婚享同學會


可用已有生活易帳號

登入


未有生活易帳號?

立即註冊

FingyanWing的BLOG

FingyanWing的主頁 | 查看全部BLOG
自我介紹:
我們的婚期已訂於2019年2月!各位B2B多多指教♥ by Fingyan Wing (Since Oct 2017)|Contact me: fingyan.wing@gmail.com

你可能也喜歡…

當前第 2 個 | 共 40 個BLOG      上一個 | 下一個
查看BLOG | 返回BLOG列表

R&W 婚享 #34:一條180蚊有找 ● 度身訂造靚靚姊妹裙 ✿ 淘寶開箱及試身文

標籤婚宴  11日前

之前篇文講左同姊妹第一次聚會,有好多人都錯重點PM問我姊妹裙~

好啦好啦~今次就講「姊妹裙」~年尾係好多Big Day,好多B2B都物色緊,雖然我係下年2月,但我都急不及待物色左D款,因為其實大家都知,婚期愈近係愈多鎖碎要處理同要買,襯自己記得就做左先!

 

前文講到我定左婚期之後,好快已經組合左呢個5人姊妹團~

我自己只係做過一次姊妹,黎緊10月我個好姊妹結婚先係第2次咁大把,所以經驗唔係多,幫姊妹化妝Set頭既經驗會多D!(嘻嘻)

 

汲取之前唯一一次做姊妹既經驗(都係6-7年前)好青春~最記得當時姊妹裙係新娘子係金都租既,我地可以自己去度身試穿,但係改左兩次,果條裙我自己去拎,當日著都係勁鬆,仲要係Tube Dress,幾驚走光呀!所以我前一晚都去買左Pack防走光膠紙當日勁痴係個胸口!

 

姊妹裙唔岩身,仲要著足一日,真係好唔方便架~

 

所以我希望我既姊妹個個都著得舒服合身,唔會走光,易於走動為主,但礙於當我個Big Day係算冬天,所以就一定要選長裙了!

 

慳得一蚊得一蚊既我,Pre-Wedding婚紗都可以係淘寶買,點解姊妹裙唔可以?好多人會覺得冇得試身會唔會唔岩架?我都有驚呢樣,其實如果你遇到個好賣家,佢係會好細心咁解答你既疑慮,由選色/尺寸等問題都可以一一解答到!

 

我都抱住一試無妨的心態,試試訂左2條返黎睇下實物係點~就算真係唔岩都係損失幾百蚊,如果岩既就可以訂埋其他啦~

就係第一次姊妹聚會時可以俾佢地試下同睇下實物

 

 

第一步:Research

係搵姊妹裙之前,緊係要做一輪Research先,最方便既都係去各位B2B熟悉的Pinterest做功課啦~

其實未有結婚打算之前都曾經諗過班姊妹想七彩顏色架~不過可以年紀唔同左,覺得七彩顏色好似係夏天結婚先襯,而近年都好興小清新的風格,我已經都喜歡Less is more果種Feel,但又覺得全部姊妹著單一個色會有D悶,之後就睇到外國好多都係有雙色的姊姊裙,影相出黎都幾靚!


我曾經有一刻諗過呢類,上身跟下身分開的款,咁上身可以俾姊妹平日著返,不過男友覺得一般,所以放棄左!


我認我係偏好粉紅色,不過我唔想佢地太Pink,因為太Pink唔係人人都著得好睇~而見到Dirty Pink加灰紫色又幾襯wor~問一問男友,佢又覺得OK,就咁決定左啦!(P.S. 我男友喜歡紫色的)


第二步:物色裙款

大家都知淘寶就好似大海撈針一樣,已經Bookmark左唔少款式,揀左一兩個月左右,最後就搵到呢一間,專門係賣姊妹裙的~

見到佢D款同係香港搵到的幾乎係一樣,仲有少量花女裙,不過好似見到得幾款揀,大概都係以姊妹裙居多,長裙短裙都有,幾乎所有裙款都有過百隻色訂造,真係你諗到既色都有,雙色款都可以自由配搭顏色,個款幾特別呀!

