家庭圈子 - 曳媽客廳
-
我妹妹坐月子的日子就完成了,而派薑醋給親戚朋友的時機也快過,不過我這位大姨媽依然隨手可吃!哇哈哈!!!
今次我真係想趁機表揚一下這項古老食法,味道實在一流!豬腳薑我相信大家都吃過,有人只愛吃薑、有人只愛吃蛋、也有的只吃炆得稔稔的豬腳!而我...就非常喜愛炆得充滿薑醋味的.......咸蛋!沒錯!正是薑醋咸蛋!味道頂呱呱,一點咸蛋味也沒有,有的只有咸蛋的質感和薑醋汁的甜味!我實在太愛咸蛋黃喇喇喇喇~~~那我為何會懂得此煮法的呢?話說我陀細仔時,也不記得從那位老人家口中而得知,咸蛋也可與薑醋同煲,最好更是連殼 (殼須輕輕敲裂) ,好讓甜醋的酸性溶解蛋殼內所含有的鈣質,並與甜醋溶合,那麼單飲薑醋汁也有營養云云.......當時的我越聽越高興,已把營養內容那部份拋諸腦後,因為我很愛吃咸蛋黃,腦袋不斷浮起那味道究竟會變成怎樣呢?會變得更好吃嗎?! 咸蛋的咸味會去了那裡?甜醋會因加入了咸蛋後而變得有咸味嗎?一堆一堆的疑問全湧出來!既然如此,不如實際地試一次吧!就是這樣,自我的細仔出世後,我身邊所有親戚朋友均試過這味薑醋咸蛋,無不嘩然,實在出奇地味美!現在就讓我介紹這味薑醋咸蛋給大家認識一下吧!再伴以紅棗煲雞蛋湯,行血補氣!切開看看,仍然是咸蛋黃的質感!正!
-
好想食呀...
-
真係好好食架~~ 嘿嘿~~
我同你都近架喎!你係咪真係想試先~~ 吃吃吃~~ 找我吧!
-
係咪真先 我一定來啦
-
真係有架,你係過黎既咪準備定比你囉!呵呵呵~~
-
曳媽咪!: 真係有架,你係過黎既咪準備定比你囉!呵呵呵~~薑醋旦 = 正 ; 薑醋咸旦 = 好新鮮要試一試 ;
不過要吃成隻咸旦會好飽好漏........
等我隻發炎中眼好轉就踩過你樹, 記得留多幾舊豬腳過我 ; 旦唔要 ; 咸旦要半隻丫唔該
-
河馬媽媽: 薑醋旦 = 正 ; 薑醋咸旦 = 好新鮮要試一試 ;收到收到!咁等我留定比你啦!放心~~ keke~~~
不過要吃成隻咸旦會好飽好漏........
等我隻發炎中眼好轉就踩過你樹, 記得留多幾舊豬腳過我 ; 旦唔要 ; 咸旦要半隻
-
好想食呀...
-
賣晒喇~~ wakakakaakaaaaaa~~
-
desiree: 我食左啦http://wow.esdlife.com/space.php?uid=9&do=album&picid=124362&goto=down#picarea哈哈哈~~~ ok 喎!成碗薑醋溫暖晒!
(你衰耶~ 仲要咁樣引久城!哈~~)
-
曳媽咪!: 哈哈哈~~~ ok 喎!成碗薑醋溫暖晒!梗係啦
(你衰耶~ 仲要咁樣引久城!哈~~)
-
上一胎我都有食
蛋黃流沙
好味
-
一定好好味...引死人啦
-
我都想吃
-
全靠我,大家先有得食同埋 "恨食" 咋~~~ 嘻嘻!!!
-
karlunl: 全靠我,大家先有得食同埋 "恨食" 咋~~~ 嘻嘻!!!至巴閉係你哩!wakakaka~~
-
你好呀!睇過食譜,你話開刀要二十朝後才補得,咁開刀後返到屋企第一日應跟食譜邊個期開始?次序應該係點?唔該哂!
-
好似好正窩...以前都未聽過用咸蛋煲薑醋。下次我都試吓先....
你還不是該小圈子正式成員,不能參與討論。
現在就加入。