• DIY 小狗襟花 Nephael 2015-04-23 13:40 分享舊作~ 我個好友13年的時候結婚,，我就幫手做一系列的裝飾品，包括襟花。朋友睇中左一個colorful織帶配lego公仔的襟花，於是我就抄款將個公仔改為朋友最鍾意的黑色柴犬。   朋友想參照佢愛犬黎整，不過我唔識將佢卡通化，唯有上網搵圖黎改。我用黑白色戟絨做個公仔出黎（用戟絨最方便最易整）不過佢隻狗帶啡色，所以我用乾粉彩補色～ 接下來就係要搵襯底的配料：總共5隻唔同的織帶同毛毛波。首先用米白色的横紋帶做個底，然後分別將啡色波點絲帶，藍色間條帶及黃色波點帶整成十字loop，再將黃色波點同藍色間條帶合體～跟住就波浪帶，虛線帶同波點帶剪成細條～準備工作就完成左了 之後要將毛毛球定落黃色波點帶，再同白色底的織帶及再補上啡色波點絲帶～然後就可以加上已裝飾的公仔頭～襟花就基本完成了～ （請恕我手工唔係太好）跟住再用戟絨锈出佢地Big Day的日子再加落去最闊果條織帶度~ 加埋丈根或者扣針就完成了～ 因為個個兄弟姊妹都覺得整得靚，無人肯返俾我朋友做紀念。。。於是我重新做兩個俾佢，不過今次改用繩係底，俾佢窗簾扣用～佢開心到不得了～因為朋友好滿意我的作品，我都好開心～當然唔少得要拎我的作品同佢兩隻寶貝影相啦～