 

有時都會懷疑香港果D鋪都應該係俾SIZE大陸訂造,只係香港D鋪識改衣,就賣到成$300-400左右一條~

 

而最近有同學仔都搞緊團購都要話$268一條,仲話好平,咁我又唔確定佢地係大陸造定係香港造,如果真係香港的話,咁就真係算平~

因為香港人工鋪位都唔平呀~仲要有得試身,的確方便到唔識係淘寶買野/搵好物的B2B既!

 

 

第三步:投票揀款

曾經聽過有朋友講,她的姊妹一知要做姊妹就自己搵自己中意既款俾新娘子睇,多多意見咁,都真係幾煩,人多意見多!


幸好我有班超Nice的姊妹,係裙款方面佢地都冇咩太大建議,但都希望佢地參與一下,我就精選左以下3款裙款俾佢地投票~



我仲標記左將會做的色,放埋相下相俾佢地睇~

(因為我想要的灰紫色冇現貨,所以之前請教左店主應該係咩色號比較好)


最終13:2大比數勝出,就決定左1號裙款了~

 

 

第四步:落單

選好色又選好款,我就個別問左姊妹拎Size,係7月頭訂裙啦~

由於係訂造關係,所以佢地冇得退貨,落單俾錢之後我等左10日左右先出貨,話耐唔耐,話快唔快,如果遇上趕急的訂單,就唔太建議訂造啦~因為訂造的唔止你一個!

 

之後集運就一次過送到返香港啦~之前同大家講過我揀左2個色,所以各訂一返黎睇下(留意:店主要訂兩條先免大陸段運費)


 

第五步:收貨及開箱

收到貨立即開箱啦!

質地真係唔差wor~連我開出黎阿媽都話幾靚,仲問我做咩事訂幾多條裙(佢以為係我著!哈哈!)

後面係可以訂造綁帶/全拉鏈,因為距離婚期都仲有大半年,所以我全部幫佢地訂綁帶,因為鬆少少/緊少少都可以調較到~


黎到之後原來係下面係拉鏈,上身係綁帶,又幾好wor

而係訂裙時都留意到佢個裙擺都比較長,問左班姊妹佢地都傾向果日係著平底/低跟鞋(之前講到我班姊妹都同我咁上下高,所以我就用左自己黎度),準確咁俾埋由膊頭到腳的高度俾店主!

Close Up俾大家睇,質料都幾柔軟~

 

 

第六步:試身

係早幾日介紹姊妹第一次聚會果時都講左呢一日都順便俾埋佢地試身~

最擔心既裙擺長度都岩岩好,著低跟行路做野都唔會輕易踩到裙腳!

隻灰紫色著上身又幾好睇,姊妹膚色都立即顯白tim~因為店主果度無人訂過呢個色(無實物圖)我初頭都好擔心,好彩店主冇介紹錯色號俾我

兩個色合照一下,呢兩個色真係好襯呀(心心眼)當日就可以同姊妹們影到靚相啦

大家當日都學習下互相幫大家綁裙帶,因為Big Day當日佢要大家互相幫忙綁下啦~

之後睇過人地教點綁後面先最靚,由上而下綁就可以一邊綁一邊調教到個V形靚D,最後條帶可以放返入裙入面,咁就靚哂啦!

 

姊妹試身後感:

-      條裙好安全,可以綁緊D,又唔怕走光(絕對無我之前做姊妹時衣不稱身問題)

-      肩帶可以做背心款/一字膊款,唔洗咁悶

-      訂造長度岩岩好,方便走動

 

 

就係咁我就KO左我姊妹裙啦~

之後訂多3條就OK~我仲問左店主之後訂多3條有冇得平,佢話可以每條平5元,都好呀!慳得一蚊得一蚊!

