒係由5種提子品種醞釀而成,淨係聞落都覺得好有酒香味,層次幾豐,有飲開酒的人應都會鍾意而男人覺得3款紅酒中呢款最好!

 

甜酒:DOLCE ROSATO FRIZZANTE (8%ALC) HK$88@/一箱6

最後就是我最期待的甜酒,酒精濃度比較底,粉紅色的酒好美美~

我就覺得味道好似果汁酒,好易入口,味道唔會太甜,有少少酸度,比較易入口~平時唔飲酒我都覺得好味!

 

 

由服務行先的一間專門提婚宴酒專門店,提供了好多個貼心以客為先的服務:

-      免費試酒

-      原價退酒

-      免費運輸

 

# 免費試酒真係第一次聽,因為好多時都係要自己買返屋企試,宜家1蚊都唔洗俾就可以試清楚先再考慮落唔落訂,過程完全無Hard Sell,唔會迫你即時落單,可以考慮清楚先再向佢地訂!

 

 

# 佢地仲有原價退酒服務,好多時擺酒都會預上唔知點預紅酒數量,如果訂多左咪要全部搬返屋企自己飲返哂?

 

向佢地訂其實都好簡單,落訂先俾一半訂金,佢地可以俾最多Buffer一半數量預多俾你地。最多可以退返訂既數量一半(例如我訂10箱,最多可以退5箱,如此類推)

 

但佢地退酒都有個原則,就係要原箱退,已經開左箱的就唔會收返架啦!

 

 

# 已經落左單,佢地公司會直接同你的婚宴場地聯絡安排送酒到會場,完全唔洗一對新人煩惱搬運問題,呢個搬運服務仲要係包埋不另收費架!

 

在飲宴當晚會有佢地的職員黎到現場,收取尾數/安排退貨,可以根據當晚的消耗量黎睇下是否需要退貨同數量!

 

如果咁岩飲淨一半要退貨,當晚就完全唔洗要俾錢,佢地就會當晚直接安排運走退貨,反之飲多過一半就要俾返果D尾數啦!

 

 

 

聽完佢地介紹之後,覺得佢地真係由一對新人的角度出發,提供最貼心的訂酒服務,解左新人唔少煩,酒款價格仲好相宜添!

我地宜家都心思思中,十分滿佢地的酒,價唔貴之餘仲有咁好既服,有好大機會幫襯佢地喇!

 

聽職員講佢地黎緊6月婚展都會入去擺,現場提供免費試酒服務,大家如果打算6月入婚展都可以搵可以試下D酒先再決定都得!

 

想知邊間再PM我啦 

 

 

 

 

以上都是我的用心分享,大家喜歡的就留個腳印支持下~你們的支持就是我婚享的原動力!多多指教!

 

Follow Me Facebook / IG

 

2069 次閱讀 | 175 個評論
Facebook WOW Google+ Weibo Mail
當前第 71 個 | 共 89 個BLOG      上一個 | 下一個
全部(20)

留下足跡

評論


您需要先登入才能繼續本操作