婚享同學會


可用已有生活易帳號

登入


未有生活易帳號?

立即註冊

tung_smt的BLOG

tung_smt的主頁 | 查看全部BLOG
自我介紹:
開朗,OUTGOING

你可能也喜歡…

當前第 8 個 | 共 48 個BLOG      上一個 | 下一個
查看BLOG | 返回BLOG列表

SS Wedding 訂白紅酒(原價退酒有冇咁荀?)

By tung_smt (聯絡作者) 於 2018-06-23 15:39
今日我想分享一間訂酒既公司...
早前我地兩個就開始諗住訂酒...係唔太識飲同唔識人既情況下...
當然就係問下身邊已經擺酒既朋友...
經朋友介紹一個中介人可以訂酒...
其後,我都有同個中介人Whatsapp聯絡過既...
但始終都係冇得親身試味...我同Mr. Ng一直hold住唔訂住...諗住睇多幾間...

係我仲沉醉於收到靚靚既帖時...無意中發現有間酒舖...標榜住「免費試酒 原價退酒 免費送貨」
有冇咁著數呀~~我抱住一試無仿既心態,就約左時間上去試酒!!

SS Wedding: 淘寶偉大作品 約$6.7/張 Pocket款請帖:

https://wow.esdlife.com/space.php?uid=77644&do=blog&id=381157


係上去前,聯絡Choco約時間...就約左5月27日下午2pm
Choco好細心咁前一日就whatsapp提我...將send左d路線教我去...
當天我係去佢地荃灣既地址 (好似有其他地區?!!
)
去到門口我都懷疑係咪冇開...(因為門口係黑麻麻)我仲要第一次禁錯鐘冇人應門!
最後當然順利入到門啦!
我一到去既感覺係「好有FEEL...好正既環境!」

Choco安排我地去左試酒既房...環境如下:


一坐底面向住一堆酒....好似係話老細既珍藏!

Choco都有問我地有冇食野...話可以有餅乾!
當日安排我地試4支酒...2白酒2紅酒!
事前whatsapp溝通時,Choco已經問定一d基本資料...如:婚期、地點、偏好口味、budget...等等...

首先睇睇酒既目錄,講解一下酒類同介紹下當日既4支酒...

第一支試既白酒:CUATRO RAYAS AZUMBRE SAUVIGNON BLANC
1支 $88  一箱為6支  來自西班牙!
口感:較淡味、易入口、有清新既感覺!

隔離第2支白酒:MARTUE CHARDONNAY
1支 $110  一箱為6支  來自西班牙!
口感:冇第1支咁易入口...但我自己鍾意飲白酒,我就偏向呢支!


有水提供清清口!!

跟住Choco都講解左一d訂酒既程序,同埋條款俾我地知道!


首先決定好訂既數量,佢地會先收「一半訂金」
婚期前兩個星期,佢地會直接聯絡婚宴場地,安排送貨事宜 (我地真係無須理會)
Choco仲話...送貨前後...都會whatsapp番我地,等我地安心! (細心服務!)

最重要個part黎啦!!!!! 「原價退酒」到底係咩回事?
去到婚宴當日...我地興高采烈之劑...
佢地會係婚宴尾聲出現...黎睇下剩下幾多酒!!
退酒以開箱黎計算既,即係話...好似以上兩支白酒黎講啦!!

一箱為6支,如果我訂4箱...當日只係飲左12支...另外12支未開箱...就可以退12支...
但如果我當日飲左13支...即係開左第3箱...咁就只可以退1箱 6支!另外個5支就要俾錢自己拎走!

**提醒:最多退一半酒!!

當日佢地黎到會即場收回酒,同收尾數...
經佢一番講解後,我地都好清楚了!!需知道外面訂酒何來有得退酒...仲幫你做埋運輸...
我地之前一直考慮既問題...終於可以有方法解決!!

跟住就試紅酒啦!!


第一支:ALMANAQUE BARRICA 06 (即係樽身有06字樣個支)
1支 $89  一箱為6支  來自西班牙!
口感:唔澀,易入口...我自己都飲左幾啖!
**本人唔太喜歡飲紅酒...因為一直係坊間餐廳叫既紅酒,一入口就覺得好澀!!


第二支:CINEMA JOVEN
1支 $105  一箱為6支  來自西班牙!
口感:比第1支有少少澀,但都算易入口...我仍然能飲到幾啖! Mr Ng就鍾意呢支多...

試完4支之後...Mr Ng又發揮佢鍾意吹水既功能...
佢真係去到邊間vendor都可以吹一大輪...
一邊同Choco吹水...又會唔小心飲多少少紅酒!

係傾計期間,我地都知道佢地每次試酒都係即時開支新酒,令到客人能夠飲到原味!
另外佢地都有做零售...如新人過大禮買酒...以又係佢地度已經訂左酒,就一樣可以享受靚價錢!
但如果淨零售咁買酒....當然價錢就唔係我地睇到既靚價錢!

當然我地傾計期間,都有討論應該揀邊支好...
Choco都好好咁分析我地聽...完全冇hardsell貴既酒...
佢都有鼓勵我地可以再試真d味先決定!


最後考慮到人人口味唔同...始終應該揀最易入口既為最好...可以適合大部份人飲!
所以最後揀左:第一支白酒 + 第一支紅酒

決定好酒款,就要決定數量!Choco都好好咁幫我地計算!
最後決定白酒紅酒各18支...一共6箱!

終於又完成一個item!!To Do List又可以劃線啦!!!

當日既然出得去荃灣...我當然順路入埋馬灣club one拎地圖卡!!一天內解決兩件事!!!

1421 次閱讀 | 132 個評論
Facebook WOW Google+ Weibo Mail
當前第 8 個 | 共 48 個BLOG      上一個 | 下一個
全部(13)

留下足跡

評論

 132 12345

您需要先登入才能繼續本操作