 


跟進:因為我下年2Big Day都應該可能比較凍,我另外都會再物色Fashion少少既淨色Scarf俾佢地,我本人都好討厭果D娘到爆又只用一次的毛毛被肩,反證都係買,買D佢地之後都用到既款比較化算!

 

希望以上婚享幫到大家啦

 

預告:同步,兄弟衫其實我都同步已經買左落黎,但我仲未約到個兄弟試上身睇下效果,所以遲D再同大家婚享一下啦 

 

 

 

以上都是我的用心分享,大家喜歡的就留個腳印支持下~你們的支持就是我婚享的原動力!多多指教!

 

Follow Me Facebook / IG



 

我的婚享回顧

《求婚篇》

#20:「六四寶寶」終於都被落訂  求婚篇

《場地篇》

#2:萬事起頭難  東九龍區 ● 睇場記【多圖+多字】

#19:城中熱話婚嫁場地  城門河畔畫舫出嫁

中式婚嫁篇

#5:倒數一年出嫁辦嫁妝買金器小記錄の感受父母的愛【限定優惠】

#13:一日游走三間褂店.尋找性價記高的傳統裙褂  馬拉松式試褂記

#31:男人的中式The One  淘馬褂開箱及試身文

婚紗禮服篇

#6:尋找我的小玩意  試衫記(Ifeat. 男禮 + 花球

#9:尋找我的小玩意  試衫記(II 集性感.華麗.夢幻於一店

#11:尋找我的小玩意  試衫記(III 帶著媽媽們試衫去

#16:尋找我的小玩意  試衫記(IV 細節控專屬的婚紗店

#18:尋找他的小玩意  男人遇上他的THE ONE

#25:尋找我的小玩意  試衫記(V  為香港Pre-Wedding選裙

婚禮飲食篇》

#15:大日子中不能缺少的「酒」  貼心的訂酒服務

《花車篇》

#8:屬於我們可愛又夢幻清新花車o靚之VAN【文末有介紹優惠】

《自拍Pre-Wedding

#3:自拍Pre-Wedding  日系小清新婚照  婚紗禮服篇 

#10:自拍Pre-Wedding  日系小清新婚照  攝影器材,道具及技巧篇

#28:自拍Pre-Wedding 日系小清新婚照  個人造型及完成品分享篇

《台灣Pre-Wedding

#14:正式台灣Pre-Wedding準備篇無耳窿新娘尋Bling Bling耳環(I)

#21:正式台灣Pre-Wedding準備篇  練習完美露齒笑

#22:正式台灣Pre-Wedding準備篇  美美指甲留倩影

#23:正式台灣Pre-Wedding準備篇  入手超級性價比高的耳夾耳環

#26:正式台灣Pre-Wedding準備篇  打造美美髮色是很重要的

#30:集公主華麗清新活潑風格台中Pre Wedding

婚鞋篇

#29:性價比高訂造個人專屬的婚鞋 一對一試鞋服務絕對唔Hard Sell

《請帖

#27:我們的小清新請帖  糾結篇【淘寶實物開箱大比拼】

佈置篇

#32:婚禮簽到點子  將來賓的祝留永留存

《兄弟姊妹

#33:偽Bridal Shower ✿ 我的陪嫁姊妹第一次見面會

DIY篇》

#12:自己花球自己整  600蚊內KO我的The One歐式散形絲花花球

#24:自己婚嫁飾物自己整  超抵買手作材料套包 @ 日本手作天堂

護膚扮靚篇

#4:準備倒數1年後Big Day  優惠價試做Facial Keep住靚到當日

其他

#7:我和honey的甜蜜日常  旅行自拍合照不求人

#17:回歸平地瑜伽初體驗【夏日瑜伽體驗班】

2166 次閱讀 | 284 個評論
Facebook WOW Google+ Weibo Mail
當前第 2 個 | 共 40 個BLOG      上一個 | 下一個

評論


您需要先登入才能繼續本操作