婚享同學會


可用已有生活易帳號

登入


未有生活易帳號?

立即註冊

Saron的BLOG

Saron的主頁 | 查看全部BLOG
自我介紹:
土生土長香港女生於書店邂逅來自加拿大的白馬王子,一見鐘情,令她夢想成真。婚後組織幸福家庭,育有一女柔謹。同年開設FB專頁「一三年夏天,嫁了去加拿大 」,分享文化差異的生活趣事,現已吸引接受兩萬粉絲。另於大學主修小學教育,曾於美國、芬蘭及香港等地教學。

你可能也喜歡…

當前第 154 個 | 共 197 個BLOG      上一個 | 下一個
查看BLOG | 返回BLOG列表

甜蜜相處小分享

2016-04-06 12:06
前兩天做訪問時,記者問我有什麼跟老公的相處之道可分享。其實都係果句,結左婚只係兩三年,邊有資格教人?只不過又咁岩最近有少少野可以分享下。 呢兩星期唔知點解個人有時好忟(我諗個個女人都會),咁大家又見到大金毛呢排咁岩留左好鬼多鬚,唉呀!我唔介意你留鬚,但哄埋黎就真係唔係好想囉,「吉」到爆,所以我成日都推開佢。佢上個禮拜突然認真mode同我講佢最近唔係好開心,因為我成日推開佢,好似好抗拒佢咁,佢感到被拒絕,無愛喎!
嘩!有無咁嚴重呀?我自己真係唔係好覺,但原來佢真心hurt同介意我唔錫佢唔比佢哄我。 講出黎好似好白痴咁,好似好少事什至唔係咩一回事,但其實並唔係,因為好多時好多問題都是由小事變成大事。可能開頭不為意的冷淡或者覺得被伴侶冷落,但如果唔知對方因為咁而唔開心而繼續落去,可以慢慢大家愈來愈冷漠,什至會有猜疑,無事都變有事。所以當大金毛好認真咁同我講佢覺得有呢個唔開心既感受時,我即刻諗返自己過去呢兩星期既表現,又真係好似衰衰地,好似真係好冷漠下又成日推開佢。 真係好在佢話比我知,我先有機會反省同解釋返佢知,我並唔係因為唔愛你而推開你,只係你d鬚令我隔離你囉,哈哈!另外,即刻比返多d hugs and kisses佢,就可以好易解決左d hard feelings. 而大金毛都好識做咁已經剃左d鬚啦!yeah ! 真係架,其實無話貼士唔貼士,最緊要既相處之道其實個個人都知,只不過做唔做或者記唔記得又係一回事。兩個人坦誠溝通已經可以解決左9成問題,而令兩個人陷入到無得回頭既階段往往都好似Stephy所講「我地實在有太多問題,已經多到好難再去解決!」 所以真係唔好小看每一件小事每一個hard feelings。加油啦,其實大家都會有高山低谷既時刻,要緊守住 祝大家跟伴侶都可以真真誠誠咁坦坦白白,先至可以真真正正咁甜甜蜜蜜

450 次閱讀 | 0 個評論
Facebook WOW Google+ Weibo Mail
當前第 154 個 | 共 197 個BLOG      上一個 | 下一個

留下足跡

評論


您需要先登入才能繼續本操作