婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 5 個 | 共 41 個BLOG      上一個 | 下一個
查看BLOG | 返回BLOG列表

我的rundown+溫馨提示

3月前
由結婚大半年前我就開始打我0既RUNDOWN..都係之前WOW友SHARE出黎架..
呢個rundown係男家女家分開左2邊..咁兄弟姊妹只係睇返佢地自己0個邊就快好多啦..有時間咪睇矛另一邊囉
老實說..全部都係字..真係唔想睇咁多..哈哈...
除左RUNDOWN重要之外~
1)金器表(敬茶表)都好重要
呢個表要比酒樓經理, MC, 兄弟姊妹睇
好似我自己咁..係酒樓有30對以上長輩要斟茶...
咁MC就會用咪叫定D長輩出黎..不過如果有矛自己親人幫手直接叫佢地出黎就最好啦..(因為點都會有D慢吞呑)
而酒樓經理需要知道有幾多人要敬茶..佢地都可以預備定..
咁兄弟姊妹就唔駛講啦..一定係MARK金器同利是..記住MARK金器所有野都要以"件"數..
好似一對鈪...就寫"2"隻..一對耳環..都係寫"2"隻...到最後就清楚知道有幾多隻..
同矛所有金器..最好用一個盒入哂D金...唔駛續隻續隻放返入每一個盒...
到敬酒時又唔駛續個盒打開拎返金器黎帶...爭取時間..快d出去影相..
一個盒袋好哂...再係盒面MARK低入面有幾多隻鈪..幾多隻介指等等..又清楚又快tim

2)佈置..
如果你地好似我咁..冇比錢人佈置相簿區..reception區等...
就要麻煩你d兄弟姊妹啦...但係點佈置就最好自己先整一次影低定d相
再比兄弟姊妹, 照住圖片去set up就最好...
而我用矛小畫家..key黎key去..就整到好似係當日個場咁

3)新郎新娘服裝LIST
比化妝師同姊妹睇...等佢地知道你咩時候著咩裙..帶咩手飾...

4)兄弟, 姊妹JOB
其實rundown入面都有講明兄弟姊妹要做d咩..但真係太多字..同太長篇...會唔記得&睇漏左
所以最好整一個表..註明佢地每個人主要負責咩JOB...到結婚前1/2日再SEND比佢地..
咁就冇咁易忘記啦~

5)補影拍照次序
D樣野係十分之超級重要
由於我擺40圍...所以我係結婚之前已經問清楚4大長老有D咩人要補影....
**補影係主要係一大班人...如男/女家親戚, 一大班同事, 一大班朋友, 一大班同學..大合照**
整好哂補影0既先後次序~到時MC就會叫人出黎影相
**提提大家...隨左先詢問4大長老有咩人要補影之外, 都要提提佢地...補影0既主力係影大合照!!!....迎賓時間係for得1, 2個朋友黎飲, 朋友/一家人 or想同新人拍照而排隊0既賓客..而佢地就係呢個時間影..因為補影0個part..1/2個朋友往往都係去到最後...但已經好晏可能都走左..所以記住話比4大長老知道...防止係迎賓時段影大合照..**

6) 物資表
冇乜要注意...但最好係裝物資0既箱/袋出面..都註明入面有d咩..
咁方便到兄弟姊妹知道呢個箱入面有d咩..到收物資時..都唔駛專登揾返個表..只需要睇返個箱..照住執返物資入箱/袋就得啦

7) 新郎新娘發表感言
呢一part...我都忘記左...
其實自己知道要結婚0既時候...自己成日係沖涼0個段時間..就諗0個日應該要講d咩..有咩同父母講...
但到最後..我又因為太驚對住咁多人講而冇講到....又有d自己又唔記得情況之下又冇講到..(自己之前諗到要同父母講d咩..但去到0個下一片空白)
而家其實都幾後悔...
所以即將結婚0既新人...自己突然間諗到想講咩時候記住抄低佢(因為之後真係會唔記得)...到結婚前..print/寫出黎..當貓紙..提自己記住要講d咩或著驚就照住讀..因為唔講..到最後真係會後悔架~!


呢個rundown我係結婚半年之前就打啦...所以去到最尾1個月我都只係改左少少時間上..冇乜大動要更改
大家得閒就打住d先..唔好去到到最尾先攪呀..因為最尾0個1個月仲有最煩0既座位表要攪...
到最尾會有好多突發野...你係會冇時間去處理咁多野..所以有時間就整整個rundown啦^^
安排好哂...結婚0個日就好順暢架啦..

5213 次閱讀 | 331 個評論
Facebook WOW Google+ Weibo Mail
當前第 5 個 | 共 41 個BLOG      上一個 | 下一個

評論


您需要先登入才能繼續本操作