婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 1 個 | 共 105 個BLOG      上一個 | 下一個
查看BLOG | 返回BLOG列表

婚後的第一次 ~雞蛋仔戒夜奶記

標籤Baby  孩子成長  婚後的第一次  25日前

初生BB因為胃仔細細, 要食夜奶係必然的事。陀B時上網爬文參考其他父母既經驗, 先知道原來個個BB情況不同, 有啲一個月可以戒到, 有啲就可能去到兩三歲都仲要食, 有啲一早戒咗但中途又會無啦啦要食返。 始終BB唔同大人, 無得夾硬迫既, 如果真係肚仔餓, 俾著大人都唔著要食宵夜啦。當然, 如果BB可以早唔洗食夜奶, 父母一定會拍掌歡呼, 因為終於有覺好訓! 如果話妊娠紋係BB送俾媽咪第一份禮物, 咁戒夜奶就一定係BB送俾爸爸媽媽第一個surprise 啦~~ 

話說阿B未滿月時, 一日食七餐, 兩餐人奶(樽餵)五餐奶粉, 每隔三小時食一次, 阿仔個肚準時過鬧鐘, , 每次差不多夠鐘佢就自動甦醒, 正負通常唔會超過十分鐘, 換片之後如果仲未有奶奶食佢必然會爆喊, 好嘈呀! 所以有時我哋都會提早預備定奶奶等佢一醒來就來就有得食唔好嘈嘈貢, 特別係半夜嗰餐啦。半夜三四點起身餵奶真係好攞命, 雖則話為母則強, 但半夜熟睡後突然又要彈起身餵奶, 我真係覺得暈暈地, 好彩我返咗娘家坐月, 有時媽咪都會起身幫我餵阿B, 等我可以同時間泵奶, 阿B飲完奶時我又剛剛泵完, 咁就可以一齊再繼續訓到天光。

滿月之後, 阿B既夜奶時間開始變得無咁固定, 有時都係隔三四個鐘, 但有時又可以隔到五六個鐘先要再食。嗰時我每晚餵完十一點嗰餐奶之後, 都會同阿B講, "如果你可以訓到天光就好嗱", 哈哈~  唔知係咪阿B真係識聽話, 差不多去到兩個月既時候, 阿B已經可以唔洗食半夜嗰次奶, 一訓就到六七點先起身 ,不過有時候半夜三四點都有機會無啦啦紮醒然後喊, 我會盡量抱同埋哄到佢訓返為止, 但就唔會再俾奶佢食。

去到兩個月要返健康院打針, 呢兩針係有機會搞到BB發燒唔舒服, 雞蛋仔不能幸免, 打完針當晚就發燒。BB第一次發燒全家都緊張啲, 阿B食完藥之後要抱住先可以安靜咁訓吓, 第一次見阿B咁辛苦,我全晚都抱著佢, 唔知係咪因為訓得唔夠冧, 半夜阿B又要食返夜奶醫肚, 雖然第二日已經好返, 但接落黎幾晚阿B都要食夜奶

當時仲有三個星期就要返工, 咁落去真係唔得掂, 諗起姑娘話阿B兩個月大個胃會大咗成熟咗, 係時候可以減餐數至每日五至六餐, 所以我哋就開始幫阿B加奶量, 由120ml加到150ml, 再慢慢加到180ml, 每餐時間拉長至4個鐘, 一日由七餐變為食五餐。當阿B飲多咗奶之後, 佢又慢慢再開始可以訓過夜, 五點, 六點, 七點,八點,  遂漸每日訓多啲長啲, 到我返工時佢大約可以訓到七點幾八點, 現在佢三個半月大, 最長可以由十二點半訓到九點幾都未起身, 為咗唔好影響全日既餵奶時間太多, 有時候我哋都要叫醒佢食第一餐奶奶。  

唔知係唔係個個BB都鍾意舉起對手仔訓覺架呢? 阿B好似指揮緊交通咁

雞蛋仔都好鍾意大字型咁訓


經過幾個月訓練下, 只要阿B輕微郁吓喊吓我就會彈起身睇吓佢咩事。可能仲係細啦,  半夜有時都仲係會紮醒喊吓要人抱抱, 呢啲情況我通常搞五至十分鍾左右我就可以放返佢上床,  佢訓淋咗之後我就可以繼續訓。 雖然我個心都好想阿B可以自已一覺瞓天光, 但有時阿B隔好耐都無咩聲氣我反而會驚,我會自動起身check吓佢啲呼吸聲先可以安心再訓呢, 哈哈, 做人阿媽有時候個心就係咁矛盾~~~

好鍾意望著阿B覺覺豬個樣, 想鍚一啖但又怕整醒佢  


4914 次閱讀 | 2 個評論
Facebook WOW Google+ Weibo Mail
當前第 1 個 | 共 105 個BLOG      下一個

評論

  • Rainysonia 22日前
    IamMissZoe: BB三個星期,希望望都可以一兩個月就戒夜奶啦😊
    加油加油💪🏻😁祝你早日成功✌🏻👍🏻
  • IamMissZoe 22日前
    BB三個星期,希望望都可以一兩個月就戒夜奶啦😊

您需要先登入才能繼續本操作