要搞兩地婚禮再加上同啊媽意見不合...(呻一呻...)

你係加拿大邊? 我地係WINNIPEG   好彩我同我男友屋企人都係香港!!!  我地會返去差不多4個月就係為左搞錯禮  我地到時連工都要辭埋先可以去!!! 你搞2邊 仲要係大搞真係好多野煩真係好多整   除左有人幫手!!

我係Toronto啊！點解屋企人係呢邊到要返去搞啊？我男友全部屋企人都係個邊，只能搵未來99幫手,但真係唔好意思煩到佢架ma...咁你係係個邊租衫定有衫去？我都係係呢邊買過去算啦...你要特登返去4個月都好大工程啊！我男友都係早一個月，我就早big day 2個禮拜.先過去....

我都係兩地搞婚禮(Melbourne+HK)。比你好小小的係未來99沒意見(不過為問係香港的男方親戚點睇)，所以暫時都係自己同阿媽係度嘈。兩母女已經試過開火,大家都喊晒,好彩阿爸係度頂住幫守解話同緩和情緒。
兩地搞的確不容易,好多野只有自己用email不停上網search,樣樣都要預早知道(我同男朋友都分隔兩地的),同埋實在有好多野同香港都好唔同,男朋友又未必可以跟到咁足....
我都係剛剛開始籌備無耐....我地倆個都係想簡簡單單(應該係呢一代都會咁想), 但係阿媽就好想宴客....係無辦法之制,我唯有自己轉念-將一切當係感恩的事去做,咁樣個心會做得安落同有意義D,同時自己將其他野都盡量看看可否安排兩邊都一樣 (e.g. 我真係好好彩搵到間婚紗公司可以比我帶件婚紗去澳洲兩個禮拜不收費； 一個花球兩邊用；catering越便宜又穩妥就好等等....)
唯有同各方面多溝通,自己又看開一點,變靈活一點呢~
祝你們一切順利,快樂!

我都係，起初係媽媽同我講好左話唔需要係香港擺酒，去外國攞酒一次就算。

其實外國的婚禮搞得好簡單好普遍，所以我哋都係想簡簡單單。攞酒的事由男友負責付的，男友從來唔會要求他的爸媽一起付，其實他覺得預算可以負擔一點。我的男友寧願自抱腰包付我的全家人及親友住酒店及機票費用。

但是過幾個月後，媽媽突然就話要禮金20萬，之後又話要開5圍邀請親戚們來飲喜酒。其實她要呢個數目未必人人都覺得可以負擔，因為始終禮金無公價，但對於我們兩個來說，完全超出我同男友的預算，的確係好大負擔。

當時我和媽媽嘈咗好幾次，但哥哥發怒還跟我吵吵鬧鬧，打爛咗我的iphone，佢就講應該要給禮金20萬係值得？？我實在不能心平氣和的面對他們，他們為了面子而次次這麼做對我很大失